ИМАРАТЛАР ҲӘМ ҚУРЫЛМАЛАР (СООРУЖЕНИЕЛЕР) ҚУРЫЛЫСЫ КАФЕДРАСЫ

Өзбекистан Республикасы Министрлер Кабинетиниӊ 1998-жыл 24-февральдағы 77-санлы «Академиялық лицейлер ҳәм кәсип-өнер колледжлерин шөлкемлестириў ҳәм олардыӊ жумысын басқарыў ҳаққындағы» қарарына тийкарланып Республикамыз аймағындағы кәсип-өнер колледжлерин жоқары мағлыўматқа ийе инженер-педагоглар менен тәмийинлеў мақсетинде 2000-2001 оқыў жылынан баслап инженерлик қурылыс факультетиниӊ қурамында жаӊа «Кәсиплик тәлим» кафедрасы шөлкемлестирилди.

2009-жылы университетте Техника факультетиниӊ ашылыўына байланыслы «Кәсиплик тәлим» кафедрасы усы факультеттиӊ қурамына өткерилип, «Қурылыс» кафедрасы атамасында қайта шөлкемлестирилди. Кафедрада Имаратлар ҳәм иншаатлар қурылысы, Кәсиплик тәлим (Имаратлар ҳәм иншаатлар қурылысы) бакалавр бағдарлары бойынша қәнигелер таярланды. 2013-2014 оқыў жылынан баслап Қурылыс материаллары, буйымлары ҳəм конструкцияларын ислеп шығарыў бакалавр бағдары бойынша студентлерди оқыўға қабыл етиў басланды.

2014-жыл 2-сентябрьден баслап «Қурылыс» кафедрасы «Имаратлар ҳәм сооружениелер қурылысы» кафедрасы болып қайта шөлкемлестирилди.

Ҳәзирги күнде кафедрада 5340200-Имаратлар ҳәм иншаатлар қурылысы, 5340500- Қурылыс материаллары, буйымлары ҳәм конструкцияларын ислеп шығарыў бакалавр бағдарлары бойынша студентлер билим алмақта. «Имаратлар ҳәм сооружениелер қурылысы» кафедрасы профессор-оқытыўшыларының қурамы: кафедра баслығы т.и.к. Г.Утегенова, т.и.к., доцент Қ.Даулетов, т.и.к., доцент Н.Сапарниязов, үлкен оқытыўшылар Ж.Нажимов, Р.Пахратдинова, У.Мамутов, А.Алламбергенов, ассистентлер М.Ешмуратов, Ж.Камалов, Н.Сайымбетова, Ш.Тажибаев, Р.Бекимбетов, М.Камалов, А. Пахратдинов, К. Бектурсынова ҳәм стажер-оқытыўшылар А.Наўрызбаев, Т.Сержанова, А.Айтбаева, З.Пасиева, Ю.Утемуратова, Б. Искендеров, А.Даўлетбаевалардан ибарат. Буннан тысқары кафедрада Ургенч мәмлекетлик университети доцентлери Б.Рахманов ҳәм Б.Собиров, Ташкент архитектура-қурылыс институты профессорлары Х.Акрамов,  Х.Комилов, ӨзР ИА Улыўма ҳәм органикалық емес химия институтының силикатлар химиясы лабораториясы баслығы профессор З. Қодирова, ӨзР ИА ҚҚ бөлими геология лабораториясы баслығы т.и.д. И.Аимбетов, «Ғәрезсиз аймақлық сертификация орайы» коллектив кəрханасы директоры К.Торамбетов, «ККгорсельпроект» ЖШЖ баслығы А.Айтбаев, «ККпухаражойбар» ЖШЖ баслығы Т.Нағашбаевлар қоса ислеў тийкарында студентлерге билим ҳәм тәлим-тәрбия бериўде бирге ислесип атыр.

Кафедрада таярланып атырған бакалавр бағдарлары студентлериниң танысыў, оқыў-технологиялық, өндирислик ҳәм питкериў алды практикалары Қарақалпақстан Республикасы қурылыс министрлигине қараслы қурылыс шөлкемлери, жойбарлаў институтлары ҳәм өндирислик кəрханаларында өткерилип келинбекте.

Кафедра профессор-оқытыўшылары тәрепинен 6 атақлы стипендиантлар таярланды, олардан үшеўи Беруний атындағы мəмлекетлик стипендиянты, үшеўи Бердақ атындағы Қарақалпақ мәмлекетлик университети студентлери ушын берилетуғын Бердақ атындағы стипендия жеӊимпазлары есапланады. Кафедраныӊ профессор-оқытыўшылары тəрепинен кейинги үш жыл даўамында сырт ел, республика журналлары, халық аралық ҳəм республика көлеминдеги конференцияларда 120 дан артық мақала ҳәм тезислер жәрияланып, 30 дан аслам оқыў-методикалық қолланбалар жаратыўға ерисилди. Кафедра профессор-оқытыўшылары тәрепинен 2017-2018 оқыў жылында 1 оқыўлық ҳәм 10 оқыў қолланба  таярланып, олардың авторларына Өзбекистан Республикасы Жоқары ҳәм орта арнаўлы билимлендириў министрлигиниӊ гуўалығы берилди ҳам баспадан шығарылды. Ҳәзирги ўақытта кафедра Астрахань мәмлекетлик архитектура-қурылыс университети, Москва мәмлекетлик миллий изертлеў қурылыс университети, Ташкент архитектура-қурылыс институты, Самарқанд архитектура-қурылыс институты, Ургенч мәмлекетлик университети ҳәм тағы да басқа жоқары оқыў орынлары менен тығыз байланыста жумыс алып бармақта.

Кафедрада 2019-2020 оқыў жылынан баслап Москва мәмлекетлик миллий изертлеў қурылыс университети менен биргеликте шәртнама тийкарында бакалавриаттың «Қурылыс материаллары, буйымлары ҳәм конструкцияларын ислеп шығарыў» тәлим бағдарына, магистратураның «Қурылыс материаллары, буйымлары ҳәм конструкцияларын ислеп шығарыў» қәнигелигинен қоспа тәлим дәстүри бойынша студентлер ҳәм магистрлер оқыўға қабылланып билим алмақта.

Кафедрада ислеп атырған илимий дәрежели профессор-оқытыўшылар

 

Утегенова Гульзар Ауесбаевна, техника илимлериниң кандидаты. 1964-жылы Нөкис қаласында туўылған. 1988- жылы Н.Э.Бауман атындағы Москва жоқары техника училищесин тамамлаған. Қәнигелиги инженер-механик. 2008-жылы «Обоснование параме-тров ротационного семязаделывающего рабочего органа рисовой сеялки (для условий Республики Каракалпакстан)» темасында кандидатлық диссер-тациясын жақлады. 40 тан аслам илимий-методикалық мийнетлери баспада жәрияланған. Соның ишинде 1 Өзбекистан Республикасы патенти, 2 оқыў-методикалық қолланбасы, 20 илимий мақала ҳәм 25 тезис авторы. 2016-жылдан баслап кафедра баслығы.

 

Узаков Торебек Джумабаевич, техника илимлериниң кандидаты. 1970-жылы Шымбай районында туўылған. 1993-жылы Наманган санаат-техноло-гия институтын тамамлаған. Қәнигелиги санаат ҳәм пуқара қурылысы бойынша инженер-педагог. 2010-жылы «Транспорт наносов в дельте р.Амударьи в условиях зарегулированного стока воды» темасында кандидатлық диссертациясын жақлады. 30 дан аслам илмий-методикалық мийнетлери жәрияланды.  Соның ишинде 1 оқыўлық, 10 оқыў-методикалық қолланбасы, 25 илимий мақала ҳәм тезислер авторы. 

 

Сапарниязов     Нөкисбай     Нурниязович,          техника илимлериниң кандидаты, доцент. 1956-жылы Нөкис қаласында туўылған. 1978-жылы Воронеж тоғай техника институтын тамамлаған. Қәнигелиги тоғай ҳәм ағашқа ислеў бериў санаат машиналары ҳәм механизмлери инженери. 1997-жылы «Повышение долговечности гильз цилиндров отремонтированных двигателей путем применения электроискрового легирования и поверхностного пластического деформирования» темасында кандидатлық диссертациясын жақлады. 20 дан аслам илмий-методикалық мийнетлери баспада жәрияланды. Соның ишинде 4 оқыў-методикалық қолланбасы, 15 илимий мақала ҳәм 5 тезис авторы. 2014-жылдан баслап кафедра доценти.

 

Даўлетов Қалнияз Абатбаевич, техника илимлериниң кандидаты, доцент. 1967-жылы Нөкис қаласында туўылған. 1992-жылы Киев политехника институтын тамамлаған. Қәнигелиги инженер-металлург. 1999-жылы «Электрические свойства плёнок Ge на GaAS и сенсоры температуры на их основе» темасында кандидатлық диссертациясын жақлады. 30 дан аслам илмий-методикалық мийнетлери баспада жәрияланды. Соның ишинде 1 оқыў қолланбасы, 5 оқыў-методикалық қолланбасы, 10 илимий мақала ҳәм 20 тезислер авторы. 2014-жылдан баслап кафедра доценти.

Сондай-ақ, кафедрада үлкен оқытыўшылар Ж.Нажимов, Р.Пахратдинова, У.Мамутов, А.Алламбергенов, ассистентлер М.Ешмуратов, Ж.Камалов, Н.Сайымбетова, Ш.Тажибаев, Р.Бекимбетов, М.Камалов, А. Пахратдинов, К. Бектурсынова ҳәм стажер-оқытыўшылар А.Наўрызбаев, Т.Сержанова, А.Айтбаева, З.Пасиева, Ю.Утемуратова, Б. Искендеров, А.Даўлетбаевалар жумыс ислеп атыр.

Пайдалы дереклер

Skip to content