Son’g’i jillari elimizde turizmdi rawajlandiriwg’a u’lken itibar qaratilmaqta.
Elimizdin’ alis aymaqlarinda jaylasqan biraq, ha’zirde ko’pshilik bul tuwrali xabardar bolmag’an eski tariyxiy orinlar ha’m esteliklerimizdi qayta tiklew boyinsha ko’plegen diqqatqa ilayiq islerdi a’melge asiriw jolg’a qoyilg’an. Sebebi, olar, bizin’ basqa ellerden artiqmashlig’imizdi ko’rsetip turiwshi biybaha ma’deniy miyraslarimiz esaplanadi. A’ne, usi miyraslar bizdi du’nya ellerine tanitiwshi ha’m o’zligimizdi tariyximizdan bir belgi bolip an’latip turiwshi aynamiz esaplanadi.
Usi miyraslarimizdi tiklewde ha’zirgi waqitta bir qansha sho’lkemler salmaqli u’lesin qospaqta. Bizin’ universitetimizde de usi tarawdi rawajlandiriw boyinsha is-ilajlar alip barilmaqta.
Jaqinda universitetimizde O’zbekstan Respublikasi Turizmdi rawajlandiriw ma’mleketlik komitetinin’ Qaraqalpaqstan Respublikasi aymaqliq basqarmasi baslig’i baslig’i Bayram Qa’llibekov penen birgelikte student-jaslar menen sa’wbetlesiw keshesi bolip o’tti.
Ilajda B.Qa’llibekov jaslarg’a bu’gingi ku’nde turizm tarawinda alip barilip atirg’an ilajlar haqqinda tu’sinikler berdi ha’m student-jaslardin’ da piker-usinslari tin’ladi. Sonday-aq, ilajda Shet tilleri fakulteti Jaslar awqami baslang’ish sho’lkemi jetekshisi Jamshid Rizayev so’zge shig’ip, o’z pikir ha’m usinislarin bildirdi.
Ilajda tiykarinan turistlik potencialin ku’sheytiwde sho’lkemler menen universitettin’ birge jumis alip bariwi lazimlig’i haqqinda so’z boldi.
Student-jaslar arasinda Gid jolbasshilig’i ha’m awdarma iskerligi qa’nigeliginen Sharapatdin Nuratdinov, Nurjamal Da’ryabaeva o’zlerinin’ turizm boyinsha biznes ideyalarin bildirip o’tti. Sonday-aq, bunda ziyarat turizmin rawajlandiriw boyinsha da usinislar berildi.
Ilaj juwmag’inda universitet ha’m turizm sho’lkemleri menen birgelikte jumis alip bariwda studentlerdin’ pikir ha’m usinislarin esapqa alg’an halda kelisimge kelindi. Student-jaslar o’zlerinin’ qiziqtirg’an sorawlarina juwap aldi ha’m turistlik sho’lkem joybarlari boyinsha ken’irek tu’sinikke iye boldi.
Nilufar Abdullaeva,
Shet tilleri fakulteti studenti.