Өзбекстан Республикасы Инновациялық раўажланыў министрлигиниң 2021-жыл 16-апрелдеги 3/9-4/1-385-санлы хатына муўапық, өз бетинше излениўшиликке талабанлар 2021-жыл 15-апрелден 15-майға шекем Инновациялық раўажланыў министрлигиниң бирден-бир электрон системасы (www.phd.mininnovation.uz) арқалы дизимнен өтиўлери мүмкинлигин мәлим етемиз.
Университетке өз бетинше излениўшиликке талабанлар ҳәзирги ўақытта бар болған тек төмендеги таяныш докторантура қәнигеликлери бойынша ҳүжжетлерди тапсырыўлары мүмкин:
- 01.04.10 – Ярымөткезгишлер физикасы
- 02.00.03 – Органикалық емес затлар ҳәм олар тийкарындағы материаллар технологиясы
- 03.00.06 – Зоология
- 03.00.08 – Адам ҳәм ҳайўанлар физиологиясы
- 03.00.10 – Экология
- 07.00.06 – Археология
- 07.00.07 – Этнография, этнология ҳәм антропология
- 08.00.04 – Аўыл хожалығы экономикасы
- 08.00.03 – Менеджмент
- 09.00.01 – Онтология, гнесология ҳәм логика
- 10.00.03 – Қарақалпақ тили
- 10.00.02 – Қарақалпақ әдебияты
- 11.00.02 – Экономикалық ҳәм социал география
- 12.00.01 – Мәмлекет ҳәм ҳуқық теориясы ҳәм тарийхы. Ҳуқықый тәлийматлар тарийхы
- 12.00.02 – Конституциялық ҳуқық, ҳәкимшилик ҳуқық, финанс ҳәм бажыхана ҳуқықы
- 12.00.08 – Жынаят ҳуқықы, ҳуқықбузарлықлардыӊ алдын алыў, криминология, жынаят орынлаў ҳукықы.
Усы қәнигеликлерден өз бетинше излениўшиликке талабанлар ушын зәрүр ҳүжжетер дизими жоқарыда келтирип өтилген Инновациялық раўажланыў министрлигиниң (www.phd.mininnovation.uz) сайтында келтирип өтилген.