Усы жылдың 14-май күни Бердақ атындағы Қарақалпақ мәмлекетлик университетиниң Қарақалпақ филологиясы факультетиниң мәжилислер залында усы факультетте 1994-1999-жылларда оқыған питкериўшилердиң университетти питкергенине 20 жыл толыў мүнәсибети менен ушырасыў кешеси болып өтти. Кешеге факультет профессор-оқытыўшылары ҳәм питкериўшилер қатнасты.
Кешени факультет деканы Қ.Турдыбаев алып барды.
Ушырасыў кешесинде пофессор-оқытыўшылардан профессорлар Қ.Жәримбетов, Ш.Абдиназимов, М.Қудайбергенов, доцентлер Б.Генжемуратов, Ш.Алланиязова, Қ.Пахратдинов, П.Нуржанов, И.Сейтназаровалар, шайыра Г.Дәўлетова ҳәм басқа да устазлар шығып сөйлеп, шәкиртлериниң университетти питкергенине 20 жыл толыў мүнәсибети менен қутлықлады ҳәм оларға жақсы тилеклерин билдирди.
Өз гезегинде питкериўшилер де шығып сөйлеп, кеўлиндеги илим дәргайына, устазларына болған сағынышын, тилеклерин билдирди. Ушырасыў мазмунлы ҳәм қызықлы өтти.
А.Өтемисов,
Қарақалпақ тил билими кафедрасының оқытыўшысы.