Өткен күни университетимиздиң мәденият сарайында университетимиздиң студент-қызлары арасында «Мәдениятлы кийиниў- әдеплилик белгиси» атамасындағы миллий ҳәм заманагөй кийимлер көргизбели-таңлаўы болып өтти.
Таңлаўды өткериўден гөзленген мақсет – студент-қызлардың оқыўда ҳәм жәмийетлик жумысларда белсендилигин арттырыў, оларға оқыў орынларында, жәмийетлик орынларда кийетуғын кийимлердиң үлгилерин үйретиў ҳәм миллий үрп-әдет дәстүрлеримизге садықлық руўхында тәрбиялаў болып табылады.
Өткерилген таңлаў даўамында қатнасыўшылар өзлериниң уқыплылығы ҳәм талапшаңлығын сыннан өткерип, 3 шәрт даўамында өз ара беллести ҳәм таярлап келген көргизбелерин жыйналғанларға усынды.
Көргизбе-таңлаў жуўмағында ҳәр қыйлы номинациялар бойынша жеңимпазлар анықланып, «Ҳүрмет жарлық» ҳәм баҳалы саўғалар менен сыйлықланды.
Ж.Искендеров,
Журналистика қәнигелигиниң студенти.