slot demo gratisslot gacor gampang menangSLOT DEMOslot pulsahttps://uptdlkk.kaltimprov.go.id/img/product/https://e-learning.iainponorogo.ac.id/thai/https://organisasi.palembang.go.id/userfiles/images/https://ditkapel.dephub.go.id/petikemas/tests/https://pmb.universitaspertamina.ac.id/popup/hari-ini/https://jdih.komnasham.go.id/img/banner/https://file.disdikbud.kaltimprov.go.id:8443/user/https://lms.binawan.ac.id/terbaik/slot gacor terbaikslot gacor maxwinslot gacor maxwinslot gacor hari inislot gacor terbaikslot gacor maxwinslot gacor 2024
TÁBIYIY GEOGRAFIYA HÁM GIDROMETEOROLOGIYA KAFEDRASI | Karakalpak state university

TÁBIYIY GEOGRAFIYA HÁM GIDROMETEOROLOGIYA KAFEDRASI

Tábiyiy geografiya hám gidrometeorologiya kafedrası universitettegi dáslep shólkemlestirilgen kafedralardan biriniń tiykarında dúzilgen bolıp, onıń tiykarı eń dáslep 1948-jılı Qaraqalpaq mámleketlik pedagogikalıq institutınıń Tábiyattanıw-geografiya fakultetinde Geografiya-ximiya kafedrası bolıp dúzilgen. Sol dáwirde oǵan ximiya ilimleriniń doktorı F.Z.Fisher basshılıq etken. 1954-1963 jıllar aralıǵında geografiya kafedrasına dotsent N.A.Bem, 1963-1976 jılları hám 1985-1992 jıllar aralıǵında Ózbekstanǵa miyneti sińgen muǵallim, professor J.Matmuratov, 1976-1981 jıllar aralıǵında dotsent A.B.Bekbulatov, 1981-1985 jılları dotsent T.X.Allabergenov basshılıq etti.

1992-1993 oqıw jılınan baslap geografiya kafedrası ekige – fizikalıq geografiya hám ekonomikalıq geografiya kafedraları bolıp bólingen. Fizikalıq geografiya kafedrasına aldın 1992-1996 jılları dotsent T.X.Allabergenov, al, 1996-jıldan dotsent P.R.Reymov basshılıq etti.

Ekonomikalıq geografiya kafedrasına dotsent E.Umarov 1992-jıldan 1997-jılǵa deyin basshılıq etti.

1997-1998 oqıw jılında fizikalıq hám ekonomikalıq geografiya kafedraları geografiya kafedrası bolıp bir kafedraǵa biriktirildi. Oǵan 1997-2009 jılları dotsent P.R.Reymov, 2009-2015 jılları dotsent G.A.Xodjaeva, 2015-2019 jılları dotsent N.J.Embergenov basshılıq etti.

Bul kafedra tiykarında 2019-jıldan universitette Geografiya hám tábiyiy resurslar fakulteti shólkemlestiriliwine baylanıslı kafedra ekige bólindi –«Geografiya hám gidrometeorologiya» hám «Geodeziya, kartografiya hám tábiyiy resurslar»  kafedraları.

Geografiya hám gidrometeorologiya kafedrasına 2019-2020 oqıw jılınan baslap, dotsent K.J.Allanazarov basshılıq etti.

2020-2021 oqıw jılınan baslap kafedra – «Tábiyiy geografiya hám gidrometorologiya», «Ekonomikalıq hám sotsiallıq geografiya kafedraları» bolıp jáne eki kafedraǵa bólindi.

Tábiyiy geografiya hám gidrometeorologiya kafedrasına dúzilgen kúnnen baslap  dotsent K.J.Allanazarov basshılıq etip kelmekte.

Házirgi kúnde kafedrada 2 tálim baǵdarları (Geografiya hám Gidrometeorologiya) hám 2 magistratura qánigelikleri tayarlanadı Geografiya (úyreniw ob’ekti boyınsha), Gidrometeorologiya (xızmet iskerligi boyınsha). Kafedrada tiykarǵı shtatta 9 professor-oqıtıwshı: sonnan 2 ilim doktorı, 2 ilim kandidatı, 5 assistentler hám stajer-oqıtıwshılar jumıs alıp barmaqta.

Tábiyiy geografiya hám gidrometeorologiya kafedrası professor-oqıtıwshıları oqıw, oqıw-metodikalıq, ilim-izertlew hám tálim-tárbiyalıq jumıslarǵa belsene qatnasıp kelmekte. Sońǵı 3 jılda kafedra professor-oqıtıwshıları tárepinen 20 ǵa jakın ilimiy monografiya, oqıwlıq hám oqıw-metodikalıq qollanbalar baspadan shıǵarılǵan.

Kafedra professor-oqıtıwshıları tárepinen 2019-2021 jılları mámleketlik byudjet tiykarında 2 ilimiy joybar alıp barıldı.

Sonday aq, ERASMUS MUNDUS gSmart hám Training of Individuals through Mobility from Uzbek Republic to EU joybarı boyınsha kafedra professor-oqıtıwshıları hám studentleri Avstriya, Vengriya, Slovakiya, Chexiya hám basqa da bir qatar ellerde tájiriybe almasıp, óz bilimlerin jetilistirip qayttı.

Kafedranıń gezektegi májilisi

Geografiya bakalavr tálim baǵdarı studentleri arasında ótkerilgen respublikalıq pán olimpiadasında 2009-2010 oqıw jılı Xayrullaev Birodar ekinshi orındı, 2012-2013 oqıw jılı Kushaev Ruslan birinshi orındı, Gidrometeorologiya tálim baǵdarı boyınsha 2016-2017 oqıw jılında Abdullaev Tazabek ekinshi orındı, 2017-2018 hám 2018-2019 oqıw jılları Kalabaev Salawat 3-shi orındı iyeledi. Studentlerimizden Turdıbekova Zamira, Axmedova Zulxumar hám Kalabaev Salauat Berdaq atındaǵı mámleketlik stipendiya jeńimpazı boldı. 2017-jılı Kalabaev Salawat Tashkent qalasında ótkerilgen «Global iqlim ózgarishiga moslashish bóyicha eng yaxshi ǵoya – 2016-2017» tańlawınıń «Eng yaxshi maqola» nominatsiyası boyınsha úshinshi orındı iyeledi, gidrometeorologiya baǵdarı 3 kurs studenti Atabek Raximbaev 2019-2020 oqıw jılı «Jıl studenti» tanlawınıń Respublikalıq basqıshında «Eń jaqsı bloger» 3-orındı alıwǵa miyassar boldı, «Eng faol bloger» tańlawınıń «Eng yaxshi taxliliy makola» nominatsiyası boyınsha 1 orındı iyeledi; gidrometeorologiya baǵdarı 3 kurs studenti Navruz Eshbaev «Jıl studenti – 2019» tańlawınıń universitet basqıshında qatnasıp, «Jıldıń óz qánigeligi boyınsha eń bilimli studenti» nominatsiyasında 2-orındı iyeledi. 2019-2020 oqıw jılında gidrometeorologiya baǵdarı studenti Atabek Raximbaev «Márt uǵlan» tańlawı jeńimpazı boldı.

2021-jılı kafedrada tálim alıp atırǵan studentler qatarınan úshewi Ózbekstan Respublikasınıń 30 jıllıǵı Kókirek nıshanı menen sıylıqlandı – Tajimuratov Nurbek gidrometeorologiya tálim baǵdarı 4-kurs studenti, Abdikarimov Salamat gidrometeorologiya tálim baǵdarı 2-kurs studenti, Dawletmuratova Raisa geografiya tálim baǵdarı 2-kurs studenti.

Tábiyiy geografiya hám gidrometeorologiya kafedrasında islep atırǵan  professor-oqıtıwshılar

 

 

Allanazarov Keunimjay Jannazarovich, geografiya ilimleriniń kandidatı, dotsent.

1967-jılı 1-sentyabrde Xalqabad qalasında tuwılǵan. 1993-jılı  Qaraqalpaq mámleketlik universitetin tamamlaǵan. 2002-jılı «Оценка природных условии и ресурсов неорошаемой части дельты Амударьи для развития отраслей сельского хозяйства» atlı temada kandidatlıq dissertatsiyasın jaqlaǵan. 90 nan aslam ilimiy maqala hám tezisleri, 2 monografiya, 2 sabaqlıq, 6 oqıw hám metodikalıq qollanbaları baspadan shıqqan. 1993-2003 jılları universitettiń Geografiya kafedrasında iskerlik kórsetken.

2003-2019 jıllarda universitettiń Ilimiy bólimi baslıǵı, ilimiy isler boyınsha prorektorı, Málimleme resurs orayı direktorı lawazımlarında islegen.

2019-2020 oqıw jılında Geografiya hám gidrometeorologiya kafedrası baslıǵı, 2020-2021 oqıw jılınan baslap jańadan shólkemlestirilgen Tábiyiy geografiya hám gidrometeorologiya kafedrası baslıǵı.

 

 

 

Ballieva Ruza, geografiya ilimleri kandidatı, tariyx ilimleriniń doktorı, professor.

1959-jılı 19-martta Kegeyli rayonında tuwılǵan. 1982-jılı Tashkent mámleketlik universitetiniń geografiya fakultetin tamamlaǵan. 1994-jılı «Традиционное природопользование в связи с выдохом из экологического кризиса в Приаралье» temasında kandidatlıq, 2003-jılı «Традиционное природопользование и Каракалпакский этнос» temasında doktorlıq dissertatsiyasın jaqladı. 150 den aslam ilimiy miynetleri baspada járiyalandı. Sonıń ishinde 2 monografiya, 1 broshyura, 4 oqıwlıq, 9 oqıw hám metodikalıq qollanbaları baspadan shıqtı. 1982-2019 jılları Geografiya kafedrasında islegen. 2020-jıldan baslap Tábiyiy geografiya hám gidrometeorologiya kafedrası professorı.

 

 

 

Xojamuratova Roza Tajimuratovna, geografiya ilimleriniń doktorı, dotsent.

1971-jılı 3-noyabrde Zarafshan qalasında tuwılǵan. 1993-jılı Qaraqalpaq mámleketlik universitetiniń Ximiya qánigeligin tamamlaǵan. 2009-jılı “Гидрологическая роль коллекторно-дренажных вод Республики Каракалпакстан в условиях дефицита водных ресурсов” temasında kandidatlıq, 2020-jılı «Комплексная оценка влияния мелиорации на гидроэкологическое состояние водных ресурсов Республики Каракалпакстан и пути его уменьшения» temasında doktorlıq dissertatsiyasın jaqladı. 110 ǵa jaqın ilimiy miynetleri baspada járiyalandı. 2 ámeliy joybarǵa ilimiy basshılıq etti. 2 monografiya, 1 oqıw metodikalıq qollanba, 1 broshyura baspadan shıqtı. 2021-jıldan baslap Geografiya hám gidrometeorologiya kafedrasında islep kelmekte.

 

 

 

Sultashova Oralxan Genjebaevna, geografiya ilimleriniń kandidatı, dotsent.

1977-jılı 1-sentyabrde Qanlıkól rayonında tuwılǵan. 2001-jılı Qaraqalpaq mámleketlik universitetin tamamlaǵan. 2011-jılı «Тепловой режим почв Узбекистана» temasında kandidatlıq dissertatsiyasın jaqladı. 80 nen aslam ilimiy maqala hám tezisleri, 1 monografiya, 1 sabaqlıq, 7 oqıw hám metodikalıq qollanbaları baspadan shıqtı.

2015-2020 jıllarda geografiya kafedrası dotsenti lawazımında islegen. 2020-jıldan baslap Tábiyiy geografiya hám gidrometeorologiya kafedrasında dotsent lawazımında islep kiyatır. 2013-jılı «Ilm yulduzlari» respublikalıq tańlawınıń jeńimpazı boldı. Xalıq aralıq joybar sheńberinde Vengriya mámleketinde ilimiy saparda boldı.

 

Sonday aq, kafedrada assistent-oqıtıwshılardan M.Tólepbergenov, Q.Karimbaev, stajer-oqıtıwshılardan S.Ramberdieva, G.Reymova, T.Abdullaevlar xızmet etpekte.

 

Пайдалы дереклер