Qurılıs fakulteti

 

Fakultet dekanı:

Uzaqov Tórebek Djumabaevich

Texnika ilimleri kandidatı

+99861-226-12-26
tj.uzakov@gmail.com
Qabıllaw waqtı: shiyshembi hám juma kúnleri, saat 09.00 den 13.00 ge deyin

 

Oqıw isleri boyınsha dekan orınbasarı:

Purxanatdinov Aman Purxanatdinovich

Filosofiya doktorı (PhD)

+998 (91) 375-12-21
aman.pp@mail.ru
Qabıllaw waqtı: hár kúni (ekshembiden tısqarı), saat 09.00 den 13.00 ge deyin

 

Jaslar menen islesiw boyınsha dekan orınbasarı

Nurniyaov Saparbay Qurbaniyazovich

+998 (91) 307-17-69

saparbay68@mail.ru

Qabıllaw waqtı: hár kúni (ekshembiden tısqarı), saat 14.00 den 18.00 ge deyin

 

Dekan orınbasarı:

Seytimbetov Allayar Mıńsızbaevich

+998 (91) 388-07-77

allayar_s_91@mail.ru

Qabıllaw waqtı:

hár kúni (ekshembiden tısqarı), saat 14.00 den 18.00 ge deyin

 

Fakultet tariyxı
1990-jılı Nókis qurılıs texnikumı bazasında Tashkent politexnika institutınıń Nókis filialı ashıldı. Fakultettiń birinshi dekanı bolıp T.Atamuratov jumıs basladı.
1991-jılı Tashkent politexnika institutı quramınan arxitektura-qurılıs baǵdarındaǵı fakultetler bólinip, Tashkent arxitektura-qurılıs institutı shólkemlestirildi. Usı instituttıń Nókis filialina Nókis ulıwma texnika fakulteti ataması berildi hám fakultet dekanı bolıp J.Ataniyazov tastıyıqlandı. Fakultette sanaat hám puqaralıq qurılıs; suw támiynatı, kanalizasiya, suw resurslarınan rasional paydalanıw hám qorǵaw qánigelikleri boyınsha injener qurılısshılar tayarlanıp, olarǵa texnika ilimleriniń kandidatı, dosent K.Baymanov basshılıǵındaǵı «Ulıwma texnikaliq pánler» kafedrası professor-oqıtiwshıları tálim berdi. 1995-jılı Tashkent arxitektura-qurılıs institutiniń Nókis ulıwma texnika fakulteti Qaraqalpaq mámleketlik universitetiniń quramına injenerlik qurılıs fakulteti ataması menen ótkerildi. 2005-jılı bul fakultet fizika fakulteti menen biriktirilip, fizika-texnika fakulteti atamasında qayta shólkemlestirildi. 2009-jıldan fizika-texnika fakultetinen arxitektura-qurılıs baǵdarları bólinip, texnika fakulteti shólkemlestirildi. 2019-jıldan baslap texnika fakulteti qurılıs hám arxitektura fakultetlerine ajıratıldı. Bul dáwirler ishinde fakultetti B.Abdikamalov, X.Abdullaev, Q.Ismaylov, M.Tagaev, T.Uzaqov, M.Ayimbetov, Q.Dawletov, B.Dauletmuratovlar basqardı. Házirgi waqıtta Qurılıs fakultetin texnika ilimleriniń kandidatı Tórebek Djumabaevich Uzaqov basqarıp kelmekte.
Fakultette byudjetten tısqarı qarjılar tabıwǵa úlken áhmiyet berilgen. Usı maqsette 2017-jılı Úy-jay xojaliǵı qurılısı ushın obektler hám kompleksler proekt-smeta hújjetlerin jaratıw, sonıń ishinde olardıń injenerlik tarmaqların hám sistemaların joybarlaw boyınsha ruxsatnama (licenziya) alınıp fakultette shólkemlestirilgen QMU «Joybarlaw toparı» aǵzaları tárepinen jılına ortasha 70-80 mln. swm, usı kúnge shekem jámi 300 mln. swmnan aslam xojalıq shártnamaları orınlanıp, proekt-smeta hújjetleri jaratılıp óndiriske endirildi.
Tálim xızmetlerin kórsetiwdi keńeytiw, studentlerge qolaylılıqlar jaratıw maqsetinde 2021-jılda «B» hám «BC» kategoriyaların beriwshi QMU «Avto-oqıw orayı» shólkemlestirilgеn bolıp ayına 2-3 topar oqıtılıp, byudjetten tısqarı tabıslar 50-70 mln swmdı quramaqta.
 
Fakultet kafedraları:
  1. Imaratlar hám soorujeniyeler qurılısı kafedrası
  2. Injinerlik kommunikaciyalar qurılısı kafedrası
Bilimlendiriw sisteması
Bakalavriat baǵdarları:
  1. 5340200 – Imaratlar hám inshaatlar qurılısı (sanaat hám puqaralıq imaratları);
  2. 5340400 – Injinerlik kommunikaciyalar qurılısı hám montajı;
  3. 5340501 – Qurılıs materialları, buyımları hám konstrukciyaların islep shıǵarıw;
Magistratura qánigelikleri:
  1. 70730301 – Imaratlar hám inshaatlar qurılısı;
  2. 70730401 – Injenerlik kommunikatsiyaları sistemaları, qurılısı hám montajı;
  3. 70730701 – Qurılıs materialları, buyımları, konstrukciyaları hám olardı islep shıǵarıw texnologiyaları;
Qospa tálim baǵdarlamaları: QMU hám Moskva mámleketlik milliy ilimiy-izertlew qurılıs universiteti
Bakalavriat baǵdarları(2+2):
  1. 5340500 – Qurılıs materialları, buyımları hám konstruksiyaların islep shıǵarıw;
  2. 5340400 – Injenerlik kommunikaciyalar qurılısı hám montajı;
Magistratura qánigelikleri(1+1):
  1. 5A340501 – Qurılıs materialları, buyımları hám konstruksiyaların islep shıǵarıw;
  2. 5A340401 – Suw taminatı, kanalaizaciya, suw resursların qorǵaw hám olardan racional paydalanıw.
 
Professor-oqıtıwshılar quramı
Kafedralarda ilimiy-pedagogikalıq iskerligin 40 professor-oqıtıwshı, qosa islew tiykarında 8 oqıtıwshı alıp barmaqda. Solardan tiykarǵı shtatta 10 ilim kandidatı, texnika tarawı filosofiya doktorları hám docentler T.Uzaqov, N.Saparniyazov, M.Arzuov, G.Utegenova, R.Eshniyazov, Q.Dawletov, A.Allambergenov, A.Purxanatdinov, R.Baymanov hám Z.Turlıbaev. Qosa islew tiykarında 5 ilim doktorı hám professorlar: t.i.d, professor K.Baymanov, X.Akramov, X.Komilov, Z.Qodirova, t.i.d. I.Aimbetov, docent B.Raxmanov hám B.Sobirov, A. Jumanazarovalar sonday-aq tiykarǵı shtatta úlken oqıtıwshılardan J.Najimov, R.Paxratdinova, U.Mamutov, M.Eshmuratov, D.Ospanova, G.Abdiganieva, Q.Aytbaev assistentler J.Kamalov, N.Sayımbetova, Sh.Tajibaev, М.Kamalov, A.Paxratdinov, K.Bektursinova, A.Nawrızbaev, N.Dáwletmuratova, Q.Baxıev hám A.Seytimbetov stajer-oqıtıwshılar G.Serjanova, A.Aytbaeva, Y.Utemuratova, А.Dáwletbaeva, O.Aytjanov, B.Djumabaev, R.Dospanov, O.Janabaev, D.Qayıpbergenov, U.Qdirbaev, M.Tóreniyazov, S.Kaypov, M.Tanbaevlar studentlerge bilim hám tálim-tárbiya berip kelmekte.
Ilimiy-izertlew iskerligi
Sapalı bilim beriw hám ilimiy-pedagogikalıq kadrlardı tayarlaw ushın Qaraqalpaqstan Respublikası qurılıs tarawındaǵı bar ilimiy potencialı tartılǵan.
Qurılıs fakulteti professor-oqıtıwshıları hám studentler xalıq-aralıq TEMPUS joybarları tiykarında UZWATER: Tiykarǵı itibardı suw resursların basqarıwǵa qaratılǵan qorshaǵan ortalıqtı qorǵaw hám turaqlı rawajlanıw qánigelikleri boyınsha magistratura programması hám HighVEC Avtomagistral qurılısı injenerligi hám mashina islep shıǵarıw injenerligi boyınsha oqıw programması islep shıǵıldı. Sonday-aq docent R.Eshniyazov Britaniya Konsullıǵı hám Ózbekistan Respublikası Joqarı hám orta arnawlı bilimlendiriw ministrligi tárepinen ótkerilgen EMI joybarına qatnastı. Házirgi waqıtta ilimiy kadrlardı tayarlaw barısında eń keyingi jetiskenlikleri retinde – 2020-jılı erkin izleniwshi A.Allambergenov, 2021-jılı erkin izleniwshiler R.Baymanov, Z.Turlıbaev hám A.Purxanatdinovlar filosofiya doktorı (PhD) ilimiy dárejesin alǵanlıǵın atap ótsek boladı.
Xalıqaralıq baǵdarlamalar hám proektler
Fakultetimiz docenti Rustem Eshniyazov Amerikaniń Viskonsin shtatı Miloki Universitetinde hámde Shet el joqarı oqıw orınlarınan prof. Lars Riden Uppsala universitetinnen, prof. Janis Zaloksnis Latviya universitetinnen (Latviya), docent Evgeniya Derbasova Astraxan mámleketlik arxitektura-qurılıs universitetinen (Rossiya) kelip, fakultetimiz studentlerine sabaqlar ótti hám birgelikte seminarlar shólkemlestirildi.
2019-jıldan baslap Rossiya federaciyasınıń Moskva mámleketlik milliy ilimiy-izertlew qurılıs universiteti menen birgelikte qospa tálim baǵdarlaması tiykarında bakalavr baǵdarları hám magistratura qánigelikleri boyınsha kardlar tayarlaw jolǵa qoyıldı.
Fakultette ziyrek studentler menen birge islesiw de jaqsı jolǵa qoyılǵan. Studentler ózleriniń qızıqqan ilimiy-innovaciyalıq temaları sheńberinde ilim izertlew jumısları alıp barılmaqda, kafedralar qasında ilimiy dógerekler shólkemlestirilgen. Hár jılı jas ilimpazlar, magistrlar hám ziyrek studentler qatnasında ilimiy-ámeliy konferenciyalar shólkemlestiriledi.

Пайдалы дереклер