slot demo gratisslot gacor gampang menangSLOT DEMOslot pulsahttps://uptdlkk.kaltimprov.go.id/img/product/https://e-learning.iainponorogo.ac.id/thai/https://organisasi.palembang.go.id/userfiles/images/https://ditkapel.dephub.go.id/petikemas/tests/https://pmb.universitaspertamina.ac.id/popup/hari-ini/https://jdih.komnasham.go.id/img/banner/https://file.disdikbud.kaltimprov.go.id:8443/user/https://lms.binawan.ac.id/terbaik/slot gacor terbaikslot gacor maxwinslot gacor maxwinslot gacor hari inislot gacor terbaikslot gacor maxwinslot gacor 2024
Pidáyı insanlar | | Karakalpak state university

Pidáyı insanlar

Búgin demalıs kúni. Keshe ustazım bizlerge shıǵarma jazıwdı tapsırma etken edi. Biraq ne haqqında jazıwdı bilmey, kúni boyı oylanıp júrdim. Ele oyımda alǵaw-dalǵaw pikirler aylanıp júr. Bir waqıtta anamnıń dawısı esitildi.

  • Balam qasıma kel.
  • Haw, anajan.
  • Genjetayım, seni bunshelli oylandırıp júrgen ne nárse?
  • Anajan, ustazım bizlerge shıǵarma jazıwdı tapsırǵan edi. Biraq, ne haqqında jazıwdı bilmey atırman.
  • Balajanım, seniń jaǵdayıńdı túsindim. Saǵan máslahatım házirgi waqıtta dúnya júzine, elimizge qáwip salıp turģan kesellik koronavirus hám oǵan qarsı tınımsız gúresip, kesselliktiń emin tabıwǵa umtılıp, óziniń shiyrin janların qáwipke qoyǵan pidáyı shıpakerler haqqında jazǵanıń maqul.
  • Ana, siz haqıyqattan da meniń ilhám perimsiz. Álbette, jazaman, anajan.

Soń jazıw stolına otırıp, qolıma ruchka alıp, aq qaǵazǵa tómendegilerdi qaralay basladım.

          Tań atıw aldında. Búgin kózime uyqı kelmedi. Kózlerim ashıq. Eger kózimdi jumsam, sol qorqınıshlı tústi jáne kóretuǵınday bola beremen. Biraz oyǵa shúmip jattım. Biraq, uyqılay almadım. Soń ornımnan turıp, sırtqa shıqtım. Quyash endi ǵana shıǵıstan bas kóterip kiyatırǵan eken. Awılımız kúndegiden tım-tırıs. Kóshede birde-bir balanıń oynap júrgen shawqımı esitilmeydi. Búgin kúnde azan menen sóylesip otıratuǵın qońsılarımızdıń qarası da kórinbeydi. Bul jaǵday meni hayran qaldırdı. Dárhal úyge kirip, anamnan ne bolǵanın soradım. Anam: “dúnya júzinde awır juqpalı kesellik tarqalıptı”, – dedi. Bunı esitip jaǵamdı usladım. Men kórgen qorqınıshlı tús ońımda da júz bermekte. Qudayım biz bendelerińdi óziń asraǵaysań dedim ishimnen anama bildirmey. Bul kesellik qısqa waqıt ishinde kóplegen mámleketlerge tarqalıp, insanlar ómirine qáwip salmaqta. Kesellikti keltirip shıǵarıwshı virus “koronavirus” dep atalıp, onıń payda bolıw oshaǵı Qıtay mámleketi. Basta bul kesellikke onsha itibar berilmedi. Az ǵana waqıt ishinde dúnya júzine en jayıp ketken soń, virustıń tarqalıwına qarsı qatań sharalar kórilmekte. Qorqınıshlı jeri sonda virus ana watanımız Ózbekstandı da shetlep ótpedi. Kesellik elimizge kirip kelgennen soń elimizde karantin halatı járiyalandı. Bul jaǵday ele dawam etpekte. Xalqımızda koronavirus keselligi menen kesellengenler sanı kún sayın artıp barmaqta. Lekin, sonı da aytıw lazım virustan pútkilley táwir bolǵan insanlar da kún sayın ósip, kópshilikti quramaqta. Kesellikti jeńiwde jankúyer shıpaker hám miyirbiykelerdiń xızmeti ullı. Olar neshe aylap úylerine qaytpay, bala-shaǵasın, shańaraq aǵzaların kórmey, nawqaslardıń ómirin óz janlarınan ústin qoyıp, kúndi-kún, túndi-tún demesten xızmet etpekte. Elimizdi bul kesellikten qutqarıw ushın, virustıń emin tabıw ushın óz shiyrin janların qáwip astına qoymaqta. Usınday eli ushın janın pidá etken insanlarǵa alǵısımız kóp, húrmetimiz sheksizdur. Olar aldında qolımdı kóksime qoyıp, tázim etemen. Men xalqımızdıń sonday awızbirshilikli ekenine jáne bir márte gúwası boldım desem qátelespegen bolaman.Házirgi usınday awır jaǵdayda xalqımız et penen tırnaqtı ajıratıp bolmas dárejede tatıwlıqta jasap atır. Men bunı qońsılardıń tuwısqanday, joralardıń aǵa-inidey bolģan qatnaslarında, ananıń óz perzentine bolǵan mehrin, shıpakerlerdiń nawqaslarǵa bolǵan itibarında kórdim. Usınday xalqı mehir-múriwbetli, jánnetmákan eldi qalay súymeseń? Qaraqalpaq ádebiyatınıń qos baytereginiń biri, qaraqalpaq prozasınıń tiykarın salıwshı Tólepbergen Qayıpbergenov: «Qaraqalpaqstandı sheksiz súyiwińizdiń sebebi ne?- degen sorawģa tómendegishe juwap bergen edi: Ol birew ǵoy! » Men ushın da Ózbekstanım jalǵız, birew. Óz elin súymeytin insan, anasın húrmetlemeytin, aq sútin aqlamaǵan insan demekdur. Men watanımdı hárqanday jaǵdayda da jaqsı kóremen. Elim menen hárdayım maqtanaman. Watanımız basına túsken bul awır kúnler ele umıt bolıp ketedi. Awırıwdı bergen Allataala emin de ózi beredi. Tek ǵana, bizler, úmitimizdi úzbewimiz hám kesellik bizdi jeńiwine jol qoymawımız kerek.

          Usı waqıtta barlıq oqıwshılar, hátteki ustazım da qol shappatladı. Usınday perzentti kámalǵa keltirgen ata-anasına raxmet! Bul gáplerdi esitip, júdá quwandım, quwanıshım qoynıma sıymadı. Oqıwdan shıǵıp, úyge jetkenshe asıqtım. Esikti ashtım da baqırdım.

  • Anajan, anajanım!
  • Haw, aynanayın balam, amanlıqpa? Saǵan ne boldı?
  • Ana, jazǵan shıǵarmam ustazıma, barlıq oqıwshılarǵa unadı. Ustazım meni maqtadı. Sizge kóp kóp alǵıslar ayttı.
  • Bárekella balam! Sen quwansań –men de quwanaman.
  • Anajan!
  • Haw, Genjetayım.
  • Ustazım maǵan húrmet jarlıq berdi. Bunı sizge bermekshimen. Buǵan siziń miynetińiz arqasında eristim.
  • Ulım, seniń jeńisiń-meniń jeńisim. Ana ushın balasınıń quwanıshınan artıq baxıt joq.Balajanım, men dúnyadaǵı eń baxıtlı anaman. Sendey perzentim barlıǵınan. Maģan bunnan artıq baxıt kerek emes. Men sennen ırzaman, balam. Keleshekte óziń jazǵan shıǵarmańdaǵı pidáyı insanlardıń biri bolıp, watanımız rawajına óz úleslerińdi qosıwıńa isenem.
  • Anajan, sizdiń bergen aq sútińizdi, isenimińizdi, álbette, aqlayman.

Sizge, elimizge múnásip perzent bolıwģa háreket etemen.

 

 

Qaraqalpaq filologiyası hám jurnalistika fakulteti,

Abdireymova Gúlnara Reymbay qızı 2-kurs studenti.

“Men ne ushın súyemen Ózbekstandı”

atamasındaǵı gurrinler tanlawi jenimpazi  

 

 

Пайдалы дереклер