Aziz hám jalǵızımsan, janajan Ózbekstanım

Modernization of the Curricula in sphere of smart building engineering - Green Building (GREB)

Erasmus + baǵdarlaması sheǹberinde GREB joybarı dúzilgen bolıp, ol Evropa awqamı hám qatar birge islesiwshi mámleketler joqari oqiw orinlarin óz ishine aladı.

Joybardıǹ tiykarǵı maqseti búgingi rawajlanıp atırǵan dáwirde insanlar turmısın ele de jaqsılaw hám abadanlastırıw ushın jaǹa tiptegi zamanagóy, aqıllı hám ekologiyalıq jaqtan jetilistirilgen turaq-jaylar hám imáratlardı qurıw hám olardı joybarlaw bolıp tabıladı.

Joybar kóleminde Italiya, Avstriya, Shveciya, Ispaniya, Sloveniya, Rossiya, Mongoliya, Ózbekistan universitetleri birge jumıs alıp baradı.

Evropali birge islesiwshiler

1.L’Aquila universiteti (Italiya)

2.KTH Texnologiyaliq karollik universiteti (Shveciya)

3.Madrid politexnika universiteti (Ispaniya)

4.Sloveniyadaġi qurilis klasteri (Sloveniya)

5.Salzburg  ilimiy jetilisken universiti (Avstriya)

Rossiyali birge islesiwshiler:

6.Moskva mámleketlik puqaraliq injeneriya universiteti

7.Astraxan puqaraliq injeneriya instituti

8.Kazan mámleketlik arxitektura hám qurilis universiteti

9.Ogarev Mordavia mámleketlik universiteti

10.Puqaraliq injeneriyaliq bilimlendiriw instituti assocaciyasi

11.Regional jámiyetlik shólkem (Rossiya texnologiyaliq jámiyeti)

Mongoliyali birge islesiwshiler:

12.Mongoliya milliy universiteti

13.Mongoliya bilim hám ilim, texnologiyalar universiteti

Ơzbekistanli birge islesiwshiler:

14.Tashkent  málimleme texnologiyalari universuteti

15.Urgenish mámleketlik universiteti

16.Qaraqalpaq mámleketlik universiteti

Joybardiǹ tiykarǵi maqseti

Bu’gingi  rawajlanip atirǵan dáwirde insanlar turmisin ele de jaqsilaw hám abadan turmisti támiyinlew ushin jaǹa tiptegi zamanagóy, aqilli hám ekologiyaliq jaqtan jetilistirilgen turaq-jaylar hám imaratlardi quriw, olardi joybarlaw bolip tabiladi.

Joybardiǹ tiykarǵi waziypalari

Waziypalar sonnan ibarat, ol óz ishine aqilli qalalardi quriw, imaratlardiǹ qolayliliq dárejesin asiriw, usi baǵdarda tiyisli teoriyaliq hám ámeliy bilimlerdi jetilistiriw, oqiw baǵdarlamalari, tiyisli qollanbalar menen támiyinlew, oqiw, oqitiw, ilimiy jumislardi qollap-quwatlawdi aladi.

 

QMU oqıtıwshısı Avstriyadaǵı seminarǵa qatnasıp qayttı

2017-jılı 21-25-mart kúnleri Erasmus+ baǵdarlaması sheńberinde dúzilgen GREB  joybarınıń gezektegi oqıw-ámeliy seminarı Avstriya mámleketiniń Zalcburg ámeliy pánler universitetinde bolıp ótti.

Oǵan Berdaq atındaǵı QMUdıń texnika fakulteti arxitektura hám qala qurılısı kafedrası baslıǵı B.Qıdırbaev qatnasıp qayttı.

Seminardıń birinshi kúni joybar shólkemlestiriwshileri qatnasıwshılar toparı aǵzaların rásmiy túrde kútip aldı hám universitettiń tiykarǵı hám tayanısh imáratları menen tanıstırdı. Bunnan soń 5 kúnlik seminar jobası tiykarında shólkemlestirilgen oqıw kursları óz jumısın basladı.

22-23-mart kúnleri joybar qatnasıwshıları Grac qalasında bolıp, qurılıs jumısları boyınsha medicina universitetiniń qurılıs jumısları, HOG arxitektura byurosında arxitektura joybarları menen tanıstı hám qalada qurılǵan energiya tejemli imáratları boyınsha ekskurciyalar shólkemlestirildi.

24-mart kúni universitette aqıllı imárat joybarı boyınsha oqıw dástúrlerin qanday ámelde qollaw mumkinligi boyınsha kórip shıǵıldı. Sonday-aq, seminarǵa Rossiya, Mangoliyadan qatnasqan professor-oqıtıwshılar menen bir qatarda QMU oqıtıwshısı B.Qıdırbaev óziniń prezentaciyasın inám etti.

25-mart kúni universitet rektorı menen ushırasıw bolıp ótti hám qánigeler kelip izertlew hám qurılıs joybarlarınıń prezentaciyaları bolıp ótti.

Seminar joqarı dárejedegi shólkemleskenlik penen ótkerildi.

Tashkent málimleme texnologiyalar universitetinde GREB joybarınıń seminarı bolıp ótti


2017-jıl 21-22-iyun kúnleri Tashkent málimleme texnologiyalar universitetinde GREB joybarınıń birinshi oqıw-ámeliy seminarı bolıp ótti.

Seminardı Ózbekistandaǵı Erasmus Milliy ofisi (NEO) kordinatorı A.Abdiraxmanova, GREB joybarı kordinatorı, italiyalı professor, L’Akuila universiteti prorektorı Anna Tozzi hám basqalar sózge shıǵıp ózleriniń bilim-tájiriybelerin bólisti.

Seminar dawamında injenerlik bilimlendiriw, toplanǵan  tájiriybelerdi óz-ara almasıw, aqıllı imáratlardı qurıw boyınsha pikirlesiwler bolıp ótti. Seminar dawamında treyningler shólkemlestirilip óz ara diskussiyalar menen dawam etti.

 

 

Italiyanıń L’Aquila universitetinde GREB  joybarını oqıw-ámeliy seminarıń bolıp ótti

Evropa awqamınıń Erasmus + baǵdarlaması boyınsha dúzilgen GREB  joybarı sheńberinde 2017-jılı 24-25-oktyabr kúnleri Italiyanıń L’Aquila universitetinde oqıw-ámeliy seminarı bolıp ótti.

Onda joybar sheńberindegi joqarı oqıw orınlarınıń professor oqıtıwshıları qatnastı. Seminardı L’Aquila universiteti rektorı, professor Paola Inverardi ashıp berdi. Bunnan soń GREB  joybarı kordinatorı,  professor Anna Tozzi,  Dr. Massimiliano D’Innosenso sózge shıqtı. Al, rossiyalı professor Irina Petrova hám italiyalı professor Anna Tozzi jańa oqıw baǵdarlamaları, óz-ara tájiriybe almasıw, oqıtıwǵa arnalǵan bayanatların jasadı.

Seminarda dúnya standartlarına sáykes qala landshaftın dóretiw, imáratlardı aqıllı hám ekologiyalıq normalarǵa say qurıw boyınsha óz ara pikir talaslar boldı. Òtkerilgen seminarda Erasmus + baǵdarlaması QMUdaǵı kordinatorı B.Paluanov, joybar aǵzası, arxitektura hám qala qurılısı kafedrası assistenti A.Turdıbaevlar qatnastı.

Seminar juwmaǵında mádeniy orınlar menen tanısıw maqsetinde qala orayındaǵı dıqqatqa ılayıq jerlerge ekskursiyalar shólkemlestirildi.

 

Italiyanıń L’Aquila universiteti hám Qaraqalpaq mámleketlik universiteti arasında eki tárepleme shártnamaǵa qol qoyıldı

 

GREB  joybarı sheńberinde ótkerilgen seminar dawamında Italiyanıń L’Aquila universiteti hám Qaraqalpaq mámleketlik universiteti arasında 5 jıl múddetke ilimiy hám tájiriybe almasıw boyınsha eki tárepleme shártnamaǵa qol qoyıldı.

Oǵan muwapıq student jaslar óz ara tájiriybe almasıw maqsetinde belgilengen múddette shártnamadaǵı oqıw orınlarında ámeliyat ótewi hám oqıwın dawam ettiriwi múmkin.

 

 

 

 

 

 

 

 

 

 

Avstriyanıń Zalcburg qalasında GREB joybarınıń náwbettegi oqıw-ámeliy seminarı bolıp ótti

2018-jıldıń 20-21-fevral kúnleri Avstriyanıń Zalcburg qalasında GREB joybarınıń náwbettegi oqıw-ámeliy seminarı bolıp ótti.

Onda joybar sheńberinde alıp barılıp atırǵan jumıslar boyınsha keńnen maǵlıwmat berildi. Búgingi kúnge shekem ekologiyalıq jaqtan taza imaratlardı qurıw, dáwir talabına juwap beretuǵın zamanagóy tiptegi jaylardı joybarlaw boyınsha pikir-talaslar boldı. Bul seminarda GREB joybarı boyınsha oqıw orayın ashıw máselesi qaraldı. Joybar sheńberinde alınǵan oqıw úskeneleri boyınsha maǵlıwmatlar berildi.

Seminarǵa Erasmus + baǵdarlamasınıń QMU daǵı kordinatorı B.Paluanov qatnasıp, islengen jumıslar boyınsha prezentaciyasın usındı.

Qatnasıwshılar óz-ara tájiriybe almastı hám seminar juwmaǵında Zalcburg qalası boyınsha mádeniy sayaxat shólkemlestirildi.

 

Sloveniya mámleketiniń Lyublyana qalasında GREB  joybarınıń náwbettegi oqıw-ámeliy seminarı bolıp ótti

2018 jıldıń 17-18-aprel kúnleri Evropa awqamınıń Erasmus+ baǵdarlaması boyınsha shólkemlestirilgen GREB  joybarınıń náwbettegi oqıw-ámeliy seminarı Sloveniya mámleketiniń Lyublyana qalasında bolıp ótti.

Onda birge islesiwshi joqarı oqıw orınlarınan oqıtıwshılar qatnastı. Seminarda joybar sheńberindegi alıp barılıp atırǵan jumıslardıń nátiyjeleri hám endigi isleniwi tiyis bolǵan jumıslar boyınsha pikirlesiwler boldı.

Seminarǵa QMU dan xalıq aralıq baylanıslar bóliminiń baslıǵı Sh.Shaniyazov, arxitektura hám qala qurılısı kafedrasınıń assistent oqıtıwshısı B.Seytekov qatnastı. Sonday-aq, Erasmus + baǵdarlamasınıń QMU daǵı kordinatorı B.Paluanov qatnasıwshılarǵa orınlanǵan wazıypalar haqqında maǵlıwmatlar berdi.

 

Qaraqalpaq mámleketlik universitetiniń Texnika fakultetinde GREB joybarı tiykarında lobaratoriya kabineti ashıldı

Berdaq atındaǵı qaraqalpaq mámleketlik universitetiniń Texnika fakultetinde Evropa awqamınıń Erazmus+ baǵdarlaması GREB joybarı tiykarında lobaratoriya kabineti ashılıw máresimi bolıp ótti.

Lobaratoriya kabinetin ashıwdan tiykarǵı maqset arxitekturalıq jańa imáratlardı joybarlaw, olardıń ekologiyalıq jaqtan qáwipsiz hám zaman talabına sáykes smart úyler etip jaratıw baǵdarında jumıslardı shólkemlestiriw bolıp esaplanadı.  Búgingi kúnde lobaratoriya zamanagóy hám xalıq aralıq standartlar tiykarında kompyuter texnologiyaları menen tolıq táminlengen.

-  Shólkemlestirilgen Lobaratoriya kabinetinde  student jaslar teoriyalıq bilimlerin bekkemlew ushın ámeliy tájiriybelerdi alıp baradı. Bunda tiykarinan studentler ózleri islep shiqqan imáratlardiń joybarlari, sizilmalar hám professor-oqitiwshilar menen birgelikte jumis alip baradi. 

Ashılıw máresiminde universitet rektorı A.Reymov qatnastı.