Япония халықаралық бирге ислесиў агентлиги ўәкиллери ҚМУда

Жақында Япония халықаралық бирге ислесиў агентлигиниң (JICA) Өзбекстандағы ўәкиллери, агентликтиң Волонтёрлар бойынша координаторы Мизуно Шигехиро, агентликтиң қәнигеси О.Хасановлар университетимизде болды.

Дәслеп мийманлар ҚМУ ректоры А.Реймов қабыллаўында болып, Волонтёрлар хызмети ҳәм алдағы ўақытлары биргеликте ислесиў бойынша өз-ара пикирлести.

Атап өтиў орынлы, университетимиздиң бир қанша қәнигеликлери студентлери арасында япон тилин үйрениўге ҳәм өндиристе жумыс алып барыўдағы күншығыс мәмлекет үлгилери менен танысыўға болған қызығыўшылық жоқары. Бул бағдарда университетимиз тәрепинен Япония мәмлекетиниң жуўапкер мекемелери менен өз-ара келисимлер бойынша сөйлесиўлер алып барылмақта.

Буннан соң мийманлар социал-экономика факультетинде болып, факульет деканы Т.Жиемуратов пенен ушырасты. Ушырасыў даўамында тараўда бирге ислесиўди беккемлеў бойынша пикирлесиўлер болып өтти.

Баспасөз хызмети.