Жаслар ушын жаратылған қолайлылықлар

 

Бердақ атындағы Қарақалпақ мәмлекетлик университети Химия-технология факультети профессор-оқытыўшылары Нѳкис қаласындағы «Тынышлық» МПЖ аймағы турғынлары менен ушырасыў шөлкемлестириди.

Ушырасыўда “Жоқары оқыў орынлары мәҳәлле жаслары ушын мәнаўий орай ҳәм мәденият ошағы» болыў керек деген басламасы тийкарында университет тәрепинен әмелге асырылыўы белгиленген жумыслар ҳаққында мағлыўмат берилди. Мәҳәллелердеги жаслар дәптери ҳәм ҳаял-қызлар дәптерине дизимге алынған ҳаял-қызларды “Қызлар тигиў цехи” ҳәм “Пазенделик” дөгереклерине тартып, бир айлық қысқа мүддетли курслар шөлкемлестириў арқалы қызларға тигиў-пишиўди ҳәм пәзенделик шеберликлерин үйретиў, мәҳәллелердеги темир дәптер, жаслар дәптер, нәгиран жасларды “Илимнен басқа мәдет жоқ” уранында, жоқары мағлыўматлы болыўға қызықтырыў, олардың оқыўға тапсырыўы ушын университетте бар болған тәлим бағдарлары бойынша бийпул таярлаў курслары шөлкемлестирилгенин айтып өтти.

Ушырасыў жуўмағында мәкән пуқаралар жыйыны турғынлары өзлерин қызықтырған сораўларын берди ҳәм тийисли жуўапларын алды.

 

Химия-технология факультети 2-курс студенти

Куздибаева Нилуфар 

Пайдалы дереклер

Skip to content