slot demo gratisslot gacor gampang menangSLOT DEMOslot pulsahttps://uptdlkk.kaltimprov.go.id/img/product/https://e-learning.iainponorogo.ac.id/thai/https://organisasi.palembang.go.id/userfiles/images/https://ditkapel.dephub.go.id/petikemas/tests/https://pmb.universitaspertamina.ac.id/popup/hari-ini/https://jdih.komnasham.go.id/img/banner/https://file.disdikbud.kaltimprov.go.id:8443/user/https://lms.binawan.ac.id/terbaik/slot gacor terbaikslot gacor maxwinslot gacor maxwinslot gacor hari inislot gacor terbaikslot gacor maxwinslot gacor 2024
Imaratlar hám soorujeniyeler qurılısı kafedrası | Karakalpak state university

Imaratlar hám soorujeniyeler qurılısı kafedrası

Ózbekistan Respublikası Ministrler Kabinetiniń 1998-jıl 24-fevraldaǵı 77-sanlı «Akademiyalıq liceyler hám kásip-óner kolledjlerin shólkemlestiriw hám olardıń jumısın basqarıw haqqındaǵı» qararına tiykarlanıp Respublikamız aymaǵındaǵı kásip-óner kolledjlerin joqarı maǵlıwmatqa iye injener-pedagoglar menen támiyinlew maqsetinde 2000-2001 oqıw jılınan baslap injenerlik qurılıs fakultetiniń quramında jańa «Kásiplik tálim» kafedrası shólkemlestirildi.

2009-jılı universitette Texnika fakultetiniń ashılıwına baylanıslı «Kásiplik tálim» kafedrası usı fakultettiń quramına ótkerilip, «Qurılıs» kafedrası atamasında qayta shólkemlestirildi. Kafedrada Imaratlar hám inshaatlar qurılısı, Kásiplik tálim (Imaratlar hám inshaatlar qurılısı) bakalavr baǵdarları boyınsha qánigeler tayarlandı. 2013-2014 oqıw jılınan baslap Qurılıs materialları, buyımları hám konstrukciyaların islep shıǵarıw bakalavr baǵdarı boyınsha studentlerdi oqıwǵa qabıl etiw baslandı.

2014-jıl 2-sentyabrden baslap «Qurılıs» kafedrası «Imaratlar hám soorujeniyeler qurılısı» kafedrası bolıp qayta shólkemlestirildi.

Házirgi kúnde kafedrada 5340200-Imaratlar hám inshaatlar qurılısı, 5340500-Qurılıs materialları, buyımları hám konstrukciyaların islep shıǵarıw bakalavr baǵdarları boyınsha studentler bilim almaqta. «Imaratlar hám soorujeniyeler qurılısı» kafedrası professor-oqıtıwshılarınıń quramı: kafedra baslıǵı t.i.k. G.Utegenova, docentler hám ilim kandidatları t.i.k., docent Q.Dauletov, t.i.k., docent N.Saparniyazov, p.i.f.d. (PhD) A.Allambergenov, úlken oqıtıwshılar J.Najimov, R.Paxratdinova, U.Mamutov, M.Eshmuratov, assistentler J.Kamalov, N.Sayımbetova, Sh.Tajibaev, M.Kamalov, A.Paxratdinov, K.Bektursınova hám A.Nawrızbaev, stajyor-oqıtıwshılar G.Serjanova, A.Aytbaeva, Yu.Utemuratova, A.Dawletbaeva, O.Aytjanov, B.Jumabaev, R.Dospanov, O.Janabaev, S.Kaypov, M.Toreniyazov, M.Tanbaev ham B.Kalbaevlardan ibarat. Bunnan tısqarı kafedrada Urgench mámleketlik universiteti docentleri B.Raxmanov hám B.Sobirov, Tashkent arxitektura-qurılıs institutı professorları X.Akramov,  X.Komilov, ÓzR IA Ulıwma hám organikalıq emes ximiya institutınıń silikatlar ximiyası laboratoriyası baslıǵı professor Z. Qodirova, ÓzR IA QQ bólimi geologiya laboratoriyası baslıǵı t.i.d. I.Aimbetov, «Gʻárezsiz aymaqlıq sertifikasiya orayı» kollektiv kárxanası direktorı K.Torambetov, «KKgorselproyekt» JShJ baslıǵı A.Aytbaev, «KKpuxarajoybar» JShJ baslıǵı T.Naǵashbaevlar qosa islew tiykarında studentlerge bilim hám tálim-tárbiya beriwde birge islesip atır.

Kafedrada tayarlanıp atırǵan bakalavr baǵdarları studentleriniń tanısıw, oqıw-texnologiyalıq, óndirislik hám pitkeriw aldı praktikaları Qaraqalpaqstan Respublikası qurılıs ministrligine qaraslı qurılıs shólkemleri, joybarlaw institutları hám óndirislik kárxanalarında ótkerilip kelinbekte.

Kafedra professor-oqıtıwshıları tárepinen 5 ataqlı stipendiantlar tayarlandı, olardan úshewi Beruniy atındaǵı mámleketlik stipendiantı, ekewi Berdaq atındaǵı Qaraqalpaq mámleketlik universiteti studentleri ushın beriletuǵın Berdaq atındaǵı stipendiya jeńimpazları esaplanadı. Kafedranıń professor-oqıtıwshıları tárepinen keyingi úsh jıl dawamında sırt yel, respublika jurnalları, xalıq aralıq hám respublika kólemindegi konferenciyalarda 130 dan artıq maqala hám tezisler járiyalanıp, 30 dan aslam oqıw-metodikalıq qollanbalar jaratıwǵa erisildi. Kafedra professor-oqıtıwshıları tárepinen 2017-2021 jılları 1 oqıwlıq hám 12 oqıw qollanba  tayarlanıp, olardıń avtorlarına Ózbekistan Respublikası Joqarı hám orta arnawlı bilimlendiriw ministrliginiń guwalıǵı berildi ham baspadan shıǵarıldı. Házirgi waqıtta kafedra Astraxan mámleketlik arxitektura-qurılıs universiteti, Moskva mámleketlik milliy izertlew qurılıs universiteti, Tashkent arxitektura-qurılıs institutı, Samarqand arxitektura-qurılıs institutı, Urgench mámleketlik universiteti hám taǵı da basqa joqarı oqıw orınları menen tıǵız baylanısta jumıs alıp barmaqta.

Kafedrada 2019-2020 oqıw jılınan baslap Moskva mámleketlik milliy izertlew qurılıs universiteti menen birgelikte shártnama tiykarında bakalavriattıń «Qurılıs materialları, buyımları hám konstrukciyaların islep shıǵarıw» tálim baǵdarına, magistraturanıń «Qurılıs materialları, buyımları hám konstrukciyaların islep shıǵarıw» qánigeliginen qospa tálim dástúri boyınsha studentler hám magistrler oqıwǵa qabıllanıp bilim almaqta.

Kafedrada islep atırǵan ilimiy dárejeli professor-oqıtıwshılar

 

Eshniyazov Rustam Nawrızbaevich, ekonomika ilimleri kandidatı, docent. 2021-jıl iyun ayınan berli «Imaratlar hám soorujeniyeler qurılısı» kafedrası baslıǵı lawazımında islep kelmekte. «Bazar ekonomikasına ótiw dáwirinde Qaraqalpaqstan Respublikası qurılıs kompleksi xızmeti» atamasındaǵı kandidatlıq dissertaciyasın 1998-jılı 11-mart kúni O’zbekstan Respublikası ilimler akademiyası ekonomika institutında jaqladı. 2008-jılı kóp jıllıq pedagogikalıq xızmetlerin esapqa alǵan halda oǵan O’zbekstan Respublikası joqarı attestaciya komissiyası tárepinen docent ilimiy ataǵı berildi. Eshniyazov Rustam Nawrızbaevich alpıstan aslam ilimiy maqala hám tezisler, bes oqıw qollanba, sonıń ishinde bir oqıw qollanbanı shet elde baspadan shıǵardı. Bir neshe márte shet ellerde ashıq sabaqlar hám master-klasslar ótkergen, eki márte shet el joqarı oqıw orınlarında almasıw programmaları boyınsha talabalarǵa sabaqlar ótip kelgen. Kafedrada eki oqıw laboratoriyalar dúziwde belsendilik kórsetti. Bir neshe ilimiy hám bilimlendiriw joybarlarında qatnasqan. Bilimlendiriw tarawındaǵı eki xalıqaralıq joybardı basqarǵan.

Uzakov Torebek Djumabayevich, texnika ilimleriniń kandidatı. 1970-jılı Shımbay rayonında tuwılǵan. 1993-jılı Namangan sanaat-texnologiya institutın tamamlaǵan. Qánigeligi sanaat hám puqara qurılısı boyınsha injener-pedagog. 2010-jılı «Transport nanosov v delte r.Amudari v usloviyax zaregulirovannogo stoka vodı» temasında kandidatlıq dissertaciyasın jaqladı. 40 dan aslam ilmiy-metodikalıq miynetleri járiyalandı. Sonıń ishinde 1 oqıwlıq, 1 oqıw qollanba, 10 oqıw-metodikalıq qollanbalar, 32 ilimiy maqala hám tezisler avtorı.

Utegenova Gulzar Auyesbayevna, texnika ilimleriniń kandidatı. 1964-jılı Nókis qalasında tuwılǵan. 1988-jılı N.E.Bauman atındaǵı Moskva joqarı texnika uchilishesin tamamlaǵan. Qánigeligi injener-mexanik. 2008-jılı «Obosnovaniye parametrov rotacionnogo semyazadelıvayushego rabochego organa risovoy seyalki (dlya usloviy Respubliki Karakalpakstan)» temasında kandidatlıq dissertaciyasın jaqladı. 70 ten aslam ilimiy-metodikalıq miynetleri baspada járiyalanǵan. Sonıń ishinde 1 Ózbekistan Respublikası patenti, 1 oqıw qollanba, 5 oqıw-metodikalıq qollanbası, 30 ilimiy maqala hám 36 tezisler avtorı.

 

Saparniyazov Nókisbay Nurniyazovich, texnika ilimleriniń kandidatı, docent. 1956-jılı Nókis qalasında tuwılǵan. 1978-jılı Voronej toǵay texnika institutın tamamlaǵan. Qánigeligi toǵay hám aǵashqa islew beriw sanaat mashinaları hám mexanizmleri injeneri. 1997-jılı «Povısheniye dolgovechnosti gilz silindrov otremontirovannıx dvigateley putem primeneniya elektroiskrovogo legirovaniya i poverxnostnogo plasticheskogo deformirovaniya» temasında kandidatlıq dissertaciyasın jaqladı. 20 dan aslam ilmiy-metodikalıq miynetleri baspada járiyalandı. Sonıń ishinde 5 oqıw-metodikalıq qollanbası, 15 ilimiy maqala hám 8 tezis avtorı. 2014-jıldan baslap kafedra docenti.

Allambergenov Axmet Janabergenovich pedagogika ilimleri boyınsha filosofiya doktori (PhD), úlken oqıtıwshı. 1981-jılı Kegeyli rayonında tuwılǵan. 2006-jılı Qaraqalpaq mámleketlik universitetiniń magistratura bólimin, 2010-jılı Tashkent mámleketlik pedagogika universitetiniń aspiranturasın tamamlaǵan. Qánigeligi qurılıs tarawı boyınsha pedagog. 2020-jılı «Umumiy orta tálim maktabi oquvchilarida kasbiy-texnologik kompetentlikni rivojlantirish» temasında filosofiya doktori (PhD) dissertasiyasın jaqladı. 29 dan aslam ilmiy-metodikalıq miynetleri baspada járiyalanǵan. Sonıń ishinde 1 oqıw qollanba 3 oqıw-metodikalıq qollanbası, 10 ilimiy maqala hám 15 tezisler avtorı. 2019-jıldan baslap Qaraqalpaq mámleketlik universitetinde úlken oqıtıwshı lawazımında islep kelmekte.

Sonday-aq, kafedrada úlken oqıtıwshılar J.Najimov, R.Paxratdinova, U.Mamutov, M.Eshmuratov, assistentler J.Kamalov, N.Sayımbetova, Sh.Tajibaev, M.Kamalov, A.Paxratdinov, K.Bektursınova hám A.Nawrızbaev, stajer-oqıtıwshılar G.Serjanova, A.Aytbaeva, Yu.Utemuratova, A.Dawletbaeva, O.Aytjanov, B.Jumabaev, R.Dospanov, O.Janabaev, S.Kaypov, M.Toreniyazov, M.Tanbaev ham B.Kalbaevlar jumıs islep atır.

Пайдалы дереклер