Өзбекстан Республикасы Конституциясы ҳәм пуқаралар сайлаў ҳуқықларының кепилликлери

Усы жылдың 8-ноябрь күни Қарақалпақ мәмлекетлик университетинде университеттиң юридика факультети ҳәм Өзбекстан Республикасы Бас прокуратурасы Академиясы менен биргеликте шөлкемлестирилген «Өзбекстан Республикасы Конституциясы ҳәм пуқаралар сайлаў ҳуқықларының кепилликлери» атамасында республикалық илимий-әмелий конференциясы болып өтти.

Конференцияны университеттиң жаслар менен ислесиў бойынша проректоры О.Дүйсенбаев ашып берди ҳәм алып барды.

 Конференцияның сессияларында өз баянатлары менен Өзбекстан Республикасы Бас прокуратурасы Академиясының профессоры Г.Маликова, Бердақ атындағы Қарақалпақ мәмлекетлик университетиниң профессоры Қ.Умарова, Бердақ атындағы Қарақалпақ мәмлекетлик университети юридика факультетиниң деканы, профессор Е.Кутыбаева, Бердақ атындағы Қарақалпақ мәмлекетлик университети магистратура бөлиминиң баслығы А.Гулимов, Бердақ атындағы Қарақалпақ мәмлекетлик университетиниң доценти К.Низаматдинов, Бердақ атындағы Қарақалпақ мәмлекетлик университетиниң профессоры З.Реймова, Бердақ атындағы Қарақалпақ мәмлекетлик университетиниң доценти С.Утемуратова, Өзбекстан Республикасы «Миллий тиклениў» Демократиялық партиясы атқарыўшы комитети аппараты бөлиминиң баслығы Х.Кабулов, «Адолат» Социал-демократиялық партиясы республикалық Кеңеси баслығының орынбасары Р.Отарбаев, Бердақ атындағы Қарақалпақ мәмлекетлик университети Ҳуқықтаныў кафедрасының баслығы М.Нажимовлар шығып сөйледи.

Буннан соң, секция бойынша конференция өз жумысларын даўам етти.

Конференцияда Өзбекстан Республикасы сайлаў системасын модернизациялаўдың актуаллық мәселелери, демократиялық мәмлекетте сайлаўлардың әҳмийети, сайлаў нызамшылығы раўажланыўының тийкарғы тенденциялары, Өзбекстан Республикасында сайлаў процессиндеги халықаралық бақлаўшыларының ҳуқықый статусы, халықаралық сайлаў ҳуқықы ҳәм оларды миллий нызамшылық системасына имплементация қылыў, сайлаў системасының суд қорғаўын мәмлекетлик-ҳуқықый институт сыпатында жетилистириў ҳақкында мәселелер додаланды.

К.Низаматдинов,

Илимий-изертлеўлер, инновациялар ҳәм

илимий педагог кадрлар таярлаў бөлиминиң баслығы.