Бердақ атындағы Қарақалпақ мәмлекетлик университети студентлери арасында усы жылы «КИТАПҚУМАР СТУДЕНТ» ТАҢЛАЎЫН жәриялаған еди. Таңлаў онлайн тәризде өткерилип, қатнасыўшылар 3 шәрт яғный, «Ең билимли китапқумар», «Аннотация шеберлиги», «Китапқумарлық ҳәм китап оқыў мәдениятын кең үгит-нәсиятлаў» шәртлери бойынша өз қәбилетин, китапқа болған сүйиспеншилигин көрсетип берди.  

Таңлаў Режеси тийкарында баҳалап барыў ушын университет профессор-оқытыўшыларынан Төрешилер қурамы дүзилди ҳәм таңлаў жеңимпазларын үш тәртипте баҳалады, бириншиси – Қарақалпақ филологиясы ҳәм Өзбек филологиясы студентлери арасында өз алдына, екиншиси – Шет тиллери ҳәм Тарийх факультети студентлери арасында өз алдына, үшиншиси – қалған 11 факультет студентлери арасында өз алдына таңлаў өткерилип жеңимпазлар төмендегише жеңимпазлар анықланды:

Қарақалпақ филологиясы ҳәм Өзбек филологиясы студентлери арасында анықланған жеңимпазлар:

1-орын, Қарақалпақ филологиясы ҳәм журналистика факультети 3-курс студенти Жолдасбаева Бийбихатийша 86,7 балл менен,

2-орын, Қарақалпақ филологиясы ҳәм журналистика факультети 1-курс студенти Искендерова Дильфуза 78,7 балл менен,

3-орын, Қарақалпақ филологиясы ҳәм журналистика факультети 2-курс студенти Жалғасова Гүмсай 67,2 балл менен,

Шет тиллери ҳәм Тарийх факультети студентлери арасында анықланган жеңимпазлар:

1-орын, Шет тиллери факультети 1-курс студенти Далжанова гүлназ 81,3 балл менен,

2-орын, Шет тиллери факультети 2-курс студенти Жийенбаева Айнура 77,2 балл менен,

3-орын, Шет тиллери факультети 2-курс студенти Жарылқағанов Жанибек 69,7 балл менен,

Қалған 11 факультет студентлери арасында анықланған жеңимпазлар:

1-орын, Биология факультети 4-курс студенти Юлдашева Зарафшан 85,3 балл менен,

2-орын, Санаат технология факультети 1-курс студенти Гайыпбаева Динара 84,9 балл менен,

3-орын, Экономика факультети 1-курс студенти Аминова Мунира 76,2 балл менен таңлаў жеңимпазлары деп табылды.

Биз жоқарыда женимпаз болған китапқумар студентлерге китапқа болған ықласыңыз еле де жоқарылай бериўин тилеймиз. Сондай-ақ, таңлаў жеңимпазларына университет ректоры атынан диплом менен сыйлықлаймыз. Соның менен бирге танлаўда жеңимпаз болмаған бирақ, белсене  қатнасқаны ушын Архитектура факультети студенти Жуманазарова Райхан, Биология факультети студентлери Маратова Гулдана, Худайбергенова Махсуда, Математика факультети студенти Пиржанова Айжамал, шет тиллери факультети студенти Уразбаев Имаматдин, Физика факультети студенти Тилавханова Линда, География ҳәм тәбийий ресурлар факультети студент Алланазарова Камила, Санаат технология факультети студенти Пиржанова Санемханларға өз миннетдаршылығымызды билдирип, оларға алдағы ўақытлары китапқа болған сүйиспеншилиги еле де жоқарылап буннан да көбирек китаплар оқып барыўын тилеп ҳәм университет ректоры атынан Ҳурмет жарлығы менен сыйлықлаймыз.

Университет басқышында 86,7 балл менен жеңимпаз болған Қарақалпақ филологиясы ҳәм журналистика факультети 3-курс студенти Жолдасбаева Бийбихатийша таңлаўдың кейинги басқышына жоллама алды.