МӘДЕНИЙ-РУЎХЫЙ ҲӘМ ДӨРЕТИЎШИЛИК ИЛАЖЛАР

Бердақ атындағы Қарақалпақ мәмлекетлик университетиниң мәденият сарайында «Беккем шаңарақ – жәмийети тиреги» темасындағы ушырасыў болып ɵтпекте, -деп хабар береди Республикалық Руўхыйлық ҳәм ағартыўшылық орайы Қарақалпақстан бөлиминиң мәлимлеме хызмети.

 Қарақалпақстан Республикасы Министрлер Кеңесиниң арнаўлы баянламасына тийкар  усы жылдың 24-29-май күнлери Нөкис қаласы, Төрткүл, Қараөзек, Мойнақ, Елликқала ҳәм Тахтакөпир районларында Республикалық Руўхыйлық ҳәм ағартыўшылық орайы, тийисли министрлик ҳәм ведомстволар менен биргеликте Нөкис қаласы ҳәм Республикамыздағы мәҳәллелер ҳәм алыс аўыллардағы халқымыз ушын елихалқымыз ҳүрметиндеги абырайлы дөретиўшилер, Өзбекстан ҳәм Қарақалпақстан халық артистлери, соның ишинде, актёр ҳәм актрисалар, белгили қосықшылар және шайыр ҳәм жазыўшылар қатнасындағы руўхыйағартыўшылық ҳәм дөретиўшилик ушырасыўлар менен мәдений концерт бағдарламалары шөлкемлестирилмекте.

Руўхый-ағартыўшылық ҳәм дөретиўшилик ушырасыўлар өз ишине “Жаңа Өзбекстан – Жаңа Ренессанс”, “Беккем шаңарақ – жәмийетимиздиң көрки”, «Ўатанымыздың раўажланыўына мениң үлесим», «Жаслар үшинши ренассанстың драйбери», “Жаңа ояныў дәўири китапқумарлық ҳәм китапханалардан басланады”, “Жаңа Өзбекстан – жаңа шеклерге қарай” сыяқлы мәдений-руўхый ҳәм дөретиўшилик илажлар менен конференциялар, ҳәр қыйлы көргизбелер және театрластырылған көринислер, сондай-ақ, «Жаңа Өзбекстанда еркин ҳәм абадан жасайық» сүрени астындағы ел сүйген дөретиўшилер қатнасындағы гала концерт бағдарламаларын қамтып алады.

Бул шөлкемлестирилип атырған илажлар кеӯиллерге руӯхый азық бағышлаӯ менен бирге Жаңа Өзбекстанныӊ жарқын келешегине беккем исеним қәлиплестириӯи менен әҳмийетли саналады.

 

 

 

Пайдалы дереклер

Skip to content