Тарийх ҳәм ҳуқық факультети
- Détails
- 4301
 |
Тарийх ҳәм ҳуқық факультети деканы::Қутлымуратов Фархад Қалбаевич
|
Факультеттеги кафедралар:
- Тарийх ҳәм археология
- Өзбекстан ҳәм Қарақалпақстан тарийхы
- Ҳуқықтаныў
- Миллий идея, мәнаўият тийкарлары ҳәм ҳуқық тәлими
Тарийх ҳәм ҳуқық факультети тарийхы
Қарақалпақ мәмлекетлик университетиниң ашылыўы менен 1977-1978-оқыў жылында Тарийх-география факультети қурамында Ҳуқықтаныў бөлими ашылды ҳәм оған сол оқыў жылында 50 студент қабыл етилди. Жаңадан ашылған бул қәнигеликте юридика илимлериниң кандидаты А.Ж.Дәўлетов, Н.А.Абдуллаев, У.Нурмашов, Ш.А.Халиков, М.Ҳәкимов, сондай-ақ И.Нуратдинов, Қ.Умарова, С.Мадреймова, Р.Айтмуратова, Е.Қутыбаева, Ж.Ниязова, Б.Матмуратов, Г.Юлдашева, Х.Қабуловлар устазлық етти.
1993-жылы Юридика факультети шөлкемлестирилди.
1999-2000-оқыў жылынан баслап факультетте «Пуқаралық ҳуқықы, семья ҳуқықы, пуқаралық процеси, халықаралық жеке ҳуқық» қәнигелиги бойынша магистратура ашылды. Ҳәзирги күнде Мәмлекетлик ҳуқық ҳәм басқарыў (Конституциялық ҳуқық, ҳәкимшилик ҳәм банк ҳуқықы, мәмлекет ҳәм ҳуқық тарийхы ҳәм теориясы) қәнигелиги бойынша 11 магистрант, бакалавр бағдары бойынша 668 студент билим алмақта.
2011-2012-оқыў жылынан баслап Юридика ҳәм тарийх факультетлери бириктирилип, Тарийх ҳәм ҳуқық факультети болып қайта дүзилди.
1977-2017-жыллар аралығында факультетте Қ.Сарыбаев, Б.Шамамбетов, М.Төребеков, Е.Умаров, М-Ш.Қыдырниязов, Б.Матмуратов, Ж.Ҳәкимниязов, Е.Қутыбаева, А.Т.Алламуратов декан лаўазымында ислеп келди. 2017-жылдан баслап ю.и.к., доцент Ф.Қ.Қутлымуратов факультет деканы лаўазымында ислеп келмекте.
Билимлендириў:
Бакалавр бағдары
- 5240100, 5380100 – Юриспруденция (Искерлик түрлери бойынша)
- 5111600, 5141500 – Миллий идея, мәнаўият тийкарлары ҳәм ҳуқық тәлими
- 5120300 – Тарийх (мәмлекетлер ҳәм регионлар бойынша)
Магистратура қәнигелиги
- 5А240101 – Мәмлекетлик ҳуқық ҳәм басқарыў (Конституциялық ҳуқық; ҳәкимшилик ҳәм банк ҳуқықы; мәмлекет ҳәм ҳуқық тарийхы ҳәм теориясы).
- 5А120401 – Археология
- 5А120301 – Өзбекстан тарийхы
- 5А111601 – Социал-гуманитар пәнлерди оқытыў методикасы (мәнаўият тийкарлары)
Профессор-оқытыўшылар қурамы: 89.
Илим докторлары: 6.
Илим кандидаты: 33.
Халықаралық бағдарламалар ҳәм проектлер
Пуқаралық ҳәм хожалық ҳуқықы кафедрасы профессоры Қ.Умарова Европа комиссия қоллап қуўатлаўындағы ТЕМПУС проектының грантын жеңип алды ҳәм факультет жанында ТuCAHEA «Тюнинг орайы»н ашты. Бул проекттиң ҳәм орайдың тийкарғы мақсети Орайлық Азия мәмлекетлериндеги жоқары оқыў орынларында билимлендириў системасының сапасын асырыў есапланады.
Мәмлекетлик ҳуқық ҳәм басқарыў кафедрасы профессоры Е.Д.Кутыбаева басшылығында 2012-2016- жылларға мөлшерленген Ф.1.79. «Жамоат назорат тизимида ўзини-ўзи бошқариш органлари ваколатларини кенгайтириш муаммолари (Қорақалпоғистон Республикаси мисолида)» атамасында фундаментал илимий проекти жеңип алынды. Проекттиң тийкарғы мақсети – жәмийетлик бақлаў системасында өзин-өзи басқарыў уйымларының ўәкилликлерин кеңейтиў.
«Тарийх ҳәм археология» кафедрасы профессоры М.Ш.Қдырниязов басшылығында 2012-2016-жылларға мөлшерленген Ф.1.78. «Хоразм цивилизацияси тарихи» фундаментал илимий проекти жеңип алынды. Проекттиң тийкарғы мақсети – Өзбекстан мәмлекетшилик тарийхының дәслепки ошақларын анықлаў, Хорезм цивилизациясының жетискенликлерин шығыс мәденияты тарийхындағы орнын көрсетиў.
Факультетте студент жаслар ушын да имканиятлар жаратылған. Факультеттеги кафедралар жанында ҳәр қыйлы илимий дөгереклер шөлкемлестирилген. Бул дөгереклерде студент жаслар өзлериниң оқыў процесинде алған билимлерин әмелиятта сынап көриў мүмкиншиликлери бар. Соның менен бирге факультет жанында халыққа бийпул ҳуқықый жәрдем көрсетиў мақсетинде факультеттиң тәжрийбели профессор-оқытыўшылары менен жоқарғы курс юриспруденция қәнигелиги студентлериниң қурамында юридикалық клиника жумыс алып барып атыр. Юридикалық клиника 5 жылдан аслам ўақыттан берли пуқаралық, семья, мийнет, жынаят, ҳәкимшилик-ҳуқықбузарлықлар нызамшылықлары тараўлары бойынша халыққа ҳуқықый жәрдемлер берип келмекте.
