Усы жылдың 25-октябрь сәнесинде университеттиң биология факультетинде факультеттиң 1-курс студент-қызлары арасында спорттыӊ волейбол туринен жарыс шөлкемлестирилди.
Жарыстың өткерилиўинен тийкарғы мақсет – студентлердиң бос ўақытларын мазмунлы өткериў, саламатластырыў, 1-курс студент-қызлар арасында дослық қатнасықларын және де күшейтиў нәзерде тутылған.
Өткерилген жарысқа биология факультетиниӊ барлық 1-курс топарлары қатнасып, жарыс жуўмағында 1Б-биология топары қызларынан ибарат команда барлық қарсыласларынан үстем келип 1-орынды жеңип алды.
Жарыс соӊында улыўма биология ҳәм физиология кафедрасының жаслар менен бирге ислесиў бойынша кафедра баслығының орынбасары И.Арепбаев ҳам биология факультетиниң ҳаял-қызлар басланғыш шөлкеминиң баслығы А.Юсуповалар шығып сойлеп, жеӊимпазларды қутлықлады ҳәм белсене қатнасқаны ушын факультет ҳаял-қызларына миннетдаршылық билдирди.
Жеӊимпазларға факультет тәрепинен таярланған диплом ҳәм естелик саўғалары тапсырылды.
И.Арепбаев,
Улыўма биология ҳәм физиология кафедрасының
жаслар менен бирге ислесиў бойынша кафедра баслығы орынбасары.