Qaraqalpaqstan Respublikası ma’limleme kitapxana orayında “INFOLIB UZBEKISTAN-2020” IX Milliy málimleme kitapxana hápteligi sheńberinde «Tez tap» atamasında viktorina oyını shólkemlestirildi. Viktorinanı ótkeriwdegi maqsetimiz jaslarımız mánawiyatın joqarılatıw, olardıń arasında kitapqumarlıqtı keńnen úgit- násiyatlaw, jaslarımız bilimlerin asırıwǵa baǵdarlandı. Viktorina oyınına Tashkent màdeniyat hàm sanaat institutı Nókis filialı student jasları hàmde Berdaq atındaģı Qaraqalpaq Màmleketlik Universiteti kitapqumarlar klubı aǵzaları qatnastı, solardan 3 adam sorawlarǵa juwaplar berdi hámde tóreshi aǵzası tárepinen bahalandı. Birinshi orındı Orazbaeva Aynura , ekinshi orındı Kokanova Nursulıw, úshinshi orındı Ibragimov Sabır iyeledi. Jen’impazlar diplom hàm de bahalı sawǵalar menen sıylıqlandı.
Aynura Orazbaeva.
«Kitapqumarlar» klubı jetekshisi,
Qaraqalpaq filologiyası hàm jurnalistika fakultetiniñ 2-kurs studenti.