Жорий йилнинг 14 март куни Қорақалпоқ давлат университети Биология факультетининг бир гуруҳ талаба-ёшлари «Умумхалқ хайрия хашари»ни Муйноқ туманининг «Шағирли» овулида ўтказди.

Улар факультет декани Якуб Аметов бошчилигида «Университет ўқув-тажириба майдончаси»да ободонлик ишларини олиб борди. Шу жумладан, ерга олма, нок, ўрик, олча  ва бошқа жами 200 га яқин мева кўчатларини экди. Шу билан бирга ўткан йили экилган мева кўчатларини ёввойи ўтлардан тозалади. 

Эслатиб ўтамиз, бундан роппа-роса 1 йил олдин, 14-16 март кунлари Қорақалпоқ давлат университети Биология факультетининг профессор-ўқитувчилари ва ташаббускор талаба ёшлари «Орол ва ёшлар» шиори остида бу ерда университет ўқув-тажириба майдончасини ташкил этган эди. Бунда улар 1 гектарга яқин майдонга 650 туп мева ва декоратив ўсимликларнинг кўчатларини экиб боғ барпо этган эди.

Қ.Қайпов,

Биология факультети ўқув ишлари

бўйича декан ўринбосари.