Юридика факультети деканы:

Қутыбаева Елизавета Дүйсенбаевна

61 223 58 32
kutibaeva_elizaveta@mail.ru
http://yuridika.karsu.uz

 

Факультеттеги кафедралар:

  1. Ҳуқықтаныў
  2. Миллий идея, руўхыйлық тийкарлары ҳәм ҳуқық тәлими

 

Факультет тарийхы

  • 1977-1978 оқыў жылында тарийх-география факультети қурамында ҳуқықтаныў бөлими ашылды. Усы жылдың өзинде 50 студент қабылланды. Илимий-педагогикалық искерлигин танықлы әмелиятшы, алымлар алып барды: юридика илимлери кандидатлары А.Даулетов, Н.Абдуллаев, У.Нурмашов, Ш.Халиков, М.Хакимов, ҳәм де И.Нуратдинов, Қ.Умарова, Р.Айтмуратова, Е.Қутыбаева, Ж.Ниязова, Б.Матмуратов, Г.Юлдашева.
  • 1993 жылы юридика факультети шөлкемлестирилди.
  • 1996 жылы юридика факультети тарийх факультети менен қосылып юридика-тарийх факультети шөлкемлестирилди.
  • 1999-2000 оқыў жылында «Пуқаралық ҳуқықы; шаңарақ ҳуқықы; пуқаралық процесс; ҳалықаралық жеке ҳуқық» қәнигелиги бойынша магистратура ашылды.
  • 2003 жылы юридика факультети қайта шөлкемлестрилди ҳәм қурамында 4 кафедра өз жумысын алып барды: мәмлекетлик ҳуқық ҳәм басқарыў; пуқаралық ҳуқық; жынаят ҳуқықы, процесси ҳәм криминалистика; хожалық ҳуқықы.
  • 2011 жылы юридика ҳәм тарийх факультети тийкарында тарийх ҳәм ҳуқық факультети шөлкемлестирилди.
  • 2014 жылы ҳуқықтаныў кафедрасында қәнигеликлер бойынша докторантура ашылды.
  • 2019 жылы юридика факультети қайта шөлкемлестирилди.

1977-2019-жыллар аралығында факультет деканы лауазымында К.Сарыбаев, Б.Шамамбетов, М.Торебеков, Б.Матмуратов, Ж.Хакимниязов, Е.Кутыбаева, А.Алламуратов, Ф.Кутлымуратовлар жумыс алып барды. 2019 жылдан баслап юридика факультетин Қарақалпақстан Республикасына мийнети сиңген илим ғайраткери, Қарақалпақстан Республикасы Конституциялық бақлаў комитети ағзасы, юридика илиминиң докторы, профессор Е.Кутыбаева басқарады.

Факультет кафедралары:

  1. Ҳуқықтаныў кафедрасы;
  2. Миллий идея, руўхыйлық тийкарлары ҳәм ҳуқық тәлими кафедрасы.

Билимлендириў системасы:

Бакалавриат бағдарлары:

  1. 5240100 – Юриспруденция (хызмет түрлери бойынша)
  2. 5111600 – Миллий идея, руўхыйлық тийкарлары ҳәм ҳуқық тәлими.

Магистратура қәнигеликлери:

  1. 5А240101 – Мәмлекетлик ҳуқық ҳәм басқакрыў (тараўлар бойынша).

 Докторантура қәнигеликлери:

  1. 00.01 – Мәмлекет ҳәм ҳуқық тәлийматы ҳәм тарийхы. Ҳуқықый тәлийматлар тарийхы.
  2. 00.02 – Конституциялық ҳуқық. Ҳәкимшилик ҳуқық. Финанс ҳәм бажыхана ҳуқықы.
  3. 00.03 – Пуқаралық ҳукық. Исбилерменлик ҳуқықы. Шаңарақ ҳуқықы. Ҳалықаралық жеке ҳуқық.
  4. 00.06 – Тәбийий ресурслар ҳуқықы. Аграр ҳуқықы. Экологиялық ҳуқық.
  5. 00.08 – Жынаят ҳуқық. Ҳуқықбузарлықтын алдын алыў. Криминология. Жынаят-орынлаў ҳуқықы.

Профессор-оқытыўшылар қурамы

Кафедраларда илимий–педагогикалық искерлигин 28 оқытыўшы алып бармақда, солардан 3 юридика илимлери докторы, профессор Е.Қутыбаева, Қ.Умарова, З.Реймова; 7 илим кандидаты – доц.Қ.Сейтназаров, доц.С.Утемуратова, доц.Ш.Шамшетов, доц.И.Матчанов, доц.А.Байрыева, доц.Ж.Сагындыков. Сондай-ақ, қоса ислеў тийкарында белгили әмелиятшылар ҳәм илимпазлар: Өзбекстан Республикасы Олий Мажилис Сенатының комитет баслығы доц.Б.Матмуратов, Қарақалпақстан Республикасы Жоқарғы Кеңеси Аппаратының юридикалық бөлиминиң баслығы, юридика илимлериниң докторы, доц.Р.Маткурбанов, юридика илимлериниң кандидатлары, доц.Б.Дауменов, А. Гулимов, Ф.Кутлымуратов, философия докторы (PhD) С.Ерниязовалар жумыс алып бармақда.

Илимий-изертлеў искерлиги

Сапалы билим бериў ҳәм илимий-педагогикалық кадрларды таярлаў ушын Қарақалпақстан Республикасы юриспруденция тараўындағы бар илимий потенциалы тартылған.

Юридика илимлериниң әҳмийетли тараўлары бойынша илимий-изертлеў жумыслары алып барылмақда, солардан, мәмлекет ҳәм ҳуқық тәлийматы ҳәм тарийхы, конституциялық, ҳәкимшилик, экологиялық, пуқаралық, жынаят, хожалық, жыная-процессуллық ҳуқық ҳ.т.б.

  Илимий-изертлеў кадрларды таярлаў барысында ең кейниги жетискенликлери ретинде – 2019-жылы кафедра докторантларының А.Иматов ҳәм А.Жуманов, изертлеўши С.Ерниязованың философия докторы (PhD) илимий дәрежесин йие болыў ушын диссертацияларын табыслы қорғап шыққанлығын атап өтсек болады.

Факультете жоқары қәнийгели кадрларды таярлаў докорантура арқалы әмелге асырылады. Бүгинги күнде ҳуқықтаныў кафедрасының 4 оқытыўшысы докторантурада тәлим алмақта.

Халықаралық бағдарламалар ҳәм проектлер

Ҳуқықтаныў кафедрасы профессоры Қ.Умарова ТЕМПУС проектының грантын жеңип алды ҳәм факультет жанында ТuCAHEA «Тюнинг орайы»н ашты. Бул проекттиң ҳәм орайдың тийкарғы мақсети Орайлық Азия мәмлекетлериндеги жоқары оқыў орынларында билимлендириў системасының сапасын асырыў есапланады.

Ҳуқықтаныў кафедрасы профессоры Е.Д.Кутыбаева басшылығында «Жамоат назорат тизимида ўзини-ўзи бошқариш органлари ваколатларини кенгайтириш муаммолари (Қорақалпоғистон Республикаси мисолида)» атамасындағы фундаментал илимий проекти тийкарында жәмийетлик бақлаў системасында өзин-өзи басқарыў уйымларының ўәкилликлерин кеңейтиў бойынша илимий изертлеўлер әмелге асырылмақда.

Факультетте зийрек студентлер менен бирге ислесиў жақсы жолға қойлып шөлкемлестрилген. Студентлер илимий жәмийети көлеминде илимий изертлеў жумыслары алып барылмақда, кафедралар жанында ҳәр қыйлы илимий дөгереклер шөлкемлестирилген. Ҳәр жылы жас илимпазлар, магистрлар ҳәм зийрек студентлер илимий әмелий конференциялар өткерилмекте. 2019-жылы 2 курс студенти Хабибуллаева Дильфуза Өзбекстан Жаслар аўқамының стипендиясын алыўға мияссар болды, ал 1-курс студенти Халменова Меҳрибану 2019-жыл июнь айында Өзбекстан Республикасы Жоқары оқыў орынлары студентлери арасында «Мен не ушын сүйемен, Өзбекстанды» атамасындағы өткерилген шығармалар таңланыўының Өзбекстан Республикасы басқышында 1-орынды алып 1-дәрежели диплом менен сыйлықланды.

Соның менен бирге факультет жанында физикалық ҳәм юридикалық шахсларға бийпул ҳуқықый жәрдем көрсетиў мақсетинде юридикалық клиника жумыс алып барып атыр. Клиниканың жумысы пуқараларды профессор-оқытыўшылар ҳәм студентлер тәрепиннен қабыллаў усылы арқалы шөлкемлестирилген. Клиникада алып барылып атырған жумыслар студентлер ушын теориялық билимлерин әмелиятта қолланыў ушын имканият жаратады.