Мен оқыдым – сизде оқың

Университет мәлимлеме-ресурс орайында «Китапқумарлар» клубы жетекшиси Р.Калмурзаеваның басламасы менен көркем әдебиятларды үгит-насиятлаў бойынша бир қатар илажлар алып барылмақта. Солардың бири жақында мәлимлеме-ресурс орайы тәбийғый пәнлер оқыў залында болып өткен «Мен оқыдым – сизде оқың» атлы үгит-нәсиятлаў илажы. Бул илажға Техника факультетиниң 2-курс студентлери қатнасып, қарақалпақ халық жазыўшы-шайырларының шығармалары үйренилди. Т.Қайыпбергеновтың повестьлери ҳәм «Маманбий әпсанасы», К.Султановтың «Әжинияз» ҳәм де «Ақдәрья» романы соның менен бирге А.Пушкинниң «Евгений Онегин», А.Қодирийдиң «Ӯткан кунлар» романлары студент-жасларға айтып берилди. Үгит-насият илажы жудә қызықлы ҳәм мазмунлы болып өтти. Студент-жаслар «Ақдәрья», Маманбий әпсанасы»н оқып шығыўды мақсет етип қойды.

– Мәлимлеме-ресурс орайында бундай үгит-нәсиятлаўларды өткериўдеги мақсетимиз- келешегимиз болған жаслардың бос ўақытларын бийкар өткермей көркем әдебий китаплар оқыса, өзлигимизди аңласа, Ўатанға деген меҳир руўхындатәрбия алса,-дейди  «Китапқумарлар» клубы жетекшиси Р.Калмурзаева.

Г.Нарымбетова,

Мәлимлеме-ресурс орайының хызметкери.

Пайдалы дереклер

Skip to content