slot demo gratisslot gacor gampang menangSLOT DEMOslot pulsahttps://uptdlkk.kaltimprov.go.id/img/product/https://e-learning.iainponorogo.ac.id/thai/https://organisasi.palembang.go.id/userfiles/images/https://ditkapel.dephub.go.id/petikemas/tests/https://pmb.universitaspertamina.ac.id/popup/hari-ini/https://jdih.komnasham.go.id/img/banner/https://file.disdikbud.kaltimprov.go.id:8443/user/https://lms.binawan.ac.id/terbaik/slot gacor terbaikslot gacor maxwinslot gacor maxwinslot gacor hari inislot gacor terbaikslot gacor maxwinslot gacor 2024
ФУНКЦИОНАЛЛЫҚ АНАЛИЗ, АЛГЕБРА ҲӘМ ГЕОМЕТРИЯ КАФЕДРАСЫ | Karakalpak state university

ФУНКЦИОНАЛЛЫҚ АНАЛИЗ, АЛГЕБРА ҲӘМ ГЕОМЕТРИЯ КАФЕДРАСЫ

Funkcionalliq analiz, algebra hám geometriya kafedrasi

 

 

Funkcionallıq analiz kafedrası 2008-jılı Joqarı hám orta arnawlı bilimlendiriw ministrligi Joqarı oqıw orınları bas basqarması baslıǵı I.Majitovtıń 1-noyabrdegi №87-01/1-441-sanlı xatı, Qaraqalpaq mámleketlik universiteti Ilimiy Keńesi májilisiniń 12-noyabr 2-sanlı bayanlaması qararı hám de Qaraqalpaq mámleketlik universiteti rektorı A.T.Matchanovtıń 13-noyabr №180 k/2-sanlı buyrıǵı menen jańadan ashılıp, kafedra baslıǵı etip f.-m.i.d. K.K.Kudaybergenov bekitildi. 2014-jılı Funkcionallıq analiz, algebra hám geometriya kafedrası bolıp qayta shólkemlestirildi. 2020-jıldıń iyul ayınan baslap kafedranı f.-m.i.k., doc. T.K.Kurbanbaev basqarıp kelmekte.

Búgingi kúnde kafedrada tiykarǵı hám qosımsha shtatta 19 professor-oqıtıwshı bar bolıp, olardan 2 ilim doktorı: K.Kudaybergenov, J.Seypullaev, 3 ilim kandidatı: M.Ibragimov, H.Allambergenov, T.Kurbanbaev, 4 PhD ilimiy dárejelerine iye professor-oqıtıwshılar: K.Begjanova, I.Allambergenov, F.Abdikalikov hám A.Alauadinovlar jumıs islemekte. Sonıń menen birge kafedrada ilimiy izertlew jumısların jáne de rawajlandırıw maqsetinde akademik Sh.Ayupov, professor A.Abdushukurov, professor B.Omirov hám Avstraliyanıń Jańa qubla Uels universiteti professorı F.Sukochevlar saatpay esabında lekciya sabaqların ótiwge tartılǵan bolıp, olar kafedra ilimiy seminarında da bayanatlar jasap kelmekte.

2018-2021-jılları kafedra professor-oqıtıwshıları tárepinen ilimiy izertlew jumısları nátiyjeli dawam ettirilip, kafedra professor-oqıtıwshılarınan K.Begjanova, F.Abdikalikov hám A.Alauadinovlar fizika-matematika ilimleri boyınsha filosofiya doktorı (PhD), I.Allambergenov pedagogika ilimleri boyınsha filosofiya doktorı (PhD) dissertaciyaların qorǵaǵan bolsa, docent J.Seypullaev fizika-matematika ilimleri doktorı (DSc) dissertaciyasın tabıslı qorǵadı.

Docent Uzaqbay Rametov kafedramızda kóp jıllar dawamında studentlerge bilim berip, búgingi kúnde húrmetli dem alısta.

Kafedrada oqıtılatuǵın pánler tómendegishe: matematika, matematika hám ámeliy matematika, kompyuter ilimleri hám programmalastırıw texnologiyaları bakalavr baǵdarları ushın funkcionallıq analiz, funkcionallıq analizdiń qosımsha bapları, algebra hám sanlar teoriyası, analitikalıq geometriya, analitikalıq geometriya hám sızıqlı algebra, differenciallıq geometriya hám topologiya, itimallıqlar teoriyası hám matematikalıq statistika, matematikalıq praktikum, diskret matematika hám matematikalıq logika. Kafedra tárepinen joqarı matematika páni, tiykarınan, ximiya, ximiya-texnologiya, azıq-awqat texnologiyası, texnikalıq mashinalar hám úskeneler, jeńil sanaat buyımları konstrukciyasın islew hám texnologiyası, neft hám gaz isi, neft hám neft-gazdi qayta islew texnologiyası, biologiya, ekologiya hám qorshaǵan ortalıqtı qorǵaw, geografiya, gidrometerologiya, geodeziya hám kadastr, filosofiya, psixologiya, sociologiya, rus tili,  MǴI, dene tárbiyası baǵdarlarına oqıtıladı.

Kafedrada «Algebra hám funkcionallıq analiz», «Itimallıqlar teoriyası hám matematikalıq statistika» boyınsha magistratura qánigelikleri bar bolıp, olar ushın ólshewler hám integrallar teoriyası, Banax keńisliklerinde operatorlar teoriyası, abstrakt algebra, tosınnanlı shamalar ushın limit teoremalar h.t.b. pánler oqıtıladı.

Kafedrada professor K.Kudaybergenov basshılıǵındaǵı «Operatorlar algebraları hám onıń qollanıwları», «Funkcionallıq analizdiń zamanagóy máseleleri» atamasındaǵı ilimiy seminarlar kafedra professor-oqıtıwshıları hám ziyrek studentelerdiń qatnasıwında óz jumısların úzliksiz alıp barmaqta. Sonday-aq, Berdaq atındaǵı Qaraqalpaq mámleketlik universitetiniń 2020-jılı 25-iyundaǵı №65 D/2 buyrıǵı tiykarında professor K.Kudaybergenov hám Buxara mámleketlik universiteti docenti T.Rasulovlar basshılıǵındaǵı «Funkcionallıq analiz» háptelik qospa ilimiy seminarı shólkemlestirilip, búgingi kúnde onlayn tárizde óz jumısın alıp barmaqta.

Ilimiy izertlew jumıslarınıń nátiyjeleri boyınsha sońǵı 3 jılda 100 den aslam ilimiy maqala hám tezisler, solardan 40 tan aslamı shet ellerde basılıp shıqtı. Kafedra professor-oqıtıwshıları tárepinen 10 oqıw-metodikalıq qollanba baspadan shıǵarılıp, studentler olardı keńnen paydalanbaqta.

Házirgi waqıtta kafedra respublikamızdıń hám sırt ellerdiń joqarı oqıw orınları menen ilimiy baylanısqa iye. Solardıń ishinde Ózbekstan Milliy universiteti, Úrgench mámleketlik universiteti, Tashkent mámleketlik pedagogika universiteti, Qarshı mámleketlik universiteti, Krasnoyarsk mámleketlik universitetleri bar. Professor K.Kudaybergenov Germaniya, Malayziya, Qıtay, Avstraliya mámleketlerinde ilimiy saparlarda bolıp, ilimiy seminarlarda bayanatlar jasap keldi.  Kafedra baslıǵı docent T.Kurbanbaev xalıq-aralıq birge islesiw boyınsha Ispaniya mámleketinde ilimiy saparda bolıp qayttı.

Kafedrada ruwxıylıq hám aǵartıwshılıq jumısları boyınsha da bir qatar jumıslar islenip atır. Atap aytqanda Ǵárezsizlik bayramı, 8-dekabr – Ózbekstan Respublikasınıń Konstituciya kúnine, 14-yanvar – Qurallı kúshler kúnine, 8-mart – Hayal-qızlar bayramına, xalqımızdıń milliy bayramı Nawrız bayramlarına arnalǵan bayram kesheleri ótkerilip turıladı. Bul keshege kafedramızdıń húrmetli dem alıstaǵı jası úlken, ardaqlı professor-oqıtıwshıları mirát etiledi.

 

 

Kafedranıń ilimiy dárejeli professor-oqıtıwshıları

 

 

Kudaybergenov Karimbergen Kadirbergenovich, fizika-matematika ilimleriniń doktorı, professor. 1972-jılı Xojeli rayonında tuwılǵan. 1994-jılı Tashkent mámleketlik pedagogika institutın tamamlaǵan. 2002-jılı «Измеримые расслоения ком-пактных множеств и их приложения к теореме Шоке» temasında kandidatlıq, 2008-jılı «Измеримые расслоения линейных операторов и их приложения к операторным алгебрам и дифференцированиям» temasında doktorlıq dissertaciyasın jaqladı. 100 den aslam ilimiy miynetleri baspada járiyalandı.  Sonıń ishinde 3 oqıw qollanbası baspadan shıqtı. 2008-2020-jılları Funkcionallıq analiz, algebra hám geometriya kafedrası baslıǵı lawazımında isledi. 2020-jıldan baslap ÓzRIA

V.I.Romanovskiy atındaǵı Matematika institutı Qaraqalpaqstan bólimi baslıǵı.

Ibragimov Muxtar Mamutovich, fizika-matematika ilimleriniń kandidatı, docent. 1972-jılı Xojeli rayonında tuwılǵan. 1994-jılı Tashkent mámleket-lik pedagogika institutın tamamlaǵan. 2000-jılı «Сжимающие проекторы и геометрические свойства гранево симметричных банаховых про-странств» temasında kandidatlıq dissertaciyasın jaqladı. 50 ge jaqın ilimiy miynetleri baspada járiyalandı. Sonıń ishinde 9 oqıw qollanbası baspadan shıqtı. 2008-jıldan Funkcionallıq analiz, algebra hám geometriya kafedrası docenti. 2005-2007-jılları matematika fakulteti dekanı, 2007-2020-jılları Qaraqalpaq mámleketlik universitetinde oqıw isleri boyınsha prorektor lawazımlarında jumıs isledi.  2020-jıldan baslap Ózbekstan Respublikası Oliy Majlisi deputatı.

Rametov Uzaqbay, fizika-matematika ilimleri kandidatı, docent. 1941-jılı Shımbay rayonında tuwılǵan. 1958-jılı Qaraqalpaq mámleketlik pedagogikalıq institutınıń fizika-matematika fakultetiniń matematika bólimine oqıwǵa kiredi. 1959-jılı kelesheginen úmit kúttiretuǵın bir topar jaslar qatarında Tashkenttegi Orta Aziya mámleketlik universitetine oqıwǵa jiberilip, bul oqıw dárgayınıń mexanika-matematika fakultetiniń matematika bólimin pitkergen. 1963-1970-jılları Nókis mámleketlik pedagogikalıq institutınıń matematika kafedrasında oqıtıwshı lawazımında jumıs islegen. 1972-1975 jıllarda Kiev mámleketlik universitetiniń itimallıqlar teoriyası kafedrasında aspiranturanı ótip, 1977-jılı kandidatlıq dissertaciyasın jaqlaǵan. Ol 1988-jıldan baslap Matematikalıq analiz kafedrasınıń docenti, 1990-1996 jıllarda Joqarı matematika kafedrasınıń, al, 1996-2000 jıllarda Matematikalıq analiz kafedrasınıń baslıǵı lawazımlarında jumıs atqarǵan. 70 ten aslam oqıw-metodikalıq hám ilimiy jumslardıń avtorı bolıp, 13 oqıwlıq qollanba, 12 metodikalıq qollanba tayarlap, baspadan shıǵarǵan. 2008-jıldan baslap jańadan shólkemlestirilgen Funkcionallıq analiz kafedrası docenti lawazımında  xızmet etip, házirgi waqıtta húrmetli dem alısta.
Allambergenov Hasenbay Satbaevich, fizika-matematika ilimleriniń kandidatı, docent. 1949-jılı Kegeyli rayonında tuwılǵan. 1971-jılı Qaraqalpaq mámleketlik pedagogika institutın tamamlaǵan. Qánigeligi matematika. 1981-jılı «Произведения коммутаторов в нильпотентных и метабелевых группах» temasında kandidatlıq dissertaciyasın jaqladı. 50 den aslam ilimiy miynetleri baspada járiyalandı. Sonıń ishinde 12 oqıw qollanbası baspadan shıqtı.   1993-jıldan baslap Qaraqalpaq mámleketlik universiteti docenti lawazımında islep kelmekte.
Seypullaev Jumabek Xamidullaevich, fizika-matematika ilimleriniń doktorı, docent. 1981-jılı Taxtakópir rayonında tuwılǵan. 2004-jılı Qaraqalpaq mámleketlik universitetinde magistr-aturanı tamamlaǵan. Qánigeligi matematika, matematikalıq analiz. 2009-jılı «Геометрические свойства единичных шаров сильно гранево симметричных пространств конеч-ного ранга» temasında kandidatlıq, 2021-jılı «Описание вещественных гранево симметричных пространств и их приложения к геометрической характеризации JBW-алгебр» temasında doktorlıq dissertaciyasın tabıslı qorǵap shıqtı. 40 tan aslam ilimiy miynetleri baspada járiyalandı. 2009-jıldan baslap Funkcionallıq analiz, algebra hám geometriya kafedrası docenti, 2019-jıldan Matematika fakulteti dekanı lawazımında islep kelmekte.
Kurbanbaev Tuwelbay Kadirbaevich, fizika-matematika ilimleriniń kandidatı, docent. 1983-jılı Kegeyli rayonında tuwılǵan. 2006-jılı Qaraqalpaq mámleketlik universitetinde magistraturanı tamamlaǵan. Qánigeligi matematika, matematikalıq analiz. 2011-jılı «Классификация алгебр лейбница малых размерностей над полем p-адических чисел» temasında kandidatlıq dissertaciyasın jaqladı. Házirgi waqıtta «Локальные дифференцирования алгебр Лейбница и Лейбницевые бимодули» temasında doktorlıq dissertaciyası ústinde ilimiy-izertlew jumısların alıp barmaqta. 50 den aslam ilimiy miynetleri baspada járiyalandı. 2011-jıldan baslap Qaraqalpaq mámleketlik universiteti Funkcionallıq analiz, algebra hám geometriya kafedrası docenti, 2020-jıldan usı kafedra baslıǵı lawazımında islep kelmekte.
Arziev Allabay Djalgasovich, fizika-matematika ilimleriniń kandidatı.  1979-jılı 10-fevralda Rossiya Federaciyasınıń Moskva qalasında tuwıldı. 2001-jılı Nókis mámleketlik pedagogika institutı matematika-informatika fakultetiniń bakalavr basqıshın ayrıqsha bahalar menen tamamladı. 2001-2003-jılları Qara-qalpaq mámleketlik universitetinde Matematikalıq analiz qánigeligi boyınsha magistratura basqıshında oqıdı. 2009-jılı «Ólshewli funkciyalar saqıynası ústindegi Gilbert-Kaplanskiy modullerinde shegaralanǵan operatorlardıń spektral jayılmaları» temasında kandidatlıq dissertaciya jumısın qorǵadı. 40 qa jaqın ilimiy  miynetleri baspadan shıqtı. 2009-jıldan Funkcionallıq analiz kafedrası docenti. 2011-2015-jılları TITU Nókis filialı Tábiyiy hám ulıwma kásiplik pánler kafedrası baslıǵı. 2015-2017-jılları TITU Nókis filialı Kompyuter injiniring fakulteti dekanı, 2017-2020 jılları TITU Nókis filialı bilimlendiriw sapasın qadaǵalaw bólimi baslıǵı lawazımlarında jumıs isledi. 2020-jıldan ÓzRIA V.I.Romanovskiy atındaǵı Matematika institutı Qaraqalpaqstan bóliminde úlken ilimiy xızmetker lawazımında islep atır.
Jiemuratov Rzamurat Esbergenovich, fizika-matematika ilimleriniń kandidatı, docent. 1981-jılı Kegeyli rayonında tuwılǵan. 2004-jılı Qaraqalpaq mámleketlik universitetinde magistraturanı tamamlaǵan. Qánigeligi matematika, matematikalıq analiz. 2010-jılı «Топологические и категорные свойства пространства нелинейных-σ гладких функционалов» temasında kandidatlıq dissertaciyasın jaqladı. 20 dan aslam ilimiy miynetleri baspada járiyalandı. 2014-jıldan baslap Qaraqalpaq mámleketlik universiteti Funkcionallıq analiz, algebra hám geometriya kafedrası docenti. 2019-jıldan  NMPI Matematika fakulteti dekanı lawazımında islep atır.

Allambergenov Ilimpaz Xasanbaevich, pedagogika ilimleri boyınsha filosofiya doktorı, docent. 1981-jıl 19-aprel kúni Qaraqalpaqstan respublikası Nókis qalasında tuwılǵan. 1998-jıl Qaraqalpaq mámleketlik universtiteti Fizika-matematika fakultetine oqıwǵa kirip, 2002-jılı matematika bakalavr baǵdarın tabıslı tamamladı.

2002-2004 jılları Qaraqalpaq mámleketlik universtiteti «Differencial teńlemeler» qánigeligi magistrantı boldı. 2004-jılı magistraturanı ayrıqsha diplom menen tamamlap, universitetimizdiń Matematika fakulteti Algebra hám differencial teńlemeler kafedrasında assistent-oqıtıwshı lawazımında jumıs basladı.

2019-jılı «Matematikalıq analiz tiykarların oqıtıwda úzliksizlikti támiyinlew metodikası» temasında pedagogika pánleri boyınsha filosofiya doktorı (PhD) dissertaciya jumısın qorǵadı. Onıń 30 dan aslam ilimiy maqalaları hám tezisleri, sonday-aq, 3 ilimiy-metodikalıq jumısları basılıp shıqtı. 2019-jıldan funkcionllıq analiz, algebra hám geometriya kafedrası docenti. 2020-jıldan Qaraqalpaq mámleketlik universtiteti Magistratura bólimi baslıǵı lawazımında islep kiyatır.

Begjanova Kamila Usnatdinovna, fizika-matematika ilimleri filosofiya doktorı. 1976-jılı 11-aprelde Qaraqalpaqstan respublikası Kegeyli rayonında tuwılǵan. 1993-1998-jılları Qaraqalpaq mámleketlik universiteti Matematika fakultetinde oqıdı hám universitetti ayrıqsha «qızıl» diplom menen pitkergen. 1997-jılı «Uluǵbek» atındaǵı mámleketlik stipendiyası jeńimpazı boldı.

2003-2014-jıllarda Qaraqalpaq mámleketlik universitetinde assistent,          2014-2021-jılları úlken oqıtıwshı lawazımlarında isledi. 2021-jılı «Аффинные гомеоморфизмы пространства слабо аддитивных функционалов и их приложения» temasındaǵı dissertaciya jumısın tabıslı qorǵap shıqtı. 30 dan aslam ilimiy miynetleri baspadan shıqqan. 2021-jıldan Funkcionllıq analiz, algebra hám geometriya kafedrası docenti. 2016-jıldan baslap Qaraqalpaq mámleketlik universiteti Matematika fakulteti Hayal-qızlar keńesin basqarıp kelmekte.

Abdikalikov Farxad Abdijalievich, fizika-matematika ilimleri boyınsha filosofiya doktorı, docent. 1983-jılı 29-iyulda Nókis qalasında tuwılǵan. 2006-jılı Qaraqalpaq mámleketlik universiteti Magistratura bóliniminiń «Matematikalıq analiz» qánigeligin tabıslı tamamladı. 2018-jılı «Regressiya modellerinde shártli funkcionallardıń statistikalıq bahaların izertlew» temasında fizika-matematika ilimleri boyınsha filosofiya doktorı dissertaciyasın qorǵadı. Onıń 40 tan aslam ilimiy maqalaları hám tezisleri, sonday-aq, 3 ilimiy-metodikalıq jumısları baspadan shıqtı. 2020-jılı ilimiy-pedagogikalıq jumıslarındaǵı jetiskenliklerin esapqa alıp, Ózbekstan Joqarı Attestaciyalaw Komissiyası oǵan docent ilimiy ataǵın berdi. Házirgi waqıtta ol Funkcionallıq analiz, algebra hám geometriya kafedrasında docent lawazımında islep atır.

Alauadinov Amir Kadirbergenovich, fizika-matematika ilimleri boyınsha filosofiya doktorı. 1985-jılı 1-iyunda Nókis qalasında tuwıldı. 2006-jılı Qaraqalpaq mámleketlik universitetiniń Matematika fakultetin, 2008-jılı magistraturanı tabıslı tamamladı. 2020-jılı «2-локальные дифференцирования алгебры измеримых операторов и её подалгебр» temasında fizika-matematika ilimleri boyınsha filosofiya doktorı dissertaciyalıq jumısın qorǵadı. Onıń 20 dan aslam ilimiy maqalaları hám tezisleri, sonday-aq, ilimiy-metodikalıq jumısları baspadan shıqtı. Házirgi waqıtta ol Funkcionallıq analiz, algebra hám geometriya kafedrasında docent lawazımında islep atır.

Sonday-aq, kafedrada úlken oqıtıwshılar G.Aymurzaeva, K.Seydullaev, N.Júzbaev, T.Kalandarov, assistentler G.Opaeva, A.Seydullaev, P.Nasırovlar jumıs islep atır.

Пайдалы дереклер