Шет тиллери факультети деканы:

Курбанбаев Джавод Аминбаевич

+99890-658-65-47
djavodik@umail.uz
http://shettilleri.karsu.uz/

 

Факультеттеги кафедралар:

1) Инглис тили ҳәм әдебияты

2) Немис тили ҳәм әдебияты

3) Рус тили ҳәм әдебияты

4) Аўдарма теориясы ҳәм әмелияты

5) Факультетлер аралық шет тиллери

 

Факультет дәслеп Роман-герман филологиясы факультет атамасы менен 1954-жылы ашылып, инглис ҳәм немис тиллери қәнигелигинен ибарат болды ҳәм сол жылы 55 студент қабыл етилди. Жаңадан ашылған факультетте 3 оқытыўшы –Ж.А. Алламуратов, Р.И. Бонк, А.П.Серовлар жумыс иследи. 1956-жылы биринши рет шет тиллери кафедрасы ашылып, оған Ж.А.Алламуратов ҳәм кафедра баслығы ҳәм декан сыпатында басшылық етти.
Факультет питкериўшилери арасынан көрнекли илим, мәденият, әдебият ғайраткерлери, мийнет қаҳарманлары ҳәм жәмийетлик искерлер, дилмашлар жетилисип шықты. Олардан Өзбекистан Қаҳарманы А.Өтениязов, профессорлар Н.Урумбаев, А.Джақсыбаев, А.Умаров, Л.Хван, В.Нажимова, Т.Караматдинова, К.Даўлетмуратов, Л.Лагазидзе, Б.Хабибуллаев, Қ.Орынбаев, Қ.Оразбаев, Қ.Өтегенов, Х.Даужанов, Г.Абдирова, С.Артыкова, М.Ғаниевлар ҳәм т.б.ларды атап өтсек болады.
1962-1963 оқыў жылынан баслап шет тиллери институттың басқа қәнигеликлеринде оқытыла баслайды. 1976-жылы университет ашылыўына шекем факультетте илим кандидатларынан Ж. Алламуратов, А.Курбанбаев, М. Димент, М.Ауезов ҳәм П.Бекимбетов жумыс ислеген. Қарақалпақстанда миллий кадрлар арасынан герман тиллери бойынша биринши жетисип шыққан илим кандидаты Ж.Алламуратов болды. Университет ашылғаннан кейин ҳәзирге шекем бул еки кафедрада 16 оқытыўшы илим кандидаты дәрежесине ийе болды.
Факультет тарийхында доцентлер Ж.Алламуратов, А.Курбанбаев, Т.Атамуратов, А.Дәўлетов, П.Курбаназаров, Н.Юлдашев, О.Ибрагимов, Д.Мамырбаева, Д.Бердимуратов,  Ф.Бабажанов Х.Абдуллаев,  Н.Хамидовлар факультет деканы лаўазымында иследи. 2015-жылдан доцент Дж.Курбанбаев факультет деканы лаўазымында ислеп келмекте.
1995-1996 оқыў жылында Шет тиллери факультети қурамына Рус филологиясы факультети қосылды. Рус тили ҳәм әдебияты қәнигелиги 1937-жылы Муғаллимлер институты қурамында факультет болып шөлкемлестирилген. Факультетте улыўма ҳәм рус тил билими, рус ҳәм шет ел әдебияты, рус тили методикасы ҳәм әмелияты, факультетлер аралық рус тили кафедралары жумыс алып барған.
2005-жылы ноябрь айынан баслап рус филологиясы, инглис филологиясы, немис филологиясы ҳәм өзбек филологиясы қосылып филология факультети қәлиплести. 2014-жылдан баслап Шет тиллери факультети қайта шөлкемлестирилди.
Бүгинги күнде факультетте 5 кафедра: инглис тили ҳәм әдебияты, немис тили ҳәм әдебияты, рус тили ҳәм әдебияты, аўдарма теориясы ҳәм әмелияты ҳәм факультетлер аралық шет тиллери кафедралары жумыс алып бармақта. Факультетте 90 нан аслам профессор-оқытыўшылар жумыс ислейди. Соннан, 1 профессор, 16 илим кандидаты, 10 үлкен оқытыўшы ҳәм 60 тан аслам ассистент-оқытыўшылар студентлерге тәлим-тәрбия берип келмекте. Факультетте филология ҳәм тиллерди оқытыў (инглис тили), шет тили ҳәм әдебияты, филология ҳәм тиллерди оқытыў (немис тили), филология ҳәм тиллерди оқытыў (рус тили), аўдарма теориясы ҳәм әмелияты тәлим бағдарлары бойынша бакалаврлар, лингвистика (инглис тили) ҳәм лингвистика (рус тили) қәнигеликлери бойынша магистрлар таярланады.
Ғәрезсизлик жыллары факультетте оқыў, илим-изертлеў, руўхыйлық ҳәм ағартыўшылық тараўларында бир қатар табыслар қолға киритилди. 2011-2012 оқыў жылында университетте жоқары мағлыўматлы дилмашлар таярлайтуғын жаңа қәнигелик ашылып, 2014-жылы 30-августтағы министрликтиң 1/8.1-санлы қарары тийкарында факультет қурамында аўдарма теориясы ҳәм әмелияты кафедрасы шөлкемлестирилди. 2012-2013 оқыў жылынан баслап факультетте екинши шет тили сыпатында корейс тили оқытыла баслады.
Шет тиллери факультети шет еллердиң ҳәм республикамыздың жоқары оқыў орынлары, билимлендириў орайлары менен тығыз байланыста жумыс алып бармақта. Ҳәзирге шекем АҚШ, Уллы Британия, Германия мәмлекетлеринен 9 профессор-оқытыўшы Карл Райхл, Р.Уоррен, Ким Кихо, К.Смит, Ч.Брайен ҳәм басқалар келип, лекция ҳәм әмелий сабақлар алып барды.
Факультетимиз профессор-оқытыўшылары К.Исмайлов, А.Курбанбаев, О.Ибрагимов, Л.Хван, Г.Ешимбетова, К.Оразбаев, Х.Даўжанов, Д.Мамырбаева, А.Тажиева, Дж.Курбанбаев, Я.Курбанов, А.Джумамуратов, Д.Бердимуратов, А.Мамбетниязовалар Россия, Англия, АҚШ, Германия, Австрия, Болгария, Қытай ҳәм Израил мәмлекетлеринде өз билим дәрежесин жетилистирип, тәжирийбелерин алмасты.
Жыл сайын студентлердиң билимлилик, руўхыйлық, мәдений ҳәм интеллектуаллық дәрежелери өспекте. Қубла Корея Сувон университети KOICA тәлим программасы жеңимпазы А.Қутлымуратова, олимпиада жеңимпазы Ю.Каримбаева, оратарлық шебери таңлаўы жеңимпазы Ш.Сагидуллаева, С.Камалова, Ә.Наўайы, Бердақ атындағы стипендиялар жеңимпазлары М.Жумамуратова, Н.Даулетназарова, Г.Ибрагимова, Б.Альманова, А.Тлеумуратов, Ш.Берданова, Ш.Сайманова, Н.Ибрагимова, Ф.Авезова, Германия Федеративлик Республикасының DAAD гранты жеңимпазлары В.Джалгасова, О.Атаева, А.Сарсенбаева, Азия ҳәм Өзбекистан чемпионлары, жәҳән чемпионаты қатнасыўшылары М.Бердиханов, Г.Аманкосова, Б.Сердалиева, С.Сапарова, З.Пулатовларды үлкен мақтаныш пенен атап өтсек болады.
Факультет жәмәәти келешекте жәҳән стандартларына толық жуўап беретуғын, илим ҳәм билимли жетик қәнигелер таярлайтуғын мәскан болып қала беретуғынлығына исенимимиз кәмил.