slot demo gratisslot gacor gampang menangSLOT DEMOslot pulsahttps://uptdlkk.kaltimprov.go.id/img/product/https://e-learning.iainponorogo.ac.id/thai/https://organisasi.palembang.go.id/userfiles/images/https://ditkapel.dephub.go.id/petikemas/tests/https://pmb.universitaspertamina.ac.id/popup/hari-ini/https://jdih.komnasham.go.id/img/banner/https://file.disdikbud.kaltimprov.go.id:8443/user/https://lms.binawan.ac.id/terbaik/slot gacor terbaikslot gacor maxwinslot gacor maxwinslot gacor hari inislot gacor terbaikslot gacor maxwinslot gacor 2024
Академик Ш.Аюпов ҚМУда сабақ өтпекте | | Karakalpak state university

Академик Ш.Аюпов ҚМУда сабақ өтпекте

Бизиӊ елимиз ерте дәўирлерден-ақ билим ҳәм илим раўажланған үлке болып, өзиниң әжайып талантлы алымлары менен дүньяға даңқ таратқан. Басқа илимлер менен бир қатарда математиканың раўажланыўына да уллы алым бабаларымыз үлкен үлес қосқан.
Бүгинги күнде де үлкемиздиң математик алымлары өз илимий мектеплерин жаратып, елимиздиӊ даңқын дүньяға жаймақта.
Усындай дүньяға белгили ҳәм атақлы математик алымлардың бири, физика-математика илимлериниң докторы, профессор, академик, Өзбекстан Республикасының илим ғайраткери, Өзбекстан Республикасы Илим ҳәм техника тараўындағы биринши дәрежели Мәмлекетлик сыйлықтың лауреаты Шавкат Аюпов болып табылады.
Өзбекстан Республикасы Илимлер академиясы В.И.Романовский атындағы Математика институтының директоры, академик Ш.Аяпов бүгин Қарақалпақ мәмлекетлик университетине Физика-математика факультетиниң студент-жаслары ушын сабақ өтиў мақсетинде келди.
Дәслеп академик Ш.Аюпов университетимиздиң ректоры А.Реймовтың қабыллаўында болып, Өзбекстан Республикасы Илимлер академиясы В.И.Романовский атындағы Математика институты ҳәм Қарақалпақ мәмлекетлик университети ортасында илимий ҳәм басқа да өз ара бирге ислесиўди раўажландырыў мәселелери бойынша пикир алысты.
Ш.Аюповтың илимий қызығыўшылығы операторлық алгебралар теориясының, коммутативлик емес интеграллаўдың, операторлық алгебрадағы Йорданлық ҳәм Ли структуралардың, дифференциаллаў ҳәм автоморфизмлердиң, Лейбниц алгебраларының ҳәм басқа да ассоциативлик емес алгебралардың структуралық теориясының көп қурамалы ҳәм актуал проблемаларын қамтыйды.
Усы жылдың 18-20-апрель аралығында академик Ш.Аюпов Қарақалпақ мәмлекетлик университети физика-математика факультетиниӊ зийрек студентлери ҳәм магистрантларына операторлық алгебраныӊ актуал машқалалары бойынша лекциялар оқыйды.
Әлбетте, бундай белгили илимпаздың университетимизде сабақ өтиўи студент-жасларымыздың илим ҳәм билим сырларын еле де терең ийелеўинде өзиниң нәтийжесин беретуғыны анық.

С.Сердалиев,
ҚМУ магистранты.

Пайдалы дереклер