Ҳүрметли Президентимиз жасларды китап оқыўға қызықтырыў бойынша: «Жаслардың китап оқыўға қызығыўшылығын арттырыў, оларды китап пенен дос етиў, бәршениң китап оқыў дәрежесин жоқарылатыўға үлкен итибар қаратыў керек», деген еди.
Усы мүнәсебет пенен Қарақалпақ мәмлекетлик университети Физика-математика факультети Кәсиплик тәлими: Информатика ҳәм информациялық технологиялары қәнигелигиниң 2-курс бакалавр бағдары студентлери «Мектебиме китап саўға етемен» акциясы шеңберинде өзлери оқыған Нөкис қалалық №21-санлы улыўма билим бериў мектебине китаплар саўға етти.
Илаж барысында университет студентлери ҳәм мектеп оқыўшылары арасында киши сәўбет шөлкемлестирилди. Оқыўшыларды қызықтырған сораўларға университет студентлери тәрепинен жуўаплар берилди.
Мухаммед Қудайназаров,
Физика-математика факультетиниң Кәсиплик тәлими:
информатика ҳәм информациялық технологиялары
қәнигелигиниң студенти.