ГЕОГРАФИЯ ҲӘМ ГИДРОМЕТЕОРОЛОГИЯ КАФЕДРАСЫ

 

География ҳәм гидрометеорология кафедрасы университеттеги дәслепки шөлкемлестирилген кафедралардан болып, ол ең дәслеп 1948-жылы Қарақалпақ мәмлекетлик педагогикалық институтының қурамында Тәбияттаныў-география факультетинде География-химия кафедрасы болып дүзилген. Сол дәўирде оған химия илимлериниң докторы Ф.З.Фишер басшылық етти. 1954-1963 жыллар аралығында география кафедрасына доцент Н.А.Бем, 1963-1976 жыллары ҳәм 1985-1992 жыллар аралығында Өзбекстанға мийнети сиңген муғаллим, профессор Ж.Матмуратов, 1976-1981 жыллар аралығында доцент А.Б.Бекбулатов, 1981-1985 жыллары доцент Т.Х.Аллабергенов басшылық етти.

1992-1993 оқыў жылынан баслап география кафедрасы физикалық ҳәм экономикалық география кафедрасы болып бөлинди. Физикалық география кафедрасына 1992-1996 жыллары доцент Т.Х.Аллабергенов, ал 1996-жылдан доцент П.Р.Реймов басшылық етти.

Экономикалық география кафедрасына доцент Е.Умаров 1992-жылдан 1997-жылға дейин басшылық етти.

1997-1998 оқыў жылында физикалық ҳәм экономикалық география кафедралары география кафедрасы болып бириктирилип, кафедраға 1997-2009 жыллары доцент П.Р.Реймов, 2009-2015 жыллары доцент Г.А.Ходжаева, 2015-2019 жыллары доцент Н.Ж.Ембергенов басшылық етти, 2019-жылдан баслап доцент К.Ж.Алланазаров басшылық етип келмекте.

Ҳәзирги күнде кафедрада 2 тәлим бағдары: география ҳәм гидрометеорология бағдарларында қәнигелер таярланбақта. Кафедрада 16 штат болып, тийкарғы штатта 14 профессор-оқытыўшы: соннан 2 илим докторы, 4 илим кандидаты, 2 үлкен оқытыўшы ҳәм 6 ассистент-оқытыўшы ҳәм стажер оқытыўшылар жумыс ислемекте.

География кафедрасы профессор-оқытыўшылары оқыў, оқыў-методикалық, илим-изертлеў ҳәм тәлим-тәрбиялық жумысларға белсене қатнасып келмекте. Усы күнге шекем кафедра профессор-оқытыўшылары тәрепинен 80 нен аслам илимий монография, сабақлық ҳәм оқыў-методикалық қолланбалар баспадан шығарылған.Кафедра профессор-оқытыўшылары тәрепинен шет ел грантлары есабынан 530808-ТЕМПУС-1-2012-1-НИ-ТЕМПУС- JDСR «Gе-UZ: Геоинформатика: Создание возможности для устойчивого развития в Узбекистане» жойбары бойынша оқыў-семинар жумыслары алып барылмақта.

Сондай ақ, ERASMUS MUNDUS gSmart ҳәм Training of Individuals through Mobility from Uzbek Republic to EU жойбары бойынша кафедра профессор-оқытыўшылары ҳәм студентлери Австрия, Венгрия, Германия, Греция, Испания, Португалия, Словакия, Чехия, Швеция, Уллы Британия ҳәм басқа да бир қатар еллерде тәжирийбе алмасып, өз билимлерин жетилистирип қайтты.

География бакалавр тәлим бағдары студентлери арасында өткерилген республикалық пән олимпиадасында 2009-2010 оқыў жылы Хайруллаев Биродар екинши орынды, ал 2012-2013 оқыў жылы Кушаев Руслан биринши орынды, Гидрометеорология тәлим бағдары бойынша 2016-2017 оқыў жылында Абдуллаев Тазабек екинши орынды, 2017-2018 оқыў жылында Калабаев Салаўат үшинши орынды ийеледи. Студентлеримизден Турдыбекова Замира, Ахмедова Зулхумар ҳәм Калабаев Салауат Бердақ атындағы мәмлекетлик стипендия жеңимпазы болды. 2017-жылы Калабаев Салаўат Ташкент қаласында өткерилген «Глобал иқлим ўзгаришига мослашиш бўйича энг яхши ғоя – 2016-2017» таңлаўының «Энг яхши мақола» номинациясы бойынша үшинши орынды ийеледи, гидрометеорология бағдары 3 курс студенти Отабек Рахимбаев 2019-2020 жылы «Жыл студенти» танлаўының Республикалық басқышында «Ең жақсы блогер студенти» номинациясында 3-орынды алыўға мияссар болды, Навруз Эшбаев «Жыл студенти-2019» таңлаўының университет басқышында қатнасып, «Жылдың өз қәнигелиги бойынша ең билимли студенти» номинациясында 2-орынды ийеледи.

География хам гидрометеорология кафедрасында ислеп атырған илимий дәрежели профессор-оқытыўшылар

 

 

Алланазаров Кеунимжай Жанназарович, география илимлериниң кандидаты, доцент.

1967-жылы 1-сентябрьде Кегейли районында туўылған. 1993-жылы  Қарақалпақ мəмлекетлик университетин тамамлаған. 2002-жылы «Оценка природных условии и ресурсов неорошаемой части дельты Амударьи для развития отраслей сельского хозяйства» атлы темада кандидатлық диссертациясын жақлады. 70 тен аслам илимий мақала ҳəм тезислери, 2 сабақлық, 6 оқыў методикалық қолланбасы баспадан шыққан. 1993-1997-жыллары аспирантурада оқыған. 1998-2003 жыллары география кафедрасы ассистенти, доценти лаўазымында ислеген. 2003-2019 жылларда университеттиң Илимий бөлими баслығы, илимий ислер бойынша проректоры, МРО директоры лаўазымларында ислеген. 2019-жылдың октябрь айынан баслап география кафедрасында доцент лаўазымында ислеп атыр. 2019-жылдан баслап география кафедрасы баслығы лаўазымында ислемекте.

 

 

 

Баллиева Руза, география илимлериниң кандидаты, тарийх илимлериниң докторы, профессор.

1959-жылы 19-мартта Кегейли районында туўылған. 1982-жылы Ташкент мəмлекетлик университетиниң география факультетин тамамлаған. 1994-жылы «Традиционное природопользование в связи с выдохом из экологического кризиса в Приаралье» темасында кандидатлық, 2003-жылы «Традиционное природопользование и Каракалпакский этнос» темасында докторлық диссертациясын жақлады. 100 ден аслам илимий мийнетлери баспада жəрияланды. Соның ишинде 2 монография, 3 оқыўлық, 9 методикалық қолланба баспадан шықты. 1982-жылдан баслап География кафедрасында ислеп келмекте.

1998-жылдан доцент, 2018-жылдан профессор лаўазымында ислеп келмекте.

 

 

 

Турдымамбетов Изимбет Рахметович, география илимлериниң докторы, доцент.

1976-жылы 16-сентябрьде Хожели районында туўылған. 1998-жылы Қарақалпақ мəмлекетлик университетин тамамлаған. 2005-жылы «Медико-географический анализ дельты Амударьи и улучшения ее санитарно-гигиенической ситуации» темасында кандидатлық, 2016-жылы «Социально-экономические особенности улучшения нозогеографической ситуации РК» докторлық диссертациясын жақлады. 80 нен аслам илимий мақала ҳəм тезислери, 1 монография, 10 нан аслам методикалық қолланбасы баспадан шықты. 1998-жылдан география кафедрасында ислеп келмекте. 2018-жылдан баслап Қарақалпақ мəмлекетлик университети Илимий ислер ҳəм инновациялар бойынша проректоры.

 

 

 

Ходжаева Гуля Аширбаевна, география илимлериниң кандидаты, доцент.1968-жылы 8-мартта Тақыятас қаласында туўылған. 1990-жылы Нөкис мəмлекетлик университетин тамамлаған. 1998-жылы «Геодемографическая ситуация и регулирование развития населения Каракалпакстана» темасында кандидатлық диссертациясын жақлады. 100 ден аслам илимий мийнетлери баспада жəрияланған. Соның ишинде 1 монография, 2 оқыў қолланба, 4 оқыў-методикалық қолланбасы баспадан шыққан. 1990-жылдан баслап география кафедрасында ислеп келмекте.

 

 

 

Ембергенов Наурызбай Жанабаевич, география илимлериниң кандидаты, доцент.

1976-жылы 12-мартта Хожели районында туўылған. 2004-жылы Қарақалпақ мəмлекетлиу университетин тамамлаған. «Қорақалпоғистон Республикаси аҳолисининг ўсиши ва жойлашишидаги ўтемасында кандидатлық диссертациясын жақлады. 50 ден аслам илимий мийнетлери баспада жəрияланды. Соның ишинде 1 оқыў қолланба, 3 оқыў-методикалық қолланбасы баспадан шықты. 2008-жылы Египет мəмлекетиниң Каир демографиялық орайын тамамлады. Илимий искерлиги даўамында Австрия, Испания ҳəм Қазақстан еллеринде илимий семинар ҳəм конференцияларда қатнасты. Кафедрада 2004-жылдан баслап ислеп атыр. 2015-2019 жыллары кафедра баслығы. 2019-жылдан баслап Гоеграфия ҳәм тәбийий ресурслар факультети деканы лаўазымында ислемекте.

 

 

 

Султашова Оралхан Генжебаевна, география илимлериниң кандидаты, доцент.

1977-жылы 1-сентябрьде Қанлыкөл районында туўылған. 2001-жылы Қарақалпақ мəмлекетлик университетин тамамлаған. 2011-жылы «Тепловой режим почв Узбекистана» темасында кандидатлық диссертациясын жақлады. 60 тан аслам илимий мақала ҳəм тезислери, 1 монография, 1 оқыў қолланба ҳəм методикалық қолланбасы баспадан шықты, 2010-жылдан баслап география кафедрасында ислеп атыр. 2013-жылы «Илм юлдузлари» таңлаў жеңимпазы болды. Венгрия, Россия мəмлекетлеринде илимий сапарда болды.

 

 

Наурузбаева Гульбахар Тохтабаевна, география ҳəм гидрометеорология кафедрасы үлкен оқтыўшысы.

1967-жыл 31-январьда Нөкис қаласында туўылған. 1989-жылы Нөкис мəмлекетлик университетин тамамлаған. 1994-1997-жыллары Өзбекстан Илимлер Академиясының география бөлиминде аспирантурада оқыған. 40 тан аслам илимий мийнетлери баспада жəрияланған. Соның ишинде 2 оқыў қолланба, 1 оқыў көрсетпе баспадан шыққан. 1990-жылдан баслап  кафедрасында ислеп келмекте.

 

 

Турсынов Марат Жолдасбаевич, география ҳəм гидрометеорология кафедрасы үлкен оқытыўшысы.

1967-жылы 27-июльда Кегейли районында туўылған. 1993-жылы Қарақалпақ мəмлекетлик университетин тамамлаған. 2003-жыллары аспирантурада (сыртқы бөлим) оқыған. 60 тан аслам мақала ҳəм тезислери, 8 оқыў методикалық қолланба ҳəм көрсетпелери баспадан шықты. 1994-жылдан баслап кафедрада ислеп келмекте.

 

 

Далжанов Қазақбай Онгарбаевич,  география ҳəм гидрометеорология кафедрасы ассистент оқытыўшысы.

1979-жылы 12-февральда Шымбай районында туўылған. 2004-жылы Қарақалпақ мəмлекетлик университетин тамамлаған. 2007-2009-жыллары аспирантурада  оқыған. 30 тан аслам мақала ҳəм тезислери, 1 оқыў қолланба, 1 методикалық қолланба баспадан шықты. 2004-жылдан баслап кафедрада ислеп келмекте.

 

 

Төлепбергенов Мадияр Жолдасбаевич, география ҳəм гидрометеорология кафедрасы ассистент оқытыўшысы.

1977-жылы 17-майда Кегейли районында туўылған. 1999-жылы Қарақалпақ мəмлекетлик университетин тамамлаған. 2006-2008-жыллары аспирантурада  оқыған. 25 тен аслам мақала ҳəм тезислери, 1 қолланба баспадан шықты. 2001-жылдан баслап кафедрада ислеп келмекте.

 

 

Каримбаев Қойлыбай Қонысбаевич, география ҳəм гидрометеорология кафедрасы стажёр-оқытыўшысы.

1989-жыл Қараөзек районында туўылған. 2011-жылы Қарақалпақ мәмлекетлик университети «География» бакалавр бағдарына оқыўға кирип, 2015-жылы тамамлаған. 2015-жылы Қарақалпақ мәмлекетлик университети География (улыўма география) қəнигелиги магистратураға оқыўға кирип, 2017-жылы тамамлады. 10 нан аслам мақала ҳəм тезислери баспадан шықты. Университетте 2017-жылдан баслап ислеп атыр.

 

 

Уразимбетова Юлдузхан Ҳайдаровна, география ҳəм гидрометеорология кафедрасы стажёр-оқытыўшысы.

1981-жылы 27-августта Хожели районында туўылған. 2015-жылы Қарақалпақ мəмлекетлик университетин тамамлаған. 2018-жылдан Қарақалпақ мəмлекетлик университети география кафедрасында стажёр-оқытыўшы лаўазымында ислеп келмекте.  10 нан артық илимий мақалалары баспадан шықты. Ҳəзирде география ҳəм тəбийий ресурслар факультети, география ҳəм гидрометеорология кафедрасында ислеп келмекте.

 

 

 

Даулетбаева Дилбар Дастановна, География ҳəм гидрометеорология кафедрасының стажёр-оқытыўшысы.

1990-жыл 28-мартта Ташкент қаласында туўылған. 2014-жылы Қарақалпақ мəмлекетлик университетинниң бакалавр бағдарын, 2016-жылы магистратура бағдарын тамамлаған.  “Қарақалпақстан Республикасының мийнет ресурслары ҳəм бəнтлилик” темасында магистрлық диссертациясын жақлаған. Бирнеше илимий мақалалары баспадан шыққан. 2019-жылдан баслап География ҳəм гидрометеорология кафедрасының стажёр-оқытыўшысы болып ислеп атыр.

 

 

 

Таиров Бехзод Сабитович, География ҳəм тəбийий ресурслар факультети жаслар менен ислесиў бойынша декан орынбасары.

1989-жыл 24-март куни Қоңырат қаласында туўылған. 2011-жылы Өзбекстан миллий университетинниң бакалавр бағдарын, 2013-жылы Өзбекстан миллий университетинниң магистратура қəнигелигин тамамлаған.   2015-жыл сентябрь айынан 2019-жыл август айына шекем География ҳəм гидрометеорология кафедрасының стажёр-оқытыўшысы, 2019-жыл сентябрь айынан баслап факультет жаслар менен ислесиў бойынша декан орынбасары лаўазымында ислеп атыр.

 

 

 

Пайдалы дереклер

Skip to content