Бүгинги глобалласыў процесинде жоқары мағлыўматлы заманагөй педагог кадрларды таярлаў елимиздиң жәмийетлик-сиясий ҳәм социаллық турмысын раўажландырыўдың тийкары болып есапланады.

2018-жылдың 18-20-октябрь күнлери Ташкент қаласында «Өзбекстан-Россия билимлендириў форумы» шөлкемлестирилип, бул форум шеңберинде усы жылдың 8-9-апрель күнлери Росссия Федерациясының Астрахан қаласында Россия ҳәм Өзбекстан жоқары оқыў орынлары ректорларының регионаллық конференциясы болып өтти.

Бул илаж шеңберинде Бердақ атындағы Қаракалпақ мәмлекетлик университетиниң ректоры А.Реймов басшылығындағы ҚМУ делегациясы Астрахан қаласында Россия Федерациясының Б.Б.Городовиков атындағы Қалмық мәмлекетлик университети ректоры менен ушырасты.

Ушырасыў даўамында еки университет ректорлары университетлер арасындағы бирге ислесиўдиң келешектеги ис-режелери ҳаққында сәўбетлесип, биргеликте илимий жумысларды алып барыў бойынша өз ара мемарандум шәртнамасын имзалады.

Баспасөз хызмети.