Қарақалпақ мәмлекетлик университети технология кафедрасының қурамында 2009-жылда 5522500 – Нефть ҳәм нефть-газди қайта ислеў технологиясы қәнигелиги бакалавр тәлим бағдары ашылды. 2012-жылдан баслап бул кафедраны техника илимлериниң кандидаты, доцент М.Ж. Айымбетов басқарды. Сол жылы 5А522504-Нефть ҳәм нефть-газди қайта ислеў ҳәм оның химиялық технологиясы қәнигелиги бойынша магистратура қәнигелиги, 2013-жылда 5311900-Нефть ҳәм газ кәнлерин иске түсириў ҳәм олардан пайдаланыў бакалавр тәлим бағдары ҳәм 5А311901-Нефть ҳәм газ кәнлерин иске түсириў ҳәм олардан пайдаланыў бойынша магистратура қәнигелиги ашылды. 2014-жылдың сентябрь айыннан баслап Нефть ҳәм газ технологиясы кафедрасы бо-лып жаңадан шөлкемлестирилип, сол ўақытта кафедраға химия илимлериниң кандидаты, доцент З.Д.Узақбергенова басшылық етти.Кафедрада 5321300 – Нефть ҳәм нефть-газди қайта ислеў технологиясы, 5311900-Нефть ҳәм газ кәнлерин иске түсириў ҳәм олардан пайдаланыў қәнигелиги бакалавр тәлим бағдары бойынша қәнигелер таярланады. Кафедраға тийисли қәнигелик пәнлерди өтиўде тәжирийбели қәнигелер Ташкент химия технология институты Нефть ҳәм газди қайта ислеў химиялық технологиясы кафедрасы, Ташкент мәмлекетлик техника университети Нефть ҳәм газди қайта ислеў технологиясы кафедрасы ҳәм Ташкент қаласындағы И.М. Губкин атындағы Нефть ҳәм газ Россия мәмлекетлик университети профессор-оқытыўшылары жақыннан жәрдем берип келмекте.

Сондай-ақ, Нефть ҳәм газ технологиясы кафедрасы республикамыздың жоқары өндирислик кәрханалары «Шортан газ-химия комплекси», «Бухара нефтти қайта ислеў заводы», Мубарек газди қайта ислеў заводы, «Үстюртгаз» УШК, «Uz-Kor Gas Chemical» қоспа кәрханалары менен дүзилген шәртнамалар тийкарында ҳәр жылы оқыў режесине тийкарланып өндирислик әмелиятларында болып, жетик инженер-технологлардан нефть ҳәм газди қайта ислеў технологиясының сырларын үйренип келмекте.

Кафедрада Ɵзбекистан Республикасы Илимлер Академиясы Улыўма ҳәм органикалық емес химия институты, Ɵзбекистан Республикасы Илимлер Академиясы Қарақалпақстан бөлими, Қарақалпақстан тәбийий илимлер, илим изертлеў институты менен биргеликте илим изертлеў ҳәм кадрлар таярлаў бойынша жумыслар алып барылып атыр.

Сондай-ақ, кафедра Қоңырат нефть ҳәм газ санаат кәсип өнер колледжи менен бирге ислесиў шәртнамаларын дүзилген.

 

Кафедрада ислеп атырған илимий дәрежели профессор-оқытыўшылар

Наубеев Темирбек Хасетуллаевич, химия илимлериниң кандидаты, доцент. 1977-жылы 5-апрельде Кегейли районында туўылған. 2001-жылы Қарақалпақ мәмлекетлик университетин тамамлаған. 2011-жылы «Astragalus chivensis Bunge ва Astragalus flexus Fish. ўсимликларининг циклоартан гликозидлари» тема-сында 02.00.10 – Биоорганикалық химия, тәбийий ҳәм физиологиялық актив затлар химиясы қәнигелиги бойынша ӨзР ИА Биоорганикалық химия институты жанындағы Қәнигелестирилген Кеңесинде кандидатлык диссертациясын жақлады. 50 ден аслам илимий мийнетлери баспада жәрияланған. Соның ишинде 3 оқыў-методикалық қолланбасы баспадан шыққан. 2015-жылдан баслап Нефть ҳәм газ технологиясы кафедрасы баслығы лаўазымында ислеп келмекте.

Сондай-ақ, кафедрада үлкен оқытыўшы А.Мамбетшарипова, ассистентлер И.Сапашев, А.Ешмуратов, Е.Санетуллаев стажёр оқытыўшылар Б.Артықбаева, Ж.Бабажанов, С.Свайкосов ҳәм К.Калекеевлар жумыс ислеп атыр.