Табиатшунослик факультетида 2-курс биология талабалари томонидан шоир, Ўзбекистон Қаҳрамони Ибройим Юсуповнинг таваллуд кунининг 90 йиллигига бағишланган адабий кеча ўтказилди.

Унда факультет профессор-ўқитувчилари ва талаба-ёшлар қатнашди. Тадбирни факультетнинг ёшлар билан ишлаш бўйича декан ўринбосари Ж.Муйнакбаев очиб берди.

Адабий кеча давомида шоирнинг ҳаёти ва ижоди тўғрисида маълумот берилди ҳамда унинг қаламига мансуб шеърлари ва қўшиқлари талабалар томонидан ижро этилди. Шоирнинг энг сара асарларидан олинган саҳна кўринишлари кўрсатилди. Кеча давомида баҳру-байт беллашуви, ҳар хил интерактив ўйинлар ўтказилди.

Бу кеча иштирокчиларда катта таассурот қолдирди.

Шоирнинг 90 йиллик юбилейини нишонлаш кенг миқёсда давом этмоқда.

Отабек Рахимбаев,

Табиатшунослик факултетининг  2-босқич талабаси.