2022-jıl 19-may kúni Qaraqalpaq mámleket universiteti Fakultetler aralıq shet tilleri kafedrası assistenti Yulduz Matqurbanova hàm stajer- oqıtıwshıları Patullaeva Gulmiyra, Absametova Durdana tárepinen Qaròzek rayonındaǵı 28-sanlı ulıwma bilim beriw mektebinde hám akademik S. Kamalov atındaǵı APJ qaraslı 29- sanlı ulıwma bilim beriw mektepleriniń 8-9 klass oqıwshıları arasında «How to improve memory» hàm «Big funny box» atamasında master klasslar shólkemlestirilip, hár túrli interaktiv oyınlar alıp barıldı.
Ushırasıwdı ótkeriwden maqset Ózbekstan Respublikası Prezidenti Sh.Mirziyoyevtiń basshılıǵında «Mámleketimizde tálim-tárbiya sistemasın hám ilim-pán tarawı sapasın jetilistiriw máseleleri»ne baǵıshlap ótkerilgen videoselektor májilisi hám Ózbekstan Respublikası Ministrler Kabinetiniń 2020-jılı 20-noyabr kúngi «Ulıwma orta bilim beriw mekteplerinde bilim sapasın jaqsılaw, oqıtıwshılardıń kásiplik sheberligin arttırıw hám metodikalıq qollap-quwatlaw ushın biriktirilgen joqarı oqıw orınları haqqında»ǵı 07/1-2472-sanlı qararında kórsetilgen wazıypalardıń orınlanıwın támiyinlewden ibarat.
Master klass intelektual oyin sipatinda 3 toparģa bòlingen halda alıp barilip oyin 3 basqishtan ibarat boldi. Oyında jaqsı qatnasqan mektep oqıwshılarına inglis tilindegi kitaplar sawǵa etildi. Sonday-aq, mektep oqıwshılarınıń pitkeriwshilerine tayarlanatuǵın pánler xaqkında maǵlıwmatlar berildi.
Bunday ushırasıwlardıń tez-tez shólkemlestiriliwi mektep oqıwshılarınıń joqarı oqıw orınlarına kiriwinde úlken áhmiyetke iye.
Fakultetler aralıq shet tilleri kafedrası oqıtıwshıları:
Matkurbanova Yulduz
Patullaeva Gulmiyra
Absametova Durdana.
