Бердақ атындағы Қарақалпақ мәмлекетлик университетинде республикалық «Жоқары оқыў орнының ең жақсы педагогы» таңлаўының университет басқышы өткерилмекте. Таңлаў қатнасыўшыларын төрешилер қурамы – университет проректорлары, кәсиплик аўқамы баслығы ҳәм факультет деканлары баҳалап бармақта.
«Тафаккур синовлари» республикалық таңлаўының 22-май күни өткерилиўи режелестирилген аймақлық басқышына Ургенч мәмлекетлик университети, Наўайы мәмлекетлик кәншилик институты, Термиз мәмлекетлик университети ҳәм Бердақ атындағы Қарақалпақ мәмлекетлик университетиниң студентлериниң командалары қатнасады.
Таңлаўға университетимиздиң белсенди жасларынан қуралған «Еркинлик қанатлары» командасы менен қатнаспақта.
Уллы жипек жолы мәдений мийрасын үгит-нәсиятлаў мақсетинде ЮНЕСКО тәрепинен «Жипек жолы жаслар нәзеринде» темасында көркем фотосүўретлер таӊлаўы өткерилиўин мәлим етемиз.
Өзбекстан жаслар аўқамы Қарақалпақстан бөлими, Нөкис ФМ радиосы, «Jaslar TV» телеканалы ҳәм «Уumorbek» орайы менен биргеликте 16 жастан жоқары болған ҳәзилкеш жаслар арасында «Юмор бәйги» таңлаўын өткереди. Таңлаўда 1-орын ушын 1 000 000 сўм, 2-орын ушын 600 000 сўм, 3-орын ушын 400 000 сўм муғдарында сыйлықлар қойылған. Таңлаўдың өткерилиў ўақты ҳәм мәнзили: 2018-жыл 28-29-май күнлери саат 9:00 ден 18:00 ге шекем Республикалық Жаслар орайы.
Бизиң елимизде жасларға деген итибар жоқары дәрежеде. Олардың ҳәр тәреплеме кәмил инсан ҳәм жетик кадр болып жетилисиўлери ушын барлық имканиятлар жаратылған. Арамызда өз үстинде тынбай мийнет етип, оқыў ҳәм изленистен ҳеш те тоқтамайтуғын жаслар көпшиликти қурайды. Әне, усындай жасларымыздың бири Шахло Калилаева. Шахло техника факультетиниң қала қурылысы тǝлим бағдарының 1-курс студенти.
2018-жыл 19-май күни тәбияттаныў факультетинде аўыл хожалығы кандидаты, география илимлериниң докторы, Ташкент мәмлекетлик аграр университети Нөкис филиалы аға оқытыўшысы Бахтияр Жоллыбеков пенен ушырасыў болып өтти. Ушырасыўға тәбияттаныў факультети руўхыйлық ислери бойынша декан орынбасары Жалғас Муйнакбаев ҳәм факультеттиң студент жаслары қатнасты.
Елимизде алып барылып атырған реформалардың нәтийжелилигин және де арттырыў, жәмийетимиздиң ҳәр тәреплеме ҳәм тез пәт пенен раўажланыўы ушын шәрт-шараятлар жаратыў, мәмлекетимизди модернизациялаў ҳәм турмысымыздың барлық тараўларын либералластырыў, нызамшылықты беккемлеў бойынша бүгинги күнде журтымызда мисли көрилмеген дәрежеде кең көлемли ислер әмелге асырылмақта, орынларда түсиндириў жумыслары алып барылмақта ҳәм ушырасыўлар өткерилмекте.
Усы жылдың 18-май күни университетимиздиң техника факультетинде, техника факультети студентлери арасында «Ҳуқықбузарлық ҳәм жынаятшылықтың алдын алыў» деген темада ушырасыў болып өтти. Ушырасыўға техника факультетиниң архитектура тәлим бағдары 2-курс студентлери қатнасты. Жыйналысты факультет деканы Т.Узақов ашып берди ҳәм алып барды.
Бүгин, 19-май күни университеттиң мәжилислер залында Өзбекстан Республикасы Президентиниң 2017-жыл 27-июльде «Жоқары мағлыўматлы қәнигелерди таярлаўдың сапасын арттырыўда экономика салалары менен тармақларының қатнасын буннан былай да кеңейтиў илажлары ҳаққында»ғы ПҚ-3151-санлы қарары ҳәм Өзбекстан Республикасы Президентиниң 2018-жыл 7-май күнги «Экономика тараўлары ҳәм тармақларында инновацияларды енгизиў механизмлерин жетилистириў бойынша қосымша илажлар ҳаққында»ғы ПҚ-3698-санлы қарарында белгиленген ўазыйпаларды орынлаў бойынша мәжилис болып өтти. Мәжилистен көзге тутылған мақсет жоқары мағлыўматлы кадрлар таярлаўдың сапасын арттырыўға байланыслы мәселелерди өндирис орынларындағы жуўаплы хызметкерлер ҳәм қәнигелер менен биргеликте додалаў. Жыйналысты социал-экономика факультетиниң деканы Т.Жийемуратов алып барды. Оған ҚР Экономика министрлигинен, ҚР Статистика басқармасынан, Аудит-Сервис аудиторлық шөлкеминен, ҚР Бәнтлик ҳәм мийнет қатнасықлары министрлигинен, ҚР Микрокредитбанк АТБ, «Қарақалпақстан ВАКТ» ЖШЖ, Өзбекстан Саўда-санаат палатасы ҚР басқармасы баслығынан, ҚР Орайлық банки Бюджеттен тысқары Пенсия қоры ҚР басқармасынан қәнигелер менен жуўаплы хызметкерлер келди.
Усы жылдың 18-май күни университетимиздиң мәжилислер залында жыйналыс болып өтти. Жыйналысты университет ректоры А.Реймов ашып берди. Мәжилиске ҚР Халық билимлендириў министрлиги, ҚР физикалық тәрбия ҳәм спорт министрлиги, ҚР Гидрометеорология басқармасы, Өзбекстан аўыл хожалығы илимий-ислеп шығарыў орайы ҚР бөлими, ҚР аўыл хожалығы министрлиги, Қарақалпақстан Телерадиокомпаниясы, ҚР Әдиллик министрлиги, Өзбекстан Республикасы Жоқарғы судының қурамындағы ҚР судлары, ӨзР Бас прокуратурасы жанындағы Мәжбүрий орынлаў бюросы ҚР басқармасы қатнасты. Сондай-ақ, «Тақыятас ыссылық електр станциясы» АЖ, «Карақалпақ аймақлық электр тармақлары кәрханасы» АЖ, ҚР Жер дүзиў ҳәм көшпес мүлк кадастр мәмлекет кәрханасы, ҚР Тоғай хожалығы комитети, «Қарақалпақбоян» АЖ, ҚР Экология ҳәм қоршаған орталықты қорғаў комитети жергиликли бөлимлери, «Экосан» экология ҳәм саламатлық, Халықаралық жәрдем фондының Қарақалпақстан аймақлық шөлкемлеринен сексен төрттен аслам жумысшылар келди.
Шет тиллери факультетинде өткерилип атырған «ANNUAL PRESETT WEEK» ҳәптелиги даўам етпекте.
Жоқары ҳәм орта арнаўлы билимлендириў министрлиги ҳәм Британия Кеңеси менен биргеликте турмысқа енгизилген бул жойбар бойынша өткерилип атырған ҳәптеликте бир қанша илажлар әмелге асырылып атыр.
Быйылғы жылдыӊ 14-май күни Шет тиллери факультетинде дәстүрий түрде өткерилип киятырған «ANNUAL PPERESEET WEEK» ҳәптелиги басланды.
14-19-май күнлери аралығында өткерилиўи режелестирилген ҳаптеликтиӊ ашылыў мәресими салтанатлы түрде старт алды.Онда факультеттиӊ студент жаслары белсендилик пенен қатнасты ҳәм өзлери таярлаған көргизбелер, ҳәр түрли темадағы дийўалый газеталар, флайерлер, журналлар таярлады.
Өзбекстан жаслар аўқамы Нөкис қалалық кеңеси тәрепинен 17-май күни Қарақалпақ поэзиясының байтереги Өзбекстан Қаҳарманы шайыр И.Юсуповтың дөретиўшилигине арналған «Аязий билимданлары» китапқумалар таңлаўы өткерилди. Онда 7-13 жас, 14-19 жас ҳәм 20-30 жас аралығындағы қатнасыўшылар арасында таңлаў өткерилди.
Университетимиз Мәлимлеме Ресурс орайында шөлкемлестирилген «Кеўилли китапқумар жаслар» клубы жетекшиси Р. Қалмурзаева ҳәм клубтың бир топар ағзалары «Истиқлол» балалар дем алыў орайында ашылған Балалар китапханасында мийманда болды. Китапхана хызметкерлери бул китапхананың мүмкиншиликлери, қолайлықлары, бул жерде шөлкемлестирилген дөгереклер ҳаққында клуб ағзаларына мағлыўматлар берип өтти. Студент жаслар халқымыздың жети жастан жетпис жасқа шекемги бөлегине өз хызметлерин көрсетип атырған бул китапхананың ашық фондынан орын алған китаплар менен танысты.
Әдебият жасаса – миллет жасайды, – деген еди уллы ойшылларымыздан А. Шолпан. Әлбетте ҳәрбир халықтың қәлиплесиўинде өшпес дүрданалары есанланатуғын классикалық әдебияты айрықша орын ийелейди. Туўысқан қазақ халқының ҳәм миллий әдебиятының қәлиплесиўинде болса Абай Қунанбаевтың орны гиреўли. Ол ХХ әсирдиң ярымында жасап өткен қазақ жазба әдебиятының тийкаршысы, шайыр, композитор ҳәм мәмлекетлик искер.
 |
