Физика факультети деканы:

Насыров Махсуд Уалиевич

+99861-2236021
nasirov@inbox.uz
http://fizmat.karsu.uz

Факультеттеги кафедралар:

  1. Физика кафедрасы

  2. Ярым өткизгишлер физикасы кафедрасы

  3. Электр энергетикасы кафедрасы

Физика факультети тарийхы

1976-жылы Бердақ атындағы Қарақалпақ мәмлекетлик университети ашылған ўақытта педагогикалық институттың физика-математика факультети базасында еки факультет: физика ҳәм математика факультетлери ашылды. Физика факультетиниң деканы болып техника илимлериниң кандидаты, доцент Б. Орымбетов сайланды. Бул лаўазымда доцент Б. Орымбетов 1986-жылға дейин табыслы иследи.

          Физика факультетин 1986-1989-жыллары профессор Б. А. Абдикамалов, 1989-1993-жыллары доцент М.И.Арзуов, 1993-1997-жылларда М.А.Кан басқарды. 1997-жылдың сентябринде физика ҳәм математика факультетлери бириктирилип, қайтадан физика-математика факультети болып шөлкемлестирилди ҳәм 2003-жылға шекем бул факультетке доцент Б.Б.Пренов басшылық етти.

          Усы факультет базасында 2003-жылдың май айында қайтадан математика ҳәм физика факультетлери шөлкемлестирилип, физика факультетине профессор Б.А.Абдикамалов, ал математика факультетин доцент Б.Пренов 2005-жылға шекем басқарды. 2005-жылы август айында физика ҳәм инженерлик қурылыс факультетлери бирлестирилип, физика-техника факультети шөлкемлестирилди ҳәм физика-математика илимлериниң докторы, профессор Қ.А.Исмайлов факультет деканы болып сайланды. 2009-жылдың ноябрь айынан баслап студентлердиң ҳәм қәнигеликлердиң көбейиўине байланыслы физика факультети болып қайта ашылды ҳәм оған профессор Қ.А.Исмайлов 2011-жылға шекем басшылық етти.

          Физика-математика факультетин 2011-2018-жыллары доцент Б.П.Отемуратов, 2018-жылдың август айынан 2019-жылдың июнь айына шекем доцент М.У.Насыров басшылық етти. Физика-математика факультетинде студентлер контингентиниң артыўына байланыслы  2019 жыл июнь айынан баслап  физика факультети қайтадан ашылды ҳǝм  ҳәзирги ўақытта бул факультетке доцент М.Насыров басшылық етип келмекте.

Физика факультетинде төмендеги бакалавр тəлим бағдарлары ҳəм магистратура қəнигелиги бойынша кадрлар таярланады:

  1. 5140200 – Физика

  2. 5310100 – Энергетика (ыссылық энергетикасы)

  3. 5310200 – Электр энергетикасы (энергияны ислеп шығарыў, узатыў ҳәм бөлистириў)

  4. 5310700 – Электр техникасы, электр механикасы ҳəм электр технологиялары

  5. 5310900 – Метрология, стандартластырыў ҳәм өним сыпаты менеджменти (санаат)

Магистратура қəнигелиги

  1. 5А140204 – Конденсацияланған орталықлар физикасы ҳәм материалтаныў (түрлер бойынша)

Халық аралық илимий-техникалық бирге ислесиў

  1. В.Е.Лашкарев атындағы ярымөткизгишлер физикасы илим-изертлеў институты (Украина)

  2. Новосибирск мәмлекетлик техника университети (Россия)

  3. Сумы мәмлекетлик университети (Украина)

  4. Миллий изертлеў ядролық университети МИФИ

(Москва инженерлик-физика институты)

  1. Ишки Монголия технологиялар университети (Кытай)

  2. Мари мәмлекетлик университети (Россия)

 Халықаралық бағдарламалар ҳәм проектлер

  1. Особенности лазерно-индуцированных нелинейных процессов дефектообразования в полупроводниках.

  2. Модернизация учебной программы в сфере высокотехнологического жилищно-общественного строительства – экологическое строительство.

  • Профессор-оқытыўшылар қурамы: 49

  • Илим докторлары: 2

  • Илим кандидаты:   15