2020 йил 24 июль куни Бердақ номидаги Корақалпоқ давлат университети Касаба уюшмасининг VI конференцияси бўлиб ўтди. Конференцияда дастлаб касаба уюшма кўмитасининг 2015-2020 йиллар оралиғида олиб борган ишлари тўғрисида университет касаба уюшмаси раиси ва касаба уюшмаси текширув комиссияси раисининг ҳисоботлари эшитилди ва делегатлар томонидан қониқарли баҳоланди.
Кун тартибидаги масалалар кетма-кетликда кўриб чиқилди ва касаба уюшмасининг кўмита аъзолари, касаба уюшмаси президиум аъзолари, касаба уюшмаси қўмитаси раиси ва раис ўринбосари, касаба уюшмасининг текширув комиссияси ва комиссия раиси, Ўзбекистон таълим, илм ва маданият ходимлари касаба уюшмаси Республика Кенгаши Қорақалпоғистон Республикаси конференциясига делегатлар сайланди. Конференцияда Ўзбекистон таълим, илм ва маданият ходимлари касаба уюшмаси Республика Кенгаши Қорақалпоғистон Республикаси бўйича масъул ташкилотчиси Р.Абдурахманов, университет ректор А.Реймов, Молия ва иқтисодиёт ишлари бўйича проректори А.Кудайбергенов, Ёшлар билан ишлаш бўйича проректор в.в.б И.Жуманиязов, Уқув ишлари буйича проректор О.Дуйсенбаев, университет юристи А.Баймуратовлар иштирок этди. Шунингдек таклиф қилинган 48 нафар делегатдан 48 нафари иштирок этди.