Усы жылдың 8-13-апрель күнлери М.Ломоносов атындағы Москва мәмлекетлик университетиниң «Биогеография» кафедрасының профессоры, география илимлериниң докторы  Галина Огуреева Қарақалпак мәмлекетлик университети Тәбияттаныў факультети “Экология ҳәм топырақтаныў” кафедрасының халқаралық бирге ислесиў режеси тийкарында “Экология ҳәм қоршаған орталықты қорғаў” қәнигелигиниң 2-курс бакалавр бағдарына “Әмелий экология” пәни бойынша лекция ҳәм әмелий сабақларын өтпекте.

Ҳәзирги ўақытта Г.Огуреева университеттиң Тәбияттаныў факультети профессор-оқытыўшыларына Биогеографиялық ҳәм экологиялық картаға түсириў бойынша мағлыўматлар берип бармақта. Сондай-ақ, жас излениўши-илимпазларға илимий изленислери бойынша мәсләҳәтлер берип, шеберлик сабақларын өтпекте.

Баспасөз хызмети.