Факультетлер аралық шет тиллер кафедрасында ислеген, бирақ ҳәзирги ўақытта  Өзбекстан Миллий университети сырт ел филологиясы кафедрасының ассистент-оқытыўшысы Сарбиназ Жиенбаева өзиниң кәсиплеслерине «How do we have to reach gold achievments» деген темада шеберлик сабағын өтти.

Ол инглис тилинде сөйлеў қәбилетлерин раўажландырыў бойынша ҳәм  IELTS халықаралық имтиханларға қалай таярланыў керек екенлиги бойынша  кәсиплеслерине мағлыўматлар ҳәм түсиниклер берди.

С.Жиенбаева 2017-2019-жыллар аралығында Өзбекстан Миллий университетиниң сырт ел филологиясы кафедрасында ассистент-оқытыўшы лаўазымында ислеп жүрип, Польша мәмлекети Opolen университетиниң PhD лингвистика бағдары бойынша докторантураға қабыл етилген.

Бизде өз гезегимизде кафедрамыз атынан Жиенбаева Сарбиназға өз миннетдаршылығымызды билдиремиз,  алдына мақсет етип қойған илимий жумысларында табыслар тилеймиз.

Д.Кубейсинова,

Факультетлер аралық шет тиллер кафедрасының баслаығы.