Қарақалпақ мәмлекетлик университети ҳәм Өзбекстан Республикасы Финанс министрлиги менен биргеликте Өзбекстан Республикасы Президентиниң 2020-жыл, 24-февралдағы ПҚ-4611 санлы «Финанслық есабаттың халықаралық стандартларына өтиў бойынша қосымша ис-илажлары ҳаққында»ғы қарарын орынларда кеңнен үйрениў мақсетинде Финанс министрлигиниң Бухгалтериялық есап ҳәм Аудит методологиясы департаменти директоры Х. Ортиқов ҳәм басқада бир қанша қәнигелер менен биргеликте Қарақалпақ мәмлекетлик университетиниң Оқыў ислери бойынша проректоры, доцент О. Дуйсенбаев, Бухгалтериялық есап ҳәм Аудит қәнигелигиниң профессор-оқытыўшылары, магистр ҳәм бакалавр тәлим бағдарындағы студентлер менен биргеликте жеке излениўшилер қатнасында оқыў-вебинары болып өтти. Вебинарда Өзбекстан Республикасы Президентиниң 2020-жыл, 24-февралдағы ПҚ-4611 санлы «Финанслық есабаттың халықаралық стандартларына өтиў бойынша қосымша ис-илажлары ҳаққында»ғы қарары тийкарында қатнасыўшыларға презентация шөлкемлестирилди ҳәм ашық сәўбетлесиў өткерилди. Президент қарарында белгилеп қойылған мақсет ҳәм ўазыйпаларды дурыс ҳәм ўақтында орынлаў бойынша мәселелерге айдынлық киргизилди. Сондай-ақ, Президент қарары тийкарында Өзбекстан Республикасы Министрлер Кабинетиниң 2021-жыл, 26-январь сәнесиндеги №38 санлы қарары бойынша да бир қанша түсиниклер берип өтилди.
«Бухгалтериялық есап ҳәм аудит» кафедрасы
үлкен оқытыўшысы Тажекеев Зинатдин.
