Факультет деканы

  Ембергенов Наўрызбай Жанабаевич

 

+998 90 5766276

 

http://geo.karsu.uz

 

Факультеттеги кафедралар

  1. ГЕОГРАФИЯ КАФЕДРАСЫ
  2. ГЕОДЕЗИЯ, КАРТОГРАФИЯ ҲӘМ ТӘБИЙИЙ РЕСУРСЛАР КАФЕДРАСЫ

  3. Факультет тарыйхы

География кафедрасы 2019-жылы 10-июнь сәнесинде География ҳәм тәбийий ресурслар факультети етип шөлкемлестирилди. География кафедрасы университеттеги дәслепки шөлкемлестирилген кафедралардан бири болып, ол 1948-жылы Қарақалпақ мәмлекетлик педагогикалық институтының қурамында Тәбияттаныў-география факультетинде География-химия кафедрасы болып дүзилген. 1948-1954 жыллары бул кафедраға химия илимлериниң докторы Ф.З.Фишер басшылық еткен. 1954-1963 жыллары география кафедрасына доцент Н.А.Бем, 1963-1976 жыллары ҳәм 1985-1992 жыллар аралығында Өзбекистанға мийнети сиңген муғаллим, профессор Ж.Матмуратов, 1976-1981 жыллар аралығында доцент А.Б.Бекбулатов, 1981-1985 жыллары доцент Т.Х.Аллабергенов басшылық етти.

1992-1993 оқыў жылынан баслап география кафедрасы физикалық ҳәм экономикалық география кафедрасы болып бөлинди. Физикалық география кафедрасына 1992-1996 жыллары доцент Т.Х.Аллабергенов, ал 1996-жылдан доцент П.Р.Реймов басшылық етти.

Экономикалық география кафедрасына доцент Е.Умаров 1992-жылдан 1997-жылға дейин басшылық етти. 1997-1998 оқыў жылында физикалық ҳәм экономикалық география кафедралары география кафедрасы болып бириктирилип, кафедраға 1997-2009 жыллары доцент П.Р.Реймов, 2009-2015 жыллары доцент Г.А.Ходжаева, 2015-2019 жыллары доцент Н.Ж.Ембергенов басшылық етти.

География кафедрасы 2019-жылы 10-июнь сәнесинен баслап География ҳәм тәбийий ресурслар факультети етип шөлкемлестирилип, бул факультетке география илимлериниң кандидаты, доцент Н.Ж.Ембергенов басшылық етпекте.

Факультетте еки кафедра: география ҳәм гидрометеоролоия, сондай-ақ геодезия, картография ҳәм тәбийий ресурслар кафедрасы бар. Бул кафедраларда 5140600-география, 5140700-гидрометеорология, 5311500-геодезия, картография ҳәм кадастр ҳәм 5311900-нефт ҳәм газ кәнлерин иске түсириў ҳәм олардан пайдаланыў тәлим бағдарлары бойынша қәнигелер таярламақта.

Факультетте 31 штат болып, тийкарғы штатта 20 профессор-оқытыўшы: соннан 2 илим докторы, 5 илим кандидаты, 2 үлкен оқытыўшы ҳәм 11 ассистент-оқытыўшы жумыс ислемекте.