Спорт – саламатлық гиреўи

Спорт пенен шуғылланыў инсан саламатлылығы ушын зәрүр болып есапланады. Ерте таңнан жуўырыў  инсанда физикалық күшти ҳәм күн даўамында энергияны пайда етеди екен. Инсан саў- саламат узақ өмир көриўди қалесе, әлбетте, спорт пенен шуғылланыўы тийис хәм де аўқатланыў  ратционын  өз орнында турақлы рәўиште алып барыўы шәрт.

 Мине, усындай спорт пенен турақлы шуғылланып барыўшы химия-технология факультетмиздиң ер-жигитлери арасында да  спорттың мини футбол түри бойынша беллесиў болып өтти.  Жарысты факультетимиздың спорт секторы  басшысы  К.Косназаров  ашып берди ҳәм де бул жарысқа қатнасыўшы жаслардың көп  екенлигин  көрип қуўанышлы екенлигин айтып өтти.

Және, факультеттиң жаслар менен ислесиў бойынша декан орынбасары Ғ.Султанов сөзге шығып, бәршеге ең әўеле  жарыста әўмет тиледи, спорт – бул ҳәр бир инсанның табылмайтуғын  байлығын,  яғный ден-саўлығын беккемлейтуғынын атап өтти.

Буннан соң, жарысқа  старт берилди. Жарысқа 1-а-е-б-с-д химия топарлары, 1-а-б химия-технология топарлары, 1-а-б азық-аўқат топарлары ҳәм де 2-б химия-технология топарлары қатнасты.  Жарыс  қызғын  беллесиўлерге  бай болды.

Жарыс жуўмағында 3-орынды 1-б, д химия топары, 2-орынды 2-б химия-технология топары жеңип алған болса, ал, сыйлы 1-орынды 1-б химия-технология топарлары жеңип алды.

Жеңилпазларға  факультет деканаты тәрепинен диплом  ҳәм де  саўғалар  тапсырылды.

Нилуфар Куздибаева,

Химия-технология факультетиниң 1-курс студенти.