BALALARǴA BERIŃ DÚNYANÍ

Biliw ushın álemniń sırın,

 Końil kózi menen kóriń dúnyanı,

 Jannan áziz, pák shıyrın,

 Balalarǵa beriń dúnyanı.

 

Erten’ «Xalıq aralıq balalardı qorǵaw kúni» pútkil dúnya balaları ushın quwanıshlı bayram keń túrde nıshanlanadı. 

Biz Ximiya texnologiya fakulteti 2 kurs studentleri topar basshımız Z.Uzakbergenova menen birgelikte 28-may kúni usı bayram múnásebeti menen Xojeli rayonında jaylasqan Mehribanlıq úyinde boldıq. Balalar úyi tarbiyalanıwshıları bizdi quwanısh penen bizlerdi kúlip qarsı aldı.

Topar basshımız balalardı bayram menen qutlıqlap, Mehribanlıq úyi basshısı Svetlana Mixailovnaǵa óziniń minnetdarshılıǵın bildirdi. Sońınan Mehribanlıq úyi tárbiyalanıwshıları hám toparımızdıń talabaları (Sh. Orazımbetov, S.Najimova) tárepinen koncert baǵdarlaması qoyıp berildi.

Kishkene ǵana qızlar hár túrli ayaq oyınlarǵa túsip, júzimizge kúlki baǵıshladı. Koncert baǵdarlaması sońında tárbiyalanıwshılar  ustazlarımızǵa óziniń jaqsı tileklerin bildirip, talabalarǵa aldaǵı sessiyalarda «4» hám «5» bahalarına tapsırrıwımızdı tilep qaldı. Biz bunnan júdá quwanıshlımız.

Xojeli rayonındaǵı Mehribanlıq úyinde házirgi kúnde 116 tárbiyalanıwshı bar bolıp, olar hár qıylı dógereklerge qatnaspaqta. Bul tárbiyalanıwshılardıń 20 sı 2020-2021 jılında Joqarı oqıw orınlarına grant tiykarın qabıl qılınǵan. Sonnan 14-i Qaraqalpaq mámleketlik universitetinde tálim almaqta.

 

 

Ximiya texnologiya fakulteti

Пайдалы дереклер

Skip to content