Усы жылдың 31-май – 2-июнь күнлери аралығында Ташкент қаласында 18 жастан 30 жасқа шекемги студент-жаслар арасында халықаралық «Онлар аўқамы» конференциясы болып өтти. Бул конференцияның шөлкемлестириўи 9 xалықаралық шөлкем ҳәм Өзбекстан Республикасы Олий Мажлиси Нызамшылық палатасының басламасы болып есапланады.
Конференция жәҳән көлеминде ҳәм социал-економикалық машқалалар менен гүресиўши xалықаралық майданда тән алынған шөлкемлердиң моделин жаслар тәрепинен додалаўшы xалықаралық конференция ретинде тән алынған.
Конференцияның тийкарғы мақсети – жасларды xалықаралық нызамшылық принциплери менен кеңнен таныстырыў, олардың ҳуқықый санасын ҳәм потенциалын жоқарылатыў, мәмлекетимиз раўажланыўы жолында мүнәсип үлес қосыў жолындағы басламаларын xошаметлеўден ибарат.
Конференция шеңберинде төмендеги шөлкемлер моделлестириледи. Яғный,
- Өзбекстан Республикасы Олий Мажлиси Нызамшылық Палатасы
- Бирлескен Миллетлер Шөлкеми
- Европа Аўқамы
- Ғәрезсиз Мәмлекетлер Дослық Аўқамы
- Шанxай Бирге ислесиў Шөлкеми
- Экономикалық Шериклик ҳәм Раўажланыў Шөлкеми
- Жәҳән Банки
- Xалықаралық Мийнет Шөлкеми
- Жәҳән Саўда Шөлкеми
- Жәҳән Денсаўлықты сақлаў Шөлкеми
Конференцияға Қарақалпақстан Республикасынан 28 студент-жаслар, солардан 13 қатнасыўшы университетимизден қатнасты.
Конференция шөлкемлестириўшилери тәрепинен жақсы қатнасқан ҳәм өз өнерлерин көрсеткен жасларды xошаметлеў мақсетинде көшпели кубок шөлкемлестирилген еди.
Усы көшпели кубокты Қарақалпақстан Республикасы атынан қатнасып атырған студент-жаслар қолға киргизди ҳәм арнаўлы сертификатлар менен сийлықланды.
Мухаммед Қудайназаров,
Физика-математика факультетиниң студенти.