«Белсенди китапқумар» таӊлаўы

Мәмлекетимизде жасларды китапкумарлыққа бағдарлаў бойынша исленип атырған ис-илажлар арасында «Ёш китобхон» таӊлаўы көпшиликти қызықтыра алды. Усындай илажлардыӊ бири 8-ноябрь күни Қарақалпақ мәмлекетлик университети Мәлимлеме-ресурс орайында «Белсенди китапқумар» атамасы менен өткерилди.

Өткерилген илаждыӊ мақсети – студентлерди «Ёш китобхон» таӊлаўына  бағдарлап барыў болып есапланады.

Жарыс үш  шәрттен ибарат болды. Биринши шәртте жәҳән, өзбек, қарақалпақ әдебиятындағы белгили шығармалардан сораў-жуўаплар өткерилди. Екинши шәрт, белгили шайыр ҳәм жазыўшылардыӊ өмирбаяны, дөретиўшилиги менен таныстырыў. Үшинши шәрт, классик шайырларымыздыӊ поэзиялық шығармаларын көркемлеп оқыў ҳәм талықлаў.

Жарыс жүдә қызықлы өтти. Таӊлаў жуўмағында қарақалпақ филологиясы ҳәм журналистика факультети студенти Қ.Айбергенова 1-орынды жеӊип алды. Химия-технология факультети студенти А.Орынбаев 2-орынды, ал, қарақалпақ филологиясы ҳәм журналистика факультети студенти А.Дабылов 3-орын жеӊимпазлары болды.

Бул таӊлаўдыӊ биринши басқышы еди. Екинши басқыш декабрь айында өткериледи…  

Салтанат Мауленкулова,

Журналистика қәнигелигиниң 1-курс студенти.