Usi jildin’ 15-mart ku’ni QMU Shet tilleri fakulteti Awdarma teoriyasi ha’m a’meliyati qa’nigeliginin’ bir topar professor-oqitiwshilari ha’m student-jaslari Shomanay rayoninda jaylasqan №20, 22, ha’m 26-sanli uliwma bilim beriw mekteplerinin’ oqiwshi-jaslari menen ushirasiw o’tkerdi.
Bundag’i tiykarg’i maqset – uliwma bilim beriw mekteplerinde sotsial-ruwxiy ortaliqti ja’ne de salamatlastiriwdi bekkemlew bolip tabiladi.
Bolip o’tken ushirasiw dawaminda ha’rbir mektep oqiwshisi o’zlerin qiziqtirg’an sorawlari boyinsha kelgen miymanlardan tiyisli juwaplarin aldi. Bunnan keyin, student jaslar o’zleri tayarlap kelgen konsert bag’darlamasin oqiwshilar na’zerine usindi.
A’lbette, bul siyaqli ilajlar o’sip kiyatirg’an jas a’wlad keleshegine o’z paydasin tiygizedi degen u’mittemiz.
Baspaso’z xizmeti.