Санаат технологиясы факультети деканы:

Қурбаниязов Рашид Қалбаевич

 

+99893 520 42 07

kurbaniyazov-rk@mail.ru

http://sanoat.karsu.uz

Факультеттеги кафедралар:

  1. Нефт ҳәм газ технологиясы кафедрасы
  2. Санаат технологиясы кафедрасы

Факультет тарыйхы

Факультет 1943-жылы Муғаллимлер институтының қурамында «Тәбияттаныў-география» бөлими болып шөлкемлестирилген. Соңынан 1948-жылы факультетке айландырылды. 1976-жылы Нөкис мәмлекетлик университети ашылыўына байланыслы бул факультет «Химия-биология» факультети болып қайта дүзилди. 1991-жылы өз алдына «Химия» факультети ашылды.

Факультет деканы лаўазымында 1991-1995-жылларда доц. Ж.Қурбанов, 1995-2000-жыллары доц. К.Ибрагимов, 2000-жылы доц. М.Алланиязова, 2000-2005-жылларда доц. Б.Бектурсынов, 2005-2006-жылларда доц. Р.Тилегенов, 2006-2011-жылларда доц. М.Айымбетов, 2011-2012-жылларда доц. Б.Нурымбетов, 2013-2014-жылларда доц. А.Пирниязов, 2014-2017-жылларда доц. Д.Турениязова, 2017-2018-жылларда доц. Р.Қурбаниязов, 2018-жылдан баслап доц. Б.Нурымбетовлар мийнет етип келди.

2019-жылдың июнь айынан баслап «Химия-технология» факультети негизинде «Санаат технологиясы» факультети шөлкемлестирилди.

Факультетте бакалавр бағдары бойынша үш қәнигелик:

5320900 – «Жеңил санаат буйымлары конструкциясын ислеў ҳәм технологиясы»

5321300 – «Нефть ҳәм нефть газди қайта ислеў технологиясы»

5320300 – «Технологиялық машиналар ҳәм үскенелер»

бойынша қәнийгелер таярланып келмекте. Оларды таярлаўда 2 кафедра:

«Санаат технологиясы» ҳәм «Нефть ҳәм газ технологиясы» кафедралары хызмет етпекте.

«Жеңил санаат буйымлары конструкциясын ислеў ҳәм технологиясы» тәлим бағдары 1999-жылы; «Нефть ҳәм нефть газди қайта ислеў технологиясы» тәлим бағдары 2008-жылы ашылған болса, «Технологиялық машиналар ҳәм үскенелер» тәлим бағдары 2017-жылы ашылды.

Факультет кафедралары тийкарынан ири өндирис кәрханалары, ӨзР ИА илимий изертлеў институтлары ҳәм Жоқары оқыў орынлары менен тығыз байланыста жумыслар алып барады. Солардан «Нефть ҳәм нефть газди қайта ислеў технологиясы» тәлим бағдары студентлери тараўдағы ең алдыңғы орынлардағы «Бухара нефтти қайта ислеп шығарыў» «Uz-kor gas Chemical» ЖШЖ, «Шортан газ химия комплекси», «Мубарек газди қайта ислеп шығарыў» ЖШЖ, «Нөкис полимер» заводларында, «Жеңил санаат буйымлары конструкциясын ислеў ҳәм технологиясы» тәлим бағдары студентлери «Нукустекстиль» ЖШЖ, «Eltex» ЖШЖ, «Turtkul omad textile» ЖШЖ, «Elite stars textile» ЖШЖ, «Халқабад мамығы» ЖШЖ ҳәм Ташкент тоқымашылық ҳәм жеңил санаат институтларында, «Технологиялық машиналар ҳәм үскенелер» тәлим бағдары студентлери «Наўайы Кән металлургия комбинаты» мәмлекетлик кәрханасы Тахиатас металл емес конструкциялар ҳәм стандарт емес үскенелер ислеп шығарыў заводы, «Навоиазот», «Нукус полимер» ҳәм «Қунғирод сода заводи» кәрханаларында әмелиятларын өтейди ҳәм питкериўши студентлер усы өндирис кәрханаларына жумыс ислеўге жибериледи.