Экологиялық мәдениятты қәлиплестирейик!

Өзбекстан Қусларды қорғаў жамийети ҳәм Бердақ атындағы ҚМУ биология факультетиндеги «ОТУС» студентлер орнитологиялық клуб ағзалары усы жылдың 29-июнь күни саўаплы иске қол урды.

Клуб ағзалары клуб басшысы И.Арепбаев басшылығында Нөкис қаласында жайласқан Ашшы көл бойларына өзлери таярлаған «Чиқинди ва аҳлатни ўзинг билан олиб кет!» деп жазылған баннерлерди орнатып шықты.

Клуб ағзалары тек ғана баннер орнатып қалмастан, көл бойларында адамлар таслап кеткен шийше ыдыслар, пластмас ыдыслар ҳәм ҳәр қыйлы пакетлерди  жыйнастырып, шығындыларды арнаўлы таслаў орынларына алып барып азғана болса да көл бойларыныӊ таза турыўына өз үлеслерин қосты.

Сондай-ақ, клуб ағзалары Нөкис қаласының «Дослық» каналы бойларына да усындай баннерлерди орнатып шықты.

И.Арепбаев,

ҚМУ улыўма биология ҳәм физиология кафедрасының

ассистент- оқытыўшысы, клуб бассышы.