Қорақалпоғистондаги Эразмус+ дастури ҳафталиги Қорақалпоқ давлат университетида бошланди.

Университетнинг бош биносининг 3 катта аудиториясида ўтказилган тадбирда асосан магистрантлар ва талабалар иштирок этди. Бунда нафақат университет талабалари, балки, худуддаги бошқа олий таълим муассасаларидан ҳам талабалар иштирок қилишди.

Тадбирни Қорақалпоқ давлат университетининг халқаро алоқалар бўлими бошлиғи Шахмардан Шаниязов очиб берди ва олиб борди.

Дастлаб, Эразмус+ дастури ва унда қандай иштирок этиш мумкунлиги бўйича ҚҚДУ доценти Бахытбай Палуанов йиғилганларга маъруза қилди. У ўзи олиб бажараётган лойиҳалар ҳақида батафсил айтиб берди.

ҚҚДУдаги DECIDE лойиҳасидаги иштироки ҳақида профессор Алима Бердимуратова айтиб берди.

Бундан сўнг Тошкент давлат аграр университети Нукус филиалида бажарилаётган BuzNET лойиҳаси ҳақида филиал ўқитувчиси Алмагул Халықназарова маълумотлар берди.

Тадбир савол-жавоб шаклида давом этди.

Б.Палуанов.