«Тынышлық» МПЖ да пуқаралар менен ушырасыў

 

 

Бердақ атындағы Қарақалпақ мәмлекетлик университети Химия-технология факультети профессор-оқытыўшылары Нѳкис қаласындағы «Тынышлық» МПЖ аймағы турғынлары менен ушырасыў шөлкемлестириди.

Ушырасыўда Өзбекстан Республикасы Президенти Ш.Мирзиёевтың 2021-жыл 13-апрелдеги “Мәмлекетимизде жаслар бантлигин тәмийинлеў ҳәм бос ўақытларын мазмунлы шөлкемлестириў ис-илажлары”на бағышланған видеоселектор мәжилисинде “Жоқары оқыў орынлары мәҳәлле жаслары ушын мәнаўий орай ҳәм мәденият ошағы» болыў керек деген басламасын әмелге асырыў ушын факультет профессор-оқытыўшылары ҳәм студент жасларының алдына қойылған мәселелери додаланды.

Факультет деканы Б.Нурымбетов ҳәм Химиялық технология кафедрасы А.Садиковалар пуқараларға мәҳәлле жасларының қызығыўшылығынан келип шыққан ҳалда университет спорт дөгереклерине ағза болыў мүмкиншиликлери, жаслардың қәлеўи бойынша рус тили, инглис тили, немец тили ҳәм басқада тиллерди үйрениў мүмкиншиликлери бар екенлиги ҳаққында айтып өтти.

Ушырасыў жуўмағында мәкән пуқаралар жыйыны турғынлары өзлерин қызықтырған сораўларын берди ҳәм тийисли жуўапларын алды.

 

Химия-технология факультети 1-курс студенти

Чимбергенова Гульнара 

Пайдалы дереклер

Skip to content