#Double_degree Ҳүрметли абитуриентлер!

Бердақ атындағы Қарақалпақ мәмлекетлик университети (ҚМУ) 2019/2020-оқыў жылы қабыллаўы ушын шет ел жоқары оқыў орынлары менен биргеликте қоспа билимлендириў бағдарламалары тийкарында кадрлар таярлаў бойынша төлемли-контракт тийкарында төмендеги қәнигеликлердиң ашылғанлығын жәриялайды:

  1. Россия Федерациясының Москва мәмлекетлик қурылыс миллий изертлеў университети (ММҚУ) менен биргеликте бакалавр бағдары бойынша:
  2. Қурылыс материаллары, буйымлары ҳәм конструкцияларын ислеп шығарыў, 10 орын;
  3. Инженерлик коммуникациялары қурылысы ҳәм монтажы (түрлери бойынша), 10 орын;
  4. Архитектура (түрлери бойынша), 10 орын.

ММҚУ менен биргеликте магистратура қәнигеликлери бойынша:

  1. Биналар ҳәм иншаатлар қурылысы (түрлери бойынша), 4 орын;
  2. Қурылыс материаллары, буйымлары ҳәм конструкцияларын ислеп шығарыў, 4 орын;
  3. Суў тәмийинлениўи, канализация, суў ресурсларын қорғаў ҳәм олардан нәтийжели пайдаланыў, 4 орын;
  4. Бина ҳәм иншаатлар архитектурасы, 4 орын.
  5. Россия Федерациясының Астрахань мәмлекетлик университети менен биргеликте магистратура қәнигеликлери бойынша:
  6. Тарийх (бағдарлары ҳәм мәмлекетлери бойынша), 4 орын;
  7. Әдебияттаныў: рус әдебияты, 4 орын.
  • Белорусь Республикасының Белорусь мәмлекетлик технология университети менен биргеликте магистратура қәнигеликлери бойынша:
  1. Органикалық емес элементлердиң химиялық технологиясы (ислеп шығарыў түрлери бойынша), 4 орын;
  2. Химиялық технология процесcлери ҳәм аппаратлары (ислеп шығарыў түрлери бойынша), 4 орын.

Бакалавр бағдарында оқытылатуғын қәнигеликлер ҚМУда 2 жыл ҳәм сыртта жоқарыда көрсетилген бирге ислесиўши жоқары оқыў орнында 2 жыл билим алады.

Магистратура бағдарында оқытылатуғын қәнигеликлер ҚМУда 1 жыл ҳәм сыртта жоқарыда көрсетилген бирге ислесиўши жоқары оқыў орнында 1 жыл билим алады.

Бул қәнигеликлердиң питкериўшилери еки дипломға ийе болады: Бердақ атындағы Қарақалпақ мәмлекетлик университети ҳәм дизимде аты көрсетилген жоқары оқыў орынларының дипломлары.

Абитуриентлер қабыллаў комиссиясына 2019-жылдың 1-августынан 15-август сәнесине шекем төмендеги ҳүжжетлерди усыныўы керек:

– Ректор атына арза;

– 3,5 х 4,5 см өлшемдеги 6 дана реңли фотосуўрет;

– Паспорт (16 жасқа толмағанлар ушын туўылғанлық ҳаққындағы гүўалық) нусқасы;

– Улыўма орта билимлендириўди (11-класс тийкарында) тамамлағанлығы ҳаққында ҳүжжет ямаса орта арнаўлы, кәсиплик билимлендириў мәкемесин тамамлағанлығы ҳаққындағы ҳүжжет ҳәм оның қосымшасының түп нусқалары;

– Магистратура қәнигеликлерине ҳүжжет тапсырыў ушын тийисли қәнигелик бойынша бакалавр дипломы баҳалар қосымшасы менен түп нусқада.

Арза бланкасын (рус тилинде) ҚМУ – Россия Федерациясы, Москва мәмлекетлик қурылыс миллий изертлеў университети, Россия Федерациясы, Астрахан мәмлекетлик университети, Белорусь Республикасы, Белорусь мәмлекетлик университети қоспа бағдарламасының қабыллаў комиссиясынан алыўы мүмкин.

Абитуриентлерди таңлап алыўда қәнигелик пәнинен басқа олардың рус тилин билиў дәрежеси менен де белгиленеди. Таңлаў имтиханлары рус тилинде әмелге асырылады.

Кириў имтиханлары 1-сентябрден 15-сентябрге шекем қабыллаў комиссиясы тәрепинен тастыйықланған график тийкарында өткериледи.

Мағлыўмат ушын телефонлар:

+99861 223-60-19

+99861 223-66-55