Таңлаўдың факультет басқышы өткерилди

Университетимиздиң Мәденият сарайында Қарақалпақ филологиясы ҳәм журналистика факультети студент-қызлары арасында «Қәнекей қызлар» таңлаўы болып өтти.

Таңлаўға факультетте оқып атырған студент-қызлардан 8 қыз 4 шәрт бойынша өз ара беллести. Таңлаў студент-қызлардың өзин таныстырыўлары, китапханлық мәдениятын үгит-нәсиятлаў, аспазлық сырлары ҳәм шаңарақ жәмийеттиң бир тиреги екенлиги, және де, өз өнерлерин көрсетиў сыяқлы шәртлерден ибарат болды.

Таңлаўды әдил төрешилер қурамы баҳалап барды.

Таңлаў жуўмағында 1-курс студенти Пирназарова Улзипа жеңимпаз болып, университет басқышына жоллама алды.

Таңлаў жеңимпазларына диплом ҳәм «Ҳүрмет жарлық»лары менен бирге естелик саўғалары тапсырылды.

З.Жуманов,

Факультеттиң жаслар менен ислесиў бойынша

декан орынбасары.