14-январь – «Ватан ҳимоячилари куни» муносабати билан «Буюк келажагимизни мард ва олижаноб халқимиз билан бирга қурамиз» мавзусида маънавий-маърифий тадбир бўлиб ўтди.

Тадбирни Қорақалпоқ давлат университети  Нуронийлар Кенгаши бошлиғи Б.Абдикамалов  очди ва олиб борди.  Б.Абдикамалов  тадбир иштирокчиларини 14-январь – «Ватан ҳимоячилари куни» муносабати билан табриклади. Ўз нутқида «Буюк келажагимизни мард ва олижаноб халқимиз билан бирга қурамиз» мавзусида баёнат берди ва мазкур маънавий-маърифий тадбирларнинг аҳамияти катта эканлигини ҳақида айтиб ўтди.

 Кейинги сўзга чиққанлар Қорақалпоғистон Республикаси Ички ишлар органи ветерани, генерал-майор Ж.Шылманов, Шимолий-Ғарбий Ҳарбий округи Нуронийлар ишлари бўйича Кенгаш бошлиғи А.Юсупов, Қуролли кучлар фаҳрийси, захирадаги подполковник М.Мусаев ва Б.Гайповлар, Қуролли Кучлар фаҳрийси М.Абдуллаев ва захирадаги офицер А.Арзиевлар ўз маърузалари билан иштирок этиб, иштирокчиларни байрам билан тантанали равишда табриклади.

Шунингдек, маърузачилар томонидан маънавий баркамоллик инсоннинг руҳий покланиши, ахлоқий онг ва ҳиссиётларига эга бўлиши, ҳалол ва пок яшашни, мустаҳкам эътиқодга эга бўлишни олий мақсад деб билишини айтиб ўтди. 

О.Рахимбаев,

Қорақалпоқ давлат университети талабаси.