ИНГЛИС ТИЛИ ҲƏМ ƏДЕБИЯТЫ КАФЕДРАСЫ

Өзбекистан Республикасында бүгинги күнде шет тиллери, әсиресе инглис тилин үйрениў мәмлекетлик сиясатына айланғанлығы ҳәммемизге белгили. 2012-жылдың 10-декабрьдe Пре-зидент И.А.Каримовтың «Шет тиллерди үйрениў системасын буннан былайда жетилистириў илажлары ҳаққында»ғы қарарында айтып өтилгениндей, Өзбекистанның оқыў орынларында инглис тилин дүнья стандартларына жуўап беретуғын дәрежеде оқытыў тийкарғы мәселе бо-лып табылады. Инглис тили ҳəм əдебияты кафедрасы 1976-жылы университет ашылғаннан берли ис жургизип атыр. Бүгинги күнде кафедрада «Шет тили ҳəм əдебияты», «Филология хəм тил-лерди оқытыў» ҳəм магистратура «Лингвистика» (инглиз тили) тəлим бағдарлары бойынша талабаларға билим берилмекте. Кафедрада илим кандидатлары, доцентлер Н.Ю.Юлдашев, Г.А.Нурымбетова, Д.У.Сейтова, Г.Тлеумуратов, Д.Хаджиева, Дж.Курбанбаев, З.Утешова, Ж.Сейтжанов, сондай-ақ тәжирийбели үлкен оқытыўшы Г.Ешимбетова студентлерге сабақ бе-рип атыр. Кафедрада 27 профессор-оқытыўшы ислеп атыр. Олардан сегиз илим кандидаты, бир үлкен оқытыўшы ҳәм он сегиз ассистент лаўазымында ислейди.

Лекциялар ҳәм әмелий пәнлер жаңа методикалық ҳәм информациялық технологияларды қолланған ҳалда өтилмекте. Көпшилик қəнигелик пəнлерден әмелий шынығыўлар таза қурылған заманагөй әсбап-үскенелерге ийе лингафон ханасында алып барылады. Кафедрада студентлердиң сөйлеў уқыплылығын раўажландырыўға жәрдем бериўши арнаўлы түрде дүзилген клублар, атап айтқанда «English Speaking club», «Scientific club», «English teaching methodology club» ис жүргизбекте. Ҳәр жылы кафедрада «Инглис тили ҳәптелиги», ҳәр айлық илимий-методикалық семинар, илимий-теориялық ҳәм илимий-әмелий семинарлар шөлкемлестирилип, оқытыўшылар ҳәм студентлер оларда белсене қатнасады. Кафедраның 14 студенти зийрек студентлер қатарынан орын алған. Зийрек студентлер арасында инглис тили бойынша республикалык пән олимпиадасы жеңимпазлары, Наўайы, Бердақ атындағы мәмлекетлик стипендия ийелери бар. Олардан, Гульмира Ибраимова, Бийбиназ Альманова, Аб-димурат Тлеумуратов, Шахзада Сайманова ҳәм тағы басқалар. 2012-2013 оқыў жылынан баслап «Өзбекистанда болажақ инглис тили оқытыўшыларын таярлаўда оқыў бағдарламаларын қайта ислеп шығыў PRESETT» атлы Өзбекистан Республи-касы Жоқары ҳәм орта арнаўлы билим министрлиги ҳәм Британия Кеңеси менен биргеликтеги жойбары тийкарында 2 бакалавр бағдарында оқыў процеси алып барылмақта. Бул топарларда оқытыў Европа стандартлары негизинде ислеп шығылған бағдарлама тий-карында алып барылады. Оқыў процесиниң жеделлигин және де өсириў мақсетинде кафедраға Британия кеңеси тәрепинен 5 232 550 сўмлық оқыў материаллары берилди. Сондай-ақ, кафедра ағзалары ҳәр жылы еки рет Өзбекистандағы Британия Кеңеси ҳәм ӨзМЖТУ шөлкемлестиретуғын әмелий семинарларға қатнасып киятыр.

Кафедра профессор-оқытыўшылары тәрепинен методикалық ҳәм оқыў қолланбалар, ҳәр қыйлы бағдарламалар исленбекте. Д.Сейтованың «Общее языкознание» сабақлығы (Нөкис, 2011), Д. Хаджиеваның «Stylistics through practice» (Cамарканд, 2012) Д.Мамырбаева ҳәм Д.Хаджиевалардың «Жазба аўдарма» (Нөкис, 2011-жыл) Д.Хаджиева ҳәм Д.Джумамбетовалардың «Developing speaking      through writing      activities»    (Нөкис, 2015)      сабақлығын, З.Сагатова,

А.Төлеўбаевалардың «Get a handle on your reading» (2015) оқыў қолланбаларын айрықша атап өтиўге болады. Профессор-оқытыўшылар тәрепинен соңғы үш жылда республикамызда 60 тан артық, шет еллерде 12 илимий мақала баспадан шықты. Кафедрамызда 2013-жылдан баслап ҳəр жылы «Тил билими ҳəм шет тиллерин оқытыўдың əҳмийетли мəселелери» атамасында илимий – методикалық журнал «Қарақалпақстан» баспасынан шығарылыўы жолға қойылды.Онда кафедра профессор оқытыўшыларының, магистрантларының ҳəм зийрек талабаларының мақалалары шығарылады.

Кафедра оқытыўшылары Дж.Курбанбаев, Д.Мамырбаева, А.Тажиева Уллы Британияның ири оқыў орынларында инглис тили бойынша қәнигелигин жетилистирди.

Сондай-ақ, студентлер Республиканың ҳәм шет еллердеги ири оқыў орынларының тәлим дәстурлерине қатнасып жеңимпаз болып атыр. Қубла Кореяның Сувон университетинде 4-курс студенти А.Б. Кутлымуратова KOICA бағдарламасы арқалы билим алды.

Кафедрада ислеп атырған илимий дәрежели профессор-оқытыўшылар

 

 

 Хаджиева Дилбар Тажимуратовна, филология илимлериниң кандидаты,  доцент. 1961-жылы 5-июльда Нөкис қаласында туўылған. 1983-жылы Нөкис мәмлекетлик университетин питкерген. «Изменения структурно-функциональной характеристики и валент-ности глагольных словосочетания в истории развития английского языка» темасында кандидатлық диссер-тациясын табыслы жақлады. 4 оқыў қолланбасы, 40 тан аслам илимий мақалалары, 30 дан аслам тезислери жәрияланды.

 

 

Курбанбаев  Джавод  Аминбаевич,  педагогика илимлериниң кандидаты, доцент. 1978-жылы 10-августта Нөкис қаласында туўылған. 2001-жыл Өзбекистан мәмлекетлик жәҳән тиллери университе-тин тамамлаған. Қәнигелиги инглис тили ҳәм әдебияты магистри. 2011-жылы «Бўлажак чет тили ўқитув-чиларининг нутқ омилкорлигини назорат қилиш ме-тодикаси (инглиз тили амалий грамматикаси мате-риалида)» темасында кандидатлық диссертациясын жақлады. 40 тан аслам илимий-методикалық мийнетлери баспада жәрияланды. Соның ишинде 2 оқыў қолланбасы баспадан шықты. 2015-жылдан баслап Шет тиллери факультети деканы.

 

 

Юлдашев Нарбай, филология илимлериниң кандидаты, доцент. 1937-жылы 15-мартта Әмиўдәрья районында туўылған. 1959-жылы Қарақалпақ мәмлекетлик педагогикалық институтын тамамлаған. 1986-жылы «Структурно-типологический анализ объектных слово-сочетаний в английском и каракалпакском языках» те-масында кандидатлық диссертация жақлады. 50 ден ас-лам илимий мақала ҳәм тезислери, 1 сабақлық, 1 оқыў қолланба, 2 методикалық қолланбасы баспадан шықты. 2005-жылдан баслап кафедра доценти.

 

 

Тлеумуратов Генжемурат, филология илимлериниң кандидаты, доцент. 1951-жылы 23-мартта Қараөзек районында туўылған. 1974-жылы Қарақалпақ мәмлекетлик педагогикалық институтын питкерген. 2011-жыл «Историческая морфология и словообразования английского языка» атамасында кандидатлық диссертациясын табыс-лы жақлады. 2 оқыў қолланбасы, 15 тен аслам илимий мақалалары, 20 дан аслам тезислери жәрияланды.

 

 

Сейтова Дәмегул Отарбаевна, филология илимлериниң кандидаты, доцент. 1955-жылы 3-мартта Москва қаласында тууылған. 1977-жылы Қарақалпақ мәмлекетлик педагогикалық институтын питкерген. 1996-жылы «Типологическая категория фазовости в разносистемных языках (на материале английского и каракалпакского языков)» темасында кандидатлық диссертация жақлады. Ҳәзирги ўақытта докторлық темасы үстинде жумыс алып бармақта. 150 ден ас-лам илимий мақалалары ҳәм тезислери, 5 оқыўлык, 2 сөзлик, 8 оқыў қолланба, 7 методикалық қолланбасы баспадан шықты. 2010-жылдан баслап ин-глис филологиясы кафедрасының доценти.

 

 

Нурымбетова Гулайым Аметовна, филология илимлериниң кандидаты, доцент. 1954-жылы 30-апрельде Нөкис қаласында туўылған. 1976-жылы Қарақалпақ мәмлекетлик педагогикалық институ-тын тамамлаған. 1985-жылы «Сингармонизм характери-стики фонологического слуха» темасында кандидатлық диссертациясын жақлады. 1 монография, 20 дан аслам илимий мақалалары ҳәм тезислери баспадан шыққан. 2008-жылдан баслап инглис филологиясы кафедрасының доценти лаўазымында ислеп атыр.

 

 

Утешова Зернегул       Хурметуллаевна,    педагогика илимлериниң кандидаты, доцент.  1982-жылы 26-октябрьде Нөкис қаласында туўылған. 2003-жылы Қарақалпақ мәмлекетлик университетин тамамлаған. 2009-жылы «Лингвокультурологический аспект методики обучения речевому этикету англий-ского языка в каракалпакских школах» темасында кандидатлық диссертация жақлады. 20 дан аслам или-мий мақалалары, 2 оқыў қолланбасы баспадан шықты. 2009-жылдан баслап кафедра доценти.

 

 

Сондай-ақ, кафедрада үлкен оқытыўшы Г.Ешимбетова, ассистентлер Ю.Мамутова, Л.Пак, Г.Конысов, Ф.Аташова, У. Хакимов, Р.Елмуратов, Р. Сапарниязов, Г.Жолдасова, С.Кудайбергенова, Т.Кулниязов, Н.Асенов, В.Жумабаева, Г.Сратдинова, Д.Бадирова, Д.Джумамбетова, З.Сагатова, Н.Сатуллаевалар ислеп атыр.

 

 

Пайдалы дереклер

Skip to content